Ane Punye Kise..

Mester Kontroversial ude menginggal

2010-02-02T19:54:00.002+07:00

Barusan aje Wak Juki pulang sehabis ngelakonin jadi juru do'e alias tukang bacain do'a buat orang mati di kuburan wakapnye Haji Domang.. serebetan pakeannya masih belepotan ame tane base.. sebab semaleman ujan deres jadi bikin tane kuburan pade belok.. na keringe aje ude bikin kotor apelagi kalu ude becek.. mane kagak diaspal lagi gang-gang nye.. (emang kuburan buat tempat bikin MHT ape?).

Baru aje die ngaso sambil bekipasan ame amplop yang diselipin ame keluarge si mayit kedengeran di mesjid diberitain telah meninggal seorang tokoh besar kampung di rume sakit sebab abis nyabut gigi.. gerahamnye nyang tinggal atu-atunye.. walah.. kok meninggal orang gampang banget ye.. pikirnye..

Pikiran Wak Juki langsung melayang beberape taon nyang lalu.. waktu pertame si mester jadi pimpinan kelompom igame.. di kampungnye nyang kabarnye selalu bikin gaye nyang bikin pare ulame laennya pade blingsatan.. dibilang kagak ngerti elmunye banyak.. tapi dibilang ngerti ngape keputusannye bikin orang pade metotot..

Emang.. ampir semue orang bilang (terutame bukan pengikutnye) si Mester dibilang paling kontroversi (nah lo di bahase batawi bilnge ape ye?? eh belawanan) ame kondisi nyang biasenye.. bahkan kagak sedikit nyang bilang die ngawur.. ame habib .. sering banget die di protes.. ampe diajak adu pendapat.. tapi.. entu tadi.. paling-paling dengan nyantainye die bilang.. Emang Gue Pikirin..

Tapi, jangan sale.. kalu ketemu orang yang ude panatik ame elmu ajarannye.. bahkan beribu pengikutnye nyang bilang die wali.. beeeeh.. ngajakin ribut bise dah.. soale die-die emang yakin banget.. kalu bosnye entu orang bener.. cuman orang pade kagak ngarti aje ame pendapat-pendapatnye.. paling banter .. die bilang.. elmu orang pade kagak nyampe buat ngertiin segale pendapatnye.. wallohu a'lam deh..

Nah.. perlawanan eni nyang kadang diatasnye adem ayem.. eh dibawah nyang pade gontok2an.. wal hasil.. begitu denger kabar meninggal.. banyak nyang pade loncat kegirangan.. dan kagak sedikit nyang ampe nangis jejeritan.. guling-guling ame ngegeloso kaya anak kecit kagak kebagian es bon bon..

BIKIN BUS WAY NYE KAGAK NIAT

2010-01-02T14:30:00.002+07:00

Sebagai warge Betawi nyang baek, Haji Muin kalu kemane-mane pasti ngusahain buat naek busway.. mo die ke lebak bulus, grogol, mampang, kebon binatang, ancol atawe senen.. pokoknya ampir semingguan eni kerjenye jalan-jalan aje buat nikmatin enaknye ngelilingin pusat kote.. belon lagi pas sampe glodok dia mbonceng ojek sepede buat kelilingin kote tuwe.. dari kali besar ampe ke musium bahari di pasar ikan yang sekarang ude pade sepi.. kalu sempet die mampir ke keramat luar batang yang dulu kesohor banget sebab jadi tempat kunjungan pertame hampir semua masyarakat betawi.. siape nyang kagak kenal ame Habib Husein bin Bakar bin Abdurr Rahman Al-Idrus???

Tapi, niat ati jadi warge nyang baek.. pengen make pasilitas nyang ude dibuatin ame Bang Oji (Fauzi Bowo) nyang jadi gubernur sekarang.. namun, walhasil.. die nyang ude tuwe rente jadi mencak-mencak.. segitu die abis pulang keliling jakarte..

"Sial, matirabit, dasar emang kagak niat.. mo bikin orang suse jadi bahan ketawaan ape!!! gerutunye sambil mbuke sendalnye buat dibawa masup ke dapur tempat si Amine nyimpen sendal atawe sepatu.
"Nyebut.. bang.. abis kesurupan setan mane? kok pulang dari naek baswey malah jadi ngedumel kagak karuan gitu...., tanye si Amine sambil nyiapin aer minum lakinye di cuntang..

"E Mine, siape nyang kagak sewot.. janjinye waktu mau bikin busway.. katenye mo bikin kampung kite jadi lancar.. orang kaye ame orang suse satu mubil.. eh.. tau kagak kalu gue nunggu tuh mubil aje bise lebi dari setenge jem.. ngantri ke orang waktu jaman PKI dulu kite ngantri beras.. ude gitu.. kagak ade kipas angin.. bikin orang pade blingsatan tekurung di tempat nyang kagak ade udare.. ampir2 aje gue pingsan.. cuman buat nunggu mobil butut nyang dateng ke kiyong.. sepertinye buat beli mobil baru buat kesejahteraan masyarakat tingkat bawe ke kite aje Pemerinte suse banget yeh.. padahal tuh di koran2 pade nulis wakil rakyat minte mobil dines aje ampe satu mubil 1,3 milyar.. sedang kite satu mobil aje berebutnye ke orang ngantri bulgur jaman belande..

"Ye.. jangan ngambeknye ke aye dong Bang aji.. pan Abang kendiri nyang milih mo jalan-jalan pake pasilitas negare.. ye emang gitu.. rasenye.. emang selame eni kite perne liat salah satu aje pasilitas negare nyang bener?? mulain dari kerete, mubil bus, kapal terbang, atawe pengurusan ktp di kelurahan..

"Entu diye nyang gue pengen protes!!! bikin anggaran buat mobil wakil rakyat kok sanggup.. padahal disini masing butuh banget dana buat nambah mobil Busway.. noh liat.. jalan dari Grogol ame ke Celilitan aje .. ude ampir tige taon dibuat tapi kagak ade busnye.. belon lagi monorel nyang rencanenye dibangun dari Lebak bulus ampe ke Kote.. ude pade bediri tiange tapi.. kedengeran bacot mo nerusin tuh proyek aje kagak kedengeran.. jadi selame eni niatannye pegimane sik??

Makenye kalu kagak niat jangan bikin dong... gerutu babe sembari nyamber anduk buat pegi ke padasan.. buat ngademin badane nyang panas .. sekalian ngademin ati nyang dongkol ..

GITU AJE KOK REPOT...

2010-01-02T14:18:00.002+07:00

Bulan Desember 2009 Negare kite ngerase keilangan.. orang nyang katenya jadi panutan, jadi kebanggaan bangse, bekas presiden kite nyang digulingin. Segitu hebohnye ampe-ampe Pemerinte lewat presiden kite minte supaye pade ngibarin bendere setenge tiang buat nyatain kalu kite lagi pade beduke cite.. ade nyang ngusulin buat dijadiin pahlawan nasional.. weleh deleh.. begitu banyak orang nyang memuji.. tapi kagak sedikit bahkan mungkin bejibun juge orang nyang pade mencak-mencak.. sebab secare langsung ape kagak perne bebenturan ame kepengenan si almarhum atawe perjuangannye bentrok ame die.. wal hasil ikut girang kerne orang nyang jadi penghalange ude 'kagak' (pengertian ude meninggal).

Tapi, kalu inget ame omongannye selame eni.. yang ngaggap ape-ape entu gak usah diambil ati alias nyantai aje.. rase-rasenye kite masing terngiang di dalem kuping kite .. :GITU AJE KOK REPOT.. jadi jangan dibesar-besarin, jangan dianggap ape-ape kerne emang orangnye juge rase-rasenya kagak kepengen kayak gitu.. jadi.. KENAPE KITE JADI PADE REPOT???

Jadi, nyang penting doe aje nyok biar amalnye, dirinye, imannye keterima ame nyang kuase.. sesuai dengan ape nyang diperjuanginnye selame eni.. kalu baek .. ye dapet nyang baek .. kalu jahat .. ye jadi jahat.. begitu aje.. ah.. jadi.. ane juge mo bilang ame Pemerinte.. ane masyarakat semua.. anggap biase aje.. jangan dibesar-besarin... GITU AJE KOK REPOT...

MAEN PESBUKAN

2009-12-12T10:42:00.005+07:00

Bang Oji masing asik nyeruput kupi nyang baru aje dibikini ame Pok Rodie nyang manis bin imut ke siput dikerubuti semut. Pagi entu emang ujan ude lame berenti.. setelah ngeguyur halaman rumenye nyang emang selalu becek sejak ba'de isye ampe subu.. keruan aje tuh rume jadi sedikit belepotan ame belok tane nyang kecipratan aer ujan. Ditambe dinginnye pagi bikin semangetnye Bang Oji jadi tambe buat ngegulung badanne ame sarung jatah lebarannye sebagai petugas marbot musholle di gang sebele.

Dari ruang tenge kuping Bang Oji ke seperti orang dikilik campur bising sebab kedenger nyaring suare si Dowi anaknye semate wayang nyang lagi asik ngikutin nyanyian yang di tipi. Kalu kagak sale kedenger ade penyanyi.. GIGI nyang lagi nyanyiin lagu nyang judulnye My Facebook (bacaanye PESBUK).. wah.. kedenger asing buat pendengarannye.. belon lame si Entong, bocah nyang belon sunat ude tereak2 ame congornye sambil begaye "siang malem kuselalu menatap hape terpaku untuk onlai onlai.. wah.. dari bahasenye aje ude bikin ribet.. belon ame orang nyang katenya lagi ngerep.. (kalu kate Bang Oji mah nyanyian orang kesurupan).. banyak kate-kate nyang bikin kuping Bang Oji bingung nangkepnye..

Nyang bikin die bingung saat si KOJI bilang sambil ke ngedumel.. 'BANGUN TIDUR LANGSUNG PESBUK BIAR MATE MASING NGANTUK' .. dan seterusnye .. rase-rasenye belakangan eni kuping Bang Oji jadi kelewat sering ngedenger si Dowi kalu disuru ame emaknye buat beli gule kopi atawe ngangkain jemuran nyang takut ketiban ujan.. die selalu bilang bentar lagi pesbukan neh.. sambil ngutak ngatik telepon genggem nyang bise dibawe kemane.. kadang Bang Oji jadi kepengen ngebawa anaknye ke Pak Haji Muse lantaran sering die liat anaknye cengengesan kendiri di depan tuh telepon.. nape ye?? pikirnye .. ape emang anak gue si Dowi ude .. kagak waras??

GILE.. JANGAN JANGAN ANAK GUE UDE MULAIN GILE PESBUK.. emang ade setan PESBUK yeee???

Nikah Sirih

2009-02-26T08:48:00.008+07:00

Tadi pagi waktu ane lagi siap2 dandan buat ketempat kerjean masing sempet2in buat nonton tipi nyang pade rame ngomongin masalah ade artis nyang terkenal ame goyang gergajinye ngejalanin nika siri ame artis rambut kriting nyang suarenye rada serak2 becek. Ade nyang nuduh die ude bikin kebohongan publik le, ade nyang bilang die ngelakuin poliandri le sebab dalam waktu nyang bersamaan katenye die juge nike ame orang bule keturunan Indonesie atawe orang Indonesie keturunan bule. Wal hasil jadi tambah ribet deh. Banyak komentar mulain dari penghulu yang ngerase nikahin die, ame penceramah atawe ustad. Belon lagi omongan bekas lakinye nyang keliatan sewot banget begitu die tauk bekas bini nyang dipengen2in eh jebule die diembat ame orang laen. Tinggal die aje nyang nginyem ibarat kate ke cicek makan kapur.. man celam-celam doang sambil nelen ludah. Soale die paling getol banget pengen balikan lagi ame bekas bininye. Ah.. kok ane jadi ngegosip terlalu jauh yee.

Masale nyang ane mo ungkepin disini pan masale 'kawin siri' atawe 'nike siri' (orang sekarang ude ngebedain antare kawin me nike). Kenape sik musti ade istile kawin siri?

Sebenernye sah dimate Alloh, orang nike entu kudu ade penghulu atawe orang tuenye nyang nikahin tuh anak ame lelaki yang ditunjuk, bise demenannye tuh anak atawe lelaki nyang dipengenin buat jadi lakinye tuh perempuan. Peribase kate ade kedua calon mempelai. Nah nyang kedue walinye si perempuan, dan nyang ketige ade saksinye.. supaye enti2 kalu siperempuan jalan ame lakinye atawe kalu si lelaki ade di rumenye si perempuan jadi kagak nimbulin pitne ye kagak? Nyang penting lagi ni.. kajadian ke gini kudu dikasi tauk orang laen.. mo tetangge2.. atawe sodare2 baek si perempuan maupun sodare2 si lelaki kudu tauk. Jadi kalo sewaktu-waktu orang nanye ade nyang ngebilangin. Sengkat kate diumumin. Kalu disunahnye pan kudu ade berkat atawe sukuran atas pernikahan dengan ngundang tetangge dan kenalan. Tambahan lagi, orang dulu meskipun jarang ade nyang pake surat nike, orang2 ude pade paham kalu orang nyang namenye ude nike segale tanggung jawab dan amanahnye jadi laki bini entu ude pade ngerti igame. Jadi, kagak seperti sekarang.. dibilang kalu nike siri kagak ade kekuatan hukumnye. Lah hukum ape emange? negare, atawe hukum tuhan?

Kejadian sekarang pan kayak ude pade nyimpang. Ade banyak alesan nyang dipake ame orang2 nyang pade ngejalanin nike siri. Ade yang cuman jadi alesan supaye kagak dose artinye halal 'begituan' dengan nyari enaknye tapi kalu ude dapet enaknye malah lupe atawe sengaja dilupe-lupein kalu die masing punya tanggung jawabnye sebagei lelaki. Ujung2e perempuan juge nyang jadi rugi.. ude orange dipake, anak dapet, eh bagiane kagak dibagi.. soale anakke kagak diakuin.. apes banget kan?
Alasan nyang kedue, kerne si lelaki ude ade iketan ame bini tue secare hukum negare. Aturan negare nyang ade bikin orang lelaki kagak bekutik sebab begitu banyaknye sarat2 orang lelaki nyang mau bebini lagi.. terutame orang pemerinte.. peribase kate lebih dihalalin kawin-kawinan pake urat ketimbang kawin-kawinan nyang pake surat. Wal hasil bejibun dah lelaki nyang ude pade ngebet buat jajan lagi akhirnye milih 'nike siri' nyang kagak ketahuan ame bini tuenye.. trus kalu ade ape-ape tinggal ngomong 'talak atawe cere' beres dah.. Satu lagi nyang lebi pare.. tuh anak belon mampu nyari makan, belon mampu ngasi nafke.. belon siap jadi orang tue, tapi ude kebelet pengen ngerasain enaknye orang begituan. Wal hasil jadi maen umpet-umpetan deh ame orang laen. Begitu Alloh kasi anak.. eh tobat tuju turunan .. die ketulung2 langsung ngacir dari tanggung jawabnye.. tinggal perempuan aje nyang nyo-ong..

Kalu kite kembali lagi ke permasalahannye. Sekarang kan ude ade lembage nyang resmi. Kenape sik kagak kesono aje. Pan enak kalu sah secare igame ame negare. Kedue emang aturan nyang kudu dibenerin. Jadi nggak ade lagi orang nyang ngegampangin urusan berume tangge. Buat orang nyang ngerti igame dan takut dose sik gak pape.. sebag die ngerti akibatnye orang berume tangge (mo kawin siri kek, kawin gantung kek) nyang penting taukle ame akibatnye kalu ngelanggar bise dose. Jangan ampe ke kejadian nyang dulu2 waktu ade penyanyi dangdut nyang kepengen banget anaknye diakuin ame bapaknye nyang perne jadi mentri. Nyang atu bilang die dulu nike siri dan dicerein kagak pake kate2 eh nyang lakinya kagak ngaku kalu die perne kawinin tuh penyanyi. Jelas2 dari tampange aje ude same.. mo diajakin test dare ade aje alesane. Kan jadi seperti orang maenin hukum igame.. diye nyang bikin enak dan jadi anak kok malah mabur waktu diminte tanggungjawabnye.. bujud dah..

Kalu begini ceritenye NIKE SIRI.. jadi ape dong maksudnye?

Masing Tentang 'Ponari'

2009-02-24T08:29:00.004+07:00

Kemaren2 masing rame di radio2, tipi2, di koran2 asik pade ngebahas tentang pengobatan alternatip ponari. Ceritenye masing sekitar orang yang pade ngantri ampe rebuan orang. Ditambe lagi ame cerite orang yang ampe meni-ot (mati) plus ame nyang pade pengsan. Keruan aje jadi tambe ricuh. Belon lagi cerite pembagian duit hasil pengobatan nyang kagak bener sehingge ade korban dari pihak kluarge si dukun cilik ponari kendiri, siape lagi kalo bukan bapaknye kendiri nyang katenye ampe klenger digebukin ame mpok iparnye aleas encangnye si ponari lantaran si bapak pengen brentiin kebiasaan ponari buat ngobatin orang. Keruan aje buat si encang nyang kagak rela pendaringannya bakalan abis jadi naek dare dan kagak rela. Wal hasil jebule jadi pade bengklai deh tuh.

Emang jadi seperti kebiasaan di tempat kite, pade demen nyang namenye ikut2an. Perasanan kagak di jakarte, kagak di jawe kagak juga di negare laenne.. budaye ikut2an ude jadi kebiasaan sari2nye. Dulu waktu pengobatan 'mak erot' nyang katenye bise ngegedein 'pentungan' aje langsung deh pade merotos berite ade orang2 nyang pade punye kebeasaan nyang same. Paling kagak mangkin bejibun orang nyang ngaku dapet elmu dari si mak erot. Ade nyang ngaku anaknye, cucu kesayangane, cucu atu2nye.. weleh..weleh..

Nah, begitu juge ceritenye si Ponari nyang katenye ketemu ame batu petir entu (ane kagak tauk dah kenape dinamain batu petir), lantas aje nongol due orang nyang punye riwayat nyang ampir same. Nyang satu namenye si Dewi.. dan nyang satunye lagi si Siti nyang punye batu lebih aneh.. sebab tuh batu bisa ngomong.. bener kagaknye sik ane belon mastiin. Cuman, buat ane asal jangan kite percaye disebabin ame tuh batu orang bise baek.. bise2 kita musyrik bin kapir bin setan bin titan.. idih amit2 cabang bebi deh..

Ade usahe sik dari salah seorang penguase pondok pesantren nyang nyoba ceramahin orang2 nyang pade mo berobat supaye jangan ampe jadi syirik.. sebab percaye lantaran tuh batu nyang nyembuhin penyakit.. wah, orang nyang ude pade putus ase lantaran kagak baek2 penyakitnye.. dan putus ase lantaran beaya pengobatan begitu mahalnye, orang nyang ude pade putus ase lantaran penanganan dokter atawe mantri buat diye2 pade pade kagak ade nyang bener.. mo diceramahin.. padahal si Ponari atawe si Dewi atawe si Siti ude jalan pilian terahir buatnye.. klo ude gini pegimane juntrungane?

kuatin iman?
baekin penanganan kesehatan?
murahin obat2an?
Lantas ape dong?

Beberape tanggapan dalam ngatasin masalah makin bejibune orang ngantri.. nyang dapet ane tangkep dari orang2 nyang jadi panutan semacem pemimpin pondok pesantren dari Jombang, dan ketue majlis ulame.. bilang pertame, bisa jadi emang Ponari ame batunye bise nyembuhin atau cuman sekedar isepan jempol.. tapi, kalu kite kagak teliti nyang bener buat ngebuktiin kebenerannye ye ampe kapan? Catet orang nyang dateng.. trus tanya penyakitnye apaan.. dan abis minum aer si Ponari .. jadi pegimane??? kalu emang kebukti bise jadi obat atawe kagak kasih tauk dah keorang2 rame biar kagak pade bingung.. beres pan??

Nah nyang kedue, kalu emang masalah ngantrinye nyang bikin jadi ribet.. ye ditertipin dong.. trus .. ade bagean duit nyang harus dibagi buat orang2 nyang ikutan ngatur ketertibannye semacem kelurahan, aparat, atawe apele.. pokoknye bagean nyang seimbang.. sebab masalahnye ame dampaknye ude bukan cuman lingkungan rume si Ponari doangan.. tapi, ude menyangkut ade nyang mati, ade nyang pengsan, dan laene..

Satu nyang ane tangkep dan sedikit setuju.. di internet kemarenan ane dikirimin gambar lucu.. ade berite.. sekarang aer celupan batu petire si Ponari ude dijual bebas.. eh pas ane liat gambarnye iklane "POCARI SWEAT" jadi di ganti dengan "PONARI SWEAT" sebuah hasil minuman..hehehe..

Ponari.. Ponari deh.. aje aje ade je eh..

Dukun Kecit si "PONARI"

2009-02-18T16:00:00.008+07:00

"Taon eni taon gile!, bin sableng!, bin gak waras!"...
kedengeran tereakane Bang Jaman begitu dienye abis pulang dari rume warunge Pok Aliye. Jalane masing sempoyongan sebab matenye masing ngeliat rade ngabur ketutup ame belek nyang masing nongol di sele2 mate. Sarunge masing nemplok di pundaknye ngelingker ke uler belibet. Sambil ngerakuin celane jengkinye die masup ke rume..

"Nonnnnn!, tereaknye lagi sambil ngejatoin pantatnye di pangkeng bambu nyang ude mulain reyot dimakan umur.
"Ade ape sik bang!, kagak ade ujan kagak ade angin tuh bacot kagak ade pelan-pelane kaye sombok lenong lagi manggilin penonton aje. Emange Abang kire aye budeg ape, nah ngegeroin ampe ke gledek mo nyamber kepale..", Omel pok Nonon sambil mbawein lakinye aer kopi di muk gede. Nah lagian Abang.. kagak tauk juntrungane tibe-tibe ngedumel kendirian. Emang tuh siri ame kapure ude abing ape?",
"De.. ape Lu kire gue ude pantes ngegantiin Mak Jarone ye Non, lakilu cakep2 gini lu samain ame nenek2 peyot nyang ude bau tane?".
"Bukan begitu Bang, lah Abang sepagi eni ude gegaokan aje, mare kagak tauk juntrungane, bikin Aye bingung aje. Emang ade ape sik Bang", Tanye pok Nonon pengen tau.

"Barusan abang nongton di tipinye Pok Aliye, ade berite anak kecit nyang masing bau kencur bise ngobatin orang pake aer celupan batu nyang konon ceritenye tuh batu ditemuin pas diye lagi mandi ujan dan kesamber gledek. Rase-rasenye gledek nongol dari taon jebod.. tapi ngape baru kali eni orang kesamber gledek trus dapet batu ye.., ude gitu ceritenye tuh batu dipake buat ngobatin orang eh sembuh. Keroan aje nyang denger dari satu mulut jadi banyak. Dan jebule dalam beberape ari aje ude bejibun orang nyang nyabak nginjek rume tu anak. wal hasil jadi kagak sekole, kagak bise maen. Nyang lebi parahnye si Bapak tu anak nyang kepengen ngembaliin tuh anak ke kebiasaan lamenye eh malah ditentang ampe dipukulin ame orang-orang disekeliling tuh anak nyang ude kegirangan mikirin pendapetan nyang bakal diraup dengan care kegiatan pengobatan ke gitu".

"Lha kok bise begitu bang? apan diye Bapak nye?", tanye Pok Nonon lagi ke orang bego. Mulutnye mangap siap melahap semue cerite nyang ngeloyor begitu aje keluar dari bacot lakinye.

"Entule.. Non, ujung2e pan duit juge. Konon kabare satu ari aje pendapetane ampe lime pulu jute.. mate siape nyang kagak ampe melotot dari nyang dulunye nyari duit goceng aje die kerje ampe keluar keringet dari ketek eh tibe-tibe duit betoros di depan mate. Keruan aje si bocah kecit ude jadi bahan perebutan gitu".

"Kesian ye tuh bocah Bang, tapi.. ape bener diye bise nyembuhin penyakit orang?" tanye Nonon lagi.

"Kalu entu mah, mene ketehe.. Tapi nyang lebih parah lagi, waktu si bocah ude nggak bole ngobatin lagi ame babenye.. eh direbut2in tu bocah. wal hasil jadi klenger deh si babe dipukulin ame sodare-sodarenye nyang pade kagak rela kalu si bocah kagak mao ngobatin orang lagi.. pan bise ancur pendaringane tu orang pade", sambung bang Jaman.

"Tapi bang, ape bener kerne batu petir atawe kerne tangane si bocak kecit entu nyang ade khasiatnye..", tanye Nonon bingung..

"Auk le, ade nyang bilang cuman sugesti. tapi, kalu mo pemerinte tajem otaknye seharusnye pan nyadar, kenape sampe orang bejibun pade ngedatengin tuh bocah. Mustinye nyadar klo orang ude pade kagak ade arepan lagi buat berobat ke dokter, rume2 sakita ataw apele nyang ujung2nge biayenye nyang kagak ketulungan. Mengkenye orang nyang pade putus ase pade nyari care2 nyang aneh.. barusan gue liat di tipi begitu lagi diistirahatin tuh bocah eh.. segale aer gotnye, lumpurnye pade diambilin ame tuh orang.. pegimane kagak bikin gue sewot... nauzubilliahi min dzaalik dah..", gerutu bang Jaman.

"Tapi bang, semuenye emang tuhan Alloh nyang ngasi. Mane kite tauk kalo emang Alloh lagi nguji kite melalui tangane tu bocah.. pake kesamber gledek le... nemuin batu petir le.. ade-ade aje ye dunie sekarang..", saut Nonon sambil nyamber sapu lidi di samping pager.

"Non, bentar lagi ujan.. suruh si Toing mandi gih.. siape tauk entar kesamber gledek trus dapet batu.. biar bise ngobatin oraaaaaanngg...", tereak bang Jaman.

"Wey.. ude gile ape Lu Bang.. na kalu kesambernye kagak nape-nape sik enak.. kalu langsung ngejengker.. siape nyang suse? dapet duit kagak mate mah iye.. ah aye pengen idup normal aje.. mendingan bersiin noh got nyang ude pade mampet biar kagak kebanjiran lagi.. noh gludug ude bebunyi besaotan.."...

"DASSSAAARRR LUUUU"..

Bahase Betawi atawe Dialek Jakarte

2009-02-13T14:36:00.005+07:00

Bahasa Betawi atau dialek Jakarta itu, sepertinya terlihat demikian mudah dipelajari. Tinggal mengganti a dengan e pepet (seperti kata ; kuda dengan kude, meja dengan meje, celana denan celane, tiga dengan tige, dst) atau akhiran kan dengan in (seperti bukakan dengan bukain, sayangkan dengan sayangin, tuangkan dengan tuangin, dst) atau juga dengan mengganti awalan me dengan nge (seperti membakar dengan ngebakar, membawakan dengan ngebawain, mengatakan dengan ngatain, dst). Akan tetapi tidak berhenti pada pengubahan kata tersebut saja. Banyak bahasa Betawi atau Jakarta yang sepertinya sudah hilang atau jarang disebut lagi terutama untuk pengucapan suatu benda atau keadaan seseorang atau barang, atau tidakan dan kelakuan seseorang atau sesuatu tersebut.

Kalau dulu, berbahasa Indonesia mungkin dianggap oleh mereka sebagai bahasa melayu tinggi atau 'basenye orang gedongan' yang kecenderungannya seseorang (apalagi suku betawi) dianggap sok belagu atau sok tinggi apabila menggunakan bahasa Indoensia baku tersebut.

Benar, kalau dikatakan bahasa Betawi banyak menyadur berbagai macam bahasa yang diperoleh dari berbagai macam suku bangsa. Pada prinsipnya, apa yang enak didengar dan biasa maka akan menjadi ucapan mereka sehari-hari nantinya. Kalau bisa tentu dengan penerapan bahasanya sendiri.

Sebagai contoh ; Ana atau Anta yang biasa digunakan oleh kaum arab sebagai kata saya dan engkau dengan asik diubah menjadi Ane atau Ente. Begitu juga dengan bahasa lainnya. Kalau pembagian dialek betawi ini (orang belanda bilang BATAVIA, tapi karena susah menyebutnya jadi BETAWI sajalah).

Selain itu, dalam wilayah Jakarta ini juga telah terbagi dalam beberapa wilayah yang menyebabkan adanya perbedaan pengucapan, terutama untuk pengucapan akhiran "a". Ada beberapa wilayah yang mengganti "a" dengan "e pepet" (seperti dalam pengucapan kata bebek) dan ada juga wilayah di Jakarta yang menggantinya dengan "e" seperti dalam pengucapan kata "kecil" dan ada juga sebagian wilayah yang menyebut dengan kata "a'".

Di wilayah tanah abang, kemayoran, atau biasa dibilang betawi kota atau pusat mungkin pengucapan "e" seperti pada pengucapan ke dua. Sedangkan untuk wilayah barat seperti Kebon Jeruk, Palmerah, Rawabelong, Kebayoran Lama, dan sekitarnya lebih sering terdengar menyebut "e" seperti pada pengucapan pertama. Sedangkan untuk wilayah Bekasi, Srengseng, sampai Ciputat lebih terdengar menggunakan kata "a'".

Ada satu kelemahan yang saya temukan dalam sinetron "si Doel Anak Sekolahan" dimana dialek Betawi jadi bermacam-macam karena mempertemukan Almarhum Bang Ben, Rano Karno, Suti Karno, dan Aminah Cendrakasih yang mewakili orang Betawi kemayoran dan Betawi Pusat yang menggunakan logat "a" dengan "e" (seperti pada kata bebek)dengan Bang Mandra, Almarhum Pak Tile, Bang Nasir yang mewakili orang Betawi daerah pinggiran yang menggunakan logat "a" dengan "a'". Selain itu banyak perbedaan istilah yang ditemukan dalam dialog disana. "Biarin" kalau kata Bang Ben tapi "Bagen" kata Bang Mandra. "Makanin" kata Aminah Cendrakasih tapi Bapak Tile bilang "Madangin". Nah, kalau sudah begini jadi bahasa mana yang seharusnya digunakan?

Tapi ada satu kesamaan di dalam suku Betawi ini, yaitu hilangnya pengucapan huruf "f" dan "v" dengan menggantikannya dengan huruf "p" saja. Belum lagi beberapa istilah yang terkadang dari satu wilayah akan berbeda dengan wilayah lainnya. Seperti kata "peci" atau "pici" yang dipakai sebagai penutup kepala untuk sembahyang pada wilayah Betawi pusat tapi Betawi wilayah barat mengatakan "songko".

Jadi, siapa bilang bahasa Betawi itu gampang eh mudah?

Bang Ipin

Nganggur Lagi - Nganggur Lagi

2009-02-12T09:15:00.003+07:00

Bang jangan diem aje, beras ude nggak punye
noh liat pendaringan, ude kosong glondangan

Pan elu ude tau, gue ude brenti kerje
kalu emang terpakse, jual aje clane gue

Biar ude nggak kerje tanggung jawab tetep ade
emang ude mustinye, abis ude nasipnye

Usahe dong bang usahe, jangan tergantung nasib
Usahe tetep usahe, tapi rejeki celik

Sebue lagu gambang kromong nyang dilantunin ame Bang Ben ame taisennye mpok Ida Royani yang syairnye ude ane tulisin di atas jadi seperti ngegambarin kondisi nyang lagi ruwet ampir satu taonan eni. Kalu kagak sale.. di tipi2 ame di radio banyak nyang bilang akibatnye rode perekonomian di Amerike jatu duduk mengkenya jadi bikin perekonomian bangse kite terjua bebas nyungsep di got. Wal hasil anceman PHK alias pemutusan ubungan kerje ude berade di ambang pintu, noh liat raporan di koran-koran aje beberape perusahaan di Indunisia nyang bergerak di bidang industri atawe pabrikan yang hasil barange di kirim keluar negeri terancem gulung tiker. Di koran aje ude sekean rebu orang dirumahin (istile baru buat ngilangin kesane di PHK kecil-kecilan) ada pimpinan nyang rade bijaksane .. buat tetep ngebayar pekerjenye nyang dirumahin cuman dibuangin duit makan, ongkos, me tunjangan laennye. Tapi, nggak jarang nyang malah ngegantung pembayaran gaji pekerjenye pade.. dengan harapan kan jadi cepet cari kerje trus keluar tanpa dapet paket PHK.. dassar.

Apapun nyang dipesenin Pemerinteh buat kagak ngambil jalan PHK atawe kagak rugi nyang berkepanjangann sepertinya ude kagak mempan buat pimpinan perusahaan. Padahal dengan bijaksane Pemerinte bilang :"Dulu sewaktu tuh karyawan rajin dan perekonomian bagus, kan pekerje bise nguntungin pemilik, toh mereka nggak ngasih sebagean keuntungan perusahaan alias tuh keuntungan ditelen kendiri. Nah sekarang pan bagian lagi ruginye, ye jangan lantas mecat sembarangan dengan alesan kagak gablek duit dong.. pan kasian.. ape tuh pekerje kudu banting setir buat usahe laen? nah orang lagi kagak punye duit sape nyang mo belanje???

KAGAK KALI....

Pantun Jadoel

2009-02-10T16:46:00.003+07:00

Lagi iseng-iseng ane ngubek-ngubek di gerobok bekas nyang ude kagak diisiin ame makanan lagi kecuali barang-barang nyang ude pade kagak kepake, ane nemuin selembar oret-oretan bekas tulisane Babe ane almarhum yang kurang lebi 10 taon lalu ude meninggal.

di lembaran kertas bekas yang ude mulain coklat warnanye.. ade tulisan Babe ane nyang isinye pantun lame nyang mungkin sengaje atawe kagak sengaje ditulis die.. kalu bole ane masupin di eni blok kira-kira isinya begini :

burung kecici burung kecia
burung dare mengangkat sarang
dimulut benci di ati suka
malu-malu sama orang

metik kuini jangan dikandut
kalu dikandut banyak getahnye
nyari bini jangan nyang gendut
kalu nyang gendut banyak anaknye

jem tuju jem delapan
jem sembilan kerete jalan
aye tunggu ampe kapan
aer mate jatoh di jalan

jalan-jalan ke pasar baru
jangan lupe beli kedongdong
mentang-mentang penganten baru
masuk kamar menta digendong

Abis ngebace tu tulisan binin ane mesem2 kude. Ternyate Babe bole juge orang dulu care pantunnye. Jadi inget ame nyanyianne Bang Ben almarhum (Benyamin S) ame mpok Ida (Ida Royani) sewaktu musik gambang kromong masing sering dibunyiin di radio Babe ane..

paling enak si kue bike, dimanannye dikope' kope'
yang nggak enak kalu lagi boke, jual clane ditawar cepek

yang nggak enak disamber gledek, tulang sum-sum pade risi
yang nggak enak jadi orang pendek, mau nyium naek di kursi

Tapi, perkembangan jaman sekarang mah anak mude sekarang mo bikin pantun kadang ude mao nyang gampange aje. Nyang penting tujuannye nyampe .. katenye.. coba peratiin beberape nyang belon lame masing beredar.. diantarenye..

bue duren bue kedondong, gue keren dong (nyanjung diri kendiri)
ayam bekokok di pagi ari, minta rokok sama apinye (gak masuk ye?)

Tapi, ade juge nyang lebi parah..

bue kedondong bue kelingkit, minta duit dong (lha? lebih kagak nyambung)

bahkan ade juge nyang malah jadi pelesetan, terutame nyang sering dikoarin ame pelawak-pelawak macem Bagito, dan Patrio, diantarenye ;

jalan-jalan ke pasar baru,....
(nah sampe disono lu beli dah baju, sendal, tas, ape aje deh nyang penting mure..) jadi tambe kagak nyambung kan??? hehehehe namenye juge orang melucu..

Paling kagak, entule gambarannye pantunan orang jaman dulu ame anak jaman sekarang. dengan udah kagak merhatiin lagi nyambung belakange.. yang penting kedenger enak, artinye nyampe dan bise bikin orang ketawe.. dassssaarrr!!!

Dajjal Ma'duje

2009-02-10T10:52:00.004+07:00

Dasar Dajjal Ma'duje..

Dulu umpatan kayak gini sering banget ane denger dari emak-emak nyang lagi ngomelin anaknye nyang dirasain ude kebagetan ngeselin atinye. Kagak tauk deh name panjange Dajjal jadi ditambahin Makduje atawe Ma'duje entu dari mane.. nginget umpatan eni jadi bikin ingetan ane jau ke umpatan-umpatan atawe sumpah serapah orang-orang betawi jaman dulu yang sepertinye ude lame kagak disebut-sebut lagi bahkan mungkin ampir ilang. Mungkin ade beberape nyang masing diungkapin di jaman sekarang, tapi jadi kesannye ude kedenger kasar banget. Ade beberape yang paling ane inget eni. tapi kalu mau dikumpulin, mungkin sepertinye ade tige bagian dari umpatan-umpatan tersebut, diantaranye;

Buat ngomel atau mengumpat kelakuan orang atau anak nyang gak baek, biasanye orang nyang lebih tua atau sebaya akan ngatain tuh anak dengan ungkapan, seperti;

"Dajjal Ma'duje", "Pejajaran", "Samaran Taik", "Gak tau diri", "Sial dangkalan"

Buat mengumpat atas keadaan orang biasenye ame kate-kate seperti;

"Dengkul Kropok" atau "Otaklu di dengkul" (kalu tuh orang dianggap bego banget), "Matalu Buta" (kalu tuh orang gak ngeliat barang di depan mate), "Bijilu mledug", "Palelu Peyang", "Pelelu Emod", "Mati rabit", "Mandi kipe", dan "bujug" atau "bujug buneng",

Umpatan khusus buat perempuan "nakal" tukang maen laki-laki atawe jadi perek, biasenye dikatain

"Grempang" atawe "Cabo"

Kenape sik Kudu Banyak?

2009-02-10T10:01:00.003+07:00

Belakangan Cang Rojak jadi bingung sebab anaknye yang punye name Zaenuddin atawe nyang biase dipanggil ENJAY suka kagok kalu lagi ngeboncengin die pegi ke rume anaknye nyang paling tue si Dolo pitak. Begitu ditanye, si Enjay cuman bilang, "Sory Be, aye asik ngeliatin bendere nyang pade dipajangin di jalanan bermacem-macem ude gitu pade nyebar kayak ditebarin kemane-mane. Ade nyang nyangsrang di puun angsane, puun jaran, puun turi, belon nyang ditempel ditembok2 ame di tiang listrik atawe telepon. Jadi bikin silo mate aye.. jadi pas bengong eh mobil di samping ngasi klakson.. mangkenye pegangan nyang kenceng ye Be..".

"Kenceng palelu peyang...", gerutu si Babe. "Eh tong, emange Gue lu kire bongsang pisang nyang kudu nempel rapet ame badanlu nyang bau codot. lu ngojek kagak mandi ape ye? lagian pan gue Babelu.. ude bau tane ni.. masak lu samain ame anak mude nyang kudu sigap, dasar mate lu aje nyang rabun.. mude-mude ude kayak mate ayam ngeliat malem aje.." katenye lagi sambil asik ngisep rokok guang garam kreteknye.

"Bukan begitu Be, aye cuman bingung. sekean banyak gambar, sekean banyak wakil sekean banyak name.. emange nyang mau dicari ape ye.. kalu dasar ame pikirane same aje trus kenape kagak pade rembukan aje ye.. nentuin mane nyang ngepas ame pikirane die2 pade. jadi kagak bikin bingung kite2. nah ngeliat merek ame judule aje ude bikin kepale nod-nodan (punyeng), belon lagi kalu masing-masing parte punye wakile.. jangan2 asal nemuin calon yang bakal dipasang buat menuh-menuhin wakilnye di pemerinte jadi asal pili.. nyang penting komplit. aye jadi kepikiran pegimane nasib kite kalu nti ade di tangan orang nyang cuman asal pili?"

"Eh panjul, lu kenape repot mikirin sik? emang selame eni dari sewaktu elu masing di perut enyaklu ampe bangkotan kayak gini pemerinte perne mikirin? orang-orang nyang elu pili perne ngasi pinjem Babe duit waktu elu ampir klenger waktu diserempet mobile Mandor Betong sehingge Babe gadein tane buat bawa elu ke rume sakit? trus waktu binilu keguguran trus dokter kagak mau terime sebelon ade duit jaminan sehingge enyaklu ngelolosin kalung nyang bole die sayang-sayang bawaan dari tane meke (mekah maksudnya) emang orang2 nyang di poto entu nyang nyetorin tuh jaminan? pan semue duit gue, bande gue? kalu Babe sih bagen amat..

"ye si Babe ampe segitu sewotnye... kagak gitu juge kaleeee..",samber Zaenuddin alias Enjay alias si Panjul. "Siape tauk (ngarep banget), masing ade orang nyang mau sudi kirenye mikirin nasipnye orang kagak punye Be.., maksud aye neh, katenye semuenye kan pasti ade landasan atawe dasar nyang dijadiin patokan buat berjalane tiap-tiap parte atawe kelompok. Kalu kagak igame ye Pancasile. Maksud aye ni Be.. kalu landasane ude jelas, pasti dong banyak kesamaan tujuan ame pelaksanaannye. apelagi nyang jadi sasarane aje ude jelas masyarakat indunesia' .. lantas kenape kudu banyak macemnye?" Jelas Zaenuddin ke Babenya.

"Eh Njul, ape buat kite pan jelas.. idup aman, cukup madang (makan), cukup tempat tinggal, ame semua serbe gampang. ape lagi Babe nyang ude tue.. kagak banyak kepengenan deh.. nyang penting gampang buat ibade ame kagak bingung carenye.. mo ibade aje sekarang ude bikin Babe bingung.. bagian ini carenye begini, bagian ono carenye begono, bagian itu carenye begitu.. katenye satu igame? ngape jadi pade mencer sik tempat sembayange? kalu bede igame sik masing wajar.. "Omel si Babe.

"Yeeeeeeeeee Babe, semue juge katenye tujuanne same, cuman jalane aje nyang bede.. tapi kalu dipikir-pikir iye juge ye Be.. kalu sasarane ke orang-orang kenape kagak disatuin aje ye.. pan kite jadi pade kagak bingung.. dan pastinye gambar, merek, name parte dan wakilnye jadi kagak bejibun kayak gini.. kalu gini care bikin peste demokrasinye.. berape duit nyang kudu dikeluarin.. berape dalem kantong konjene dirogo ye..?" Tanya Zaenuddin bingung siape nyang kudu ngejawab.

"Auk leeee.. lu tanye aje no ame tuyul atawe jin tomang nyang kerjaane ngumpulin duit buat majikane..", samber Babe kesel.. pantat ude pegel tapi belon juge nyampe di rume...

Negara 1000 Partai

2009-02-09T15:43:00.003+07:00

Kalu jaman dulu kite sering didongengin ame mak kite cerite tentang serebu satu malem. Cerite tentang seorang raje nyang kedemenane ngawinin perawan selame atu malem, abis gitu besoknye tuh perawan kudu dihukum mati. Wah hasil abis deh tiap perawan di negeri tersebut tinggal anak si perdane mentrinye nyang pinter. Untuk mencegah kejahatan si raje akhirnya tiap malem sehabis die 'berhubungan' si bini bikin cerita seru nyang musti ade kelanjutane kerne ari ude mulain pagi. Cerite begini bikin tuh raja jadi kepengen lagi ngedenger lanjutane besok, akhirnye setelah 1000 malem dan si bini punya anak si raje sadar kalu selame eni perbuatane sale dan die yakin kalu bininya orang nyang kagak selingku dan sayang.

Nah, cerite nyang kali eni mo ane ungkapin adale cerite tentang negare nyang punye 1000 partai. Maklum aje, negare nyang emang penduduknye aje udeh suse diitung ame jari, belon macem-macem bangse, bahase, budaye, makanan, ampe ke pakean ame celane dalemnye aje mereknye bede... kalu mo kite tilik-tilik sik, sebenernye ampir same tuh jalan ceritenye.. tujuanne nyari satu bini nyang cocok nyang bakal dipinang ame raje (nah kalu ini tujuanne nyari satu pemimpin nyang cocok nyang bakal diambil jadi wakil negare eni. cuman kudu nunggu sabar dulu dengerin cerite, kemauan, dan tujuannya dari serebu parte tersebut.

Ngeliat dari karakter raje ini juge ibarat sebue nagare. Di cerite 1000 satu malem eni pan rajenye juge rada2 kagak caya'an ama tuh bini. jadi kudu yakin dulu kalu bininye 'aman' kagak 'selengkuh'. Begitu juga ame di negare 1000 partai. si pemerinte kudu aman dan yakin kalu2 partenye kagak cuman mentingin diri kendiri, kagak ngegendutin perutnye kendiri. Wal hasil dari tige parte yang dulu langsung deh bengkak jadi 1000 parte.. coba kalu kite mo pikirin berape biaya buat kampanye, rapatnye, nyebar kertasnye, nyebar spanduknye, balon lagi waktu kite mili.. nah tuh kertas nyang bakalan dicontreng panjangnye aje dari tane ampe dade.. apa kagak bikin bingun rakyat jelate aje tuh?

Nah, kalu ude begini, semua parte, golongan, dan orang2nye pun pasti ngaku kalu die-die ajele nyang paling pantes buat diambil jadi wakil ame pemimpine. kagak peduli berape duit nyang keluar dari kantonge, dan kagak tauk kegunaannye ape bearti banget bagi masyarakat atawe male bikin sengsare.. nyang penting tujuanne kan nyampe..

Ujung-ujunge kite orang rendahan lagi nyang jadi korban. banyak duit keluar kagak karuan, banyak kertas betebar kagak keruan. satu parte aje duit promosinye bise ratusan jute lha pegimane ampe 1000 ? udah bise bikin modal buat rakyat kan tuh. Kenape bisa begini?

Nafsu 'lawhamah' dan 'amarah' nyang nyokol di dade.. jadi jebule kagak ade lagi persatuan dan kesatuan dalam pemikiran, bahase, dan tindakan. kalu pade berlomba-lomba buat bikin nih negare makin baek sik kagak pape.. lha kalu malah menta duit negare buat modal kampanye? bujug .. ape jadi kagak berabe?

EMANGE TUH DUIT PUNYA BAPAK MOYANGE????????

Belajar Terime Kritikan

2009-02-09T14:29:00.006+07:00

Assalamu alaikum Ya Akhi WNI (khususnye) dan warge kelompok laen yang ngerase kesinggung ame tulisan yang mungkin baek sadar atawe kagak sadar jadi kene atawe merase. Tapi, baek deh untuk lebih enaknye ane menta maap buat akhi WNI yang merase kantongnye atawe embun-embunanne jadi keganggu. Tapi, kalo bole diunjukin di tulisan mane ye ane nyebutin boroknye atawe belange?

Kan sedari awal ude dibilang tulisan eni cuman sekedar ape nyang ane ngerasain sebagai orang nyang bukan siape-siape. kalu soal elmu mah ane kalah banget deh me ente-ente pade. jadi, kagak ade artinye kalu pengen ngorek-ngorek tentang keberadaan ane, latar belakang ane, hehehehe jadi ngerase kayak pejabat nyang lagi naek daon trus pengen nyalonin diri pasti deh besoknye banyak orang nyang pade nyari berite tentang pejabat entu.. ade nyang baek le.. nyang kagak baek le.. pokoknye sesue ame permentaan pasar.

Ane bukan selebritis bang WNI, cuman orang biase, kalu ente berkenan ame unek-unek ane buat lelucuan kagak pape tapi kalu mo ditanggapin serius sik bukan tempatnye.. same aje ade orang2e pulitisi nyang merasa kesinggung begitu ngedenger ade tukang becak atawe tukang sapu jalanan nyang ngegerutu soale pas tokoh mereka itu lewat depan si tukang becak tersebut tanpa menoleh atau negor atau die buang ludah.. atau buang sampah.. padahal baru aje tu tempat disapuin bersi.

pernah ane denger ustad ane cerita tentang Sayyidina Ali nyang tersinggung ame seorang Yahudi sewaktu dihine. Nah Rosul nanya, si orang tersebut menyinggung soal agama atau dirinye (atau golongannye?). Begitu Ali bilang soal dirinye nabi larang die mare tapi kalau nyinggung masalah igame? baru deh tunjukin kebenaran igame kite.. (entu juga kagak perlu sewot atawe nyari tauk siape tuh yahudinye).

Kalu ente penasaran ame ane ngedidik bini.. alhamdulille.. sejak die jadi bini ane ampe sekarang die pake pakean nyang nutup aurat perempuan (bukan jilbab karena kagak ade keterangan berjilbab tapi nutup aurat) kecuali kalu ame keluarge, ame lagi berduaan deh hehehe. Kalu ente ngeliat gambar trus langsung nyuru ane kudu didik bini dulu baru bekoar sik.. alhamdulille.. deh. Nti kalu ngeliat gambarnye 'Inneke Koesherawati' nyang lagi pake bikini atawe gambarnye Kang Uje nyang lagi 'teler' dulu, ente pasti langsung bilang Nauzubillah min dzaalik ternyata mereka 'rusak' dan gak ngerti 'aurat' hehehehe.

Tapi, kagak pape deh bang WNI.. namenye tegoran dari seorang sodare.. dengan tangan kebuke dan ati nyang ngablak ane nerimain.. namenye juge cuman celetukan ane yang bodoh.. atau seorang al-fakir (kalu kate bang WNI kali yeee). Tabek ye Bang atas pengamalan surat WAL Asri nye..

Salam peluk mesra,
ane

Masing Tentang Pahlawan

2008-11-18T08:12:00.000+07:00

Baru-baru eni akibat dari rencane pemilian umum nyang sekirenye mau dilaksanain sekitar bulan April taon 2009 jadi mangkin bikin heboh. di tipi2 di koran2 ude pade rame ame iklane partai2 baek nyang terus terang atawe nyang masing malu-malu. Ade nyang kendiri-kendiri atawe ade juge nyang atas name partainye. Kagak kalah juge ame pimpinan kite nyang sekarang eni. Masing pengen rupenye die.. tapi, entu semue pan tergantung ame kemampuannye die-die pade buat ngambil ati orang Indonesia umumnye nyang ude pade luke ati akibat gembar-gembornye baeknye pemerintele atawe janji2 nyang dulu perne diutarain waktu mau pemilian kurang lebi lime taon nyang sude.

Nyang ane mo sorot disini iklane salah satu partai nyang akhirnye jadi gunjingan, protesan atawe ade nyang kurang deman ame ape nyang disajiin tuh iklan. Kalu ente perne liat iklannye salah satu partei nyang nongolin tokoh-tokoh jaman jebot mulain dari Presiden Soekarno, Presiden Soeharto, KH Hasyim Asyhari, KH Ahmad Dahlan. Kagak sale emang kalu kite sebagai orang nyang ngagungin pejuangan tokoh2 entu. Mangkenye menurut ane sih sah-sah aje kalu sekirenye semue partei emang mau ngehargain orang2 tersebut jadi bukan cuman milik partai2 tersebut. Sempit pikiran tuh orang kalu emang nganggap orang tersebut cuman orang partainye doang.. nyang namenye pahlawan nasional atau pejuang atawe pahlawan kagak sale kalu kite mo pake sebage simbul atawe penghargaan.

Tapi, nyang lebih2 marenye orang lagi waktu tampange Presiden kedue kite ee bejibun nyang protes kerne dianggepnye die bukan sosok orang nyang pantes buat dijadiin sosok pahlawan kite. Yeeee.. belon ape-ape kite ude mo nilai orang aje baek benernye. Orang kite aje belon tentu bener.. lagian bener ape kagaknye kan nyang nilai Alloh. Paling kagak kite juge arus kudu terime kasih atas ape nyang ude perne diperjuangin buat kite. Sekean taon Indonesia perne di bawah pimpinanan die emang kagak satupun nyang berarti? kagak satupun nyang bermanfaat? kagak satupun nyang bikin ati kite seneng? lantas jaman kapan waktunye nyang bikin kite paling seneng?

Kalu ude gini, emang siape nyang paling pantes dibilang pahlawan?

Siape Nyang Jadi Pahlawannye?

2008-11-17T09:35:00.000+07:00

Belon lame Pemerinte ngambil keputusan buat eksekusi terpidane kasus Bom Bali ke satu yang menelen korban kire-kire 200 orang pade mati, baek nyang berasal dari luar maupun negare kite kendiri.

Di tipi2 aje bentar2 kite longok ade aje berite tentang tempat eksekusinyele, waktunyele, bahkan cikal bakal kenape die-die orang (Amrozi, Imam Samudra, ame Mukhlas) jadi diberi gelar rangkap .. gerombolan teroris ame pejuang mujahidin.

Emang banyak nyang pade setuju kalu sekirenye terpidane entu dijatuin kumuman mati sesuai dengan kejahatannye. Tapi, kagak sedikit juge orang pade protes dengan alasan tujuannye kan buat ngancurin antek-antek kumpeni nyang negarenya kendiri udah seenaknye ngebomin orang Islam hampir diseluruh dunya.

Tapi, kalo mau kite sedikit renungin lagi, ape emang ude seperti itu care perjuangan nyang dicontoin abis ame Nabi kite? ape emang bener kejahatan perang pemerinte sono (asing) harus dibales kepade orang laen nyang belon tentu die dukung ape-ape nyang dijalanin pemerintahnye? belon lagi kalu bangse kite kendiri yang akhirnye jadi korbannye? rase-rasenye orang sekarang ude pade kibir ame sombong, ude merase sebage pencipte sehingge dengan gampang aje punye rencane mau ngilangin nyawe orang laen. Nauzubile min dzaalik. Ape ude pasti yakin bener ape nyang dijalanin entu sesuai dengan syareat nyang dianjurin sebage orang nyang berigame? waduh, kalu semue permasalahan diahirin ame ngebom sane-ngebom sini bise2 anak bini kite nyang kite tinggal kerje bisa jadi jande ame yatim kali yeee.. tanpa punya kesempatan buat nanye salah bapaknye ape? kok seenaknye aje mutusin kehidupannye. Trus lagi bini nyang lagi jalan belanje mo masakin kite atawe bini kite nyang suse paye nyariin duit di mol-mol atawe di rume makan buat tambahan kebutuhan hidup kite atawe buat ngedidik anak-anak kite biar pade bener malah jadi korban atas pemikiran orang-orang nyang kayak gini.

Ane jadi inget cerite ustad ane mengenai care perangnye Nabi kite. Dulu sewaktu dia ame umatnye lemah die disekse dan akhirnye banyak nyang pade ngungsi buat mencari perlindungan dan kebebasan. begitu nyusun kekuatan Dia berjage-jage dari serangan bahkan berperang buat bertahan dengan cuman membunuh orang-orang nyang pade bersenjate. Kalu ude nyerah ye ditahan kagak dibunuh lagi. Dan ditawarin mo ikutan pindah agame ape kagak. Kalu ikutan dibebasin kalu kagak mo ditahan ape ditebus. kalu ditebus dikasih kalu kagak tetep ditahan dengan perlakuan yang baeeek banget. Nah begitu udeh punya kekuatan gantian deh Die nyang nyerang tapi dengan catetan kagak boleh ngerusak rume orang, kagak boleh ngebunuh orang nyang kagak ngelawan (pegang senjate), harus ngelindungin anak-anak ame orang tue, membuat aman orang nyang pade masuk ke tempat ibadah, kagak boleh ngerusak pepoonan.

Lah, terus nyang dimaksud ame bom sekarang tujuannye ape? carenye pegimane? nyang pade mati siape? tercape kagak buat perjuangannye? ape ude pade yakin dimate Alloh dianggep ape nyang diperjuangin selame ini pasti bener? korbannye orang nyang kite kagak tauk die musuhin kite ape kagak, bangunan nyang dibom juge tempat orang nyari makan ude gitu nyang jadi korban juge kebanyakan orang kite kendiri. Lantas pegimane pertanggungjawaban orang entu dimate Alloh? rase-rasenye jadi ude pade keblinger ye orang sekarang dalam ngartiin arti 'jihad fisabilillah'..

Kalu ude gini siape coba nyang jadi pahlawannye????

Anak Masing Bocah dikawinin

2008-11-10T15:25:00.000+07:00

Pagi-pagi banget Mak Hindun ude ngedumel kagak karuan soale semingguan diye nonton di tipi ade berite orang bangkotan yang nekat ngawinin anak nyang masing bau kencur. sambil nyapu pelataran die ngedumel terus kagak ade angin kagak ade ujan. jebulnye Kong Satar nyang lagi asik ngempanin ayam jadi sebel ngedenger bacot bininye nyang ude kayak kaleng rombeng dipukulin ame anak-anak nyang pade maen iring-iringan lenong.

"He Ndun, lu sale minum obat ye, nah masing gini ari mulutlu ude menyon kesono kesini kagak tauk juntrungan. Siape yang lagi elu ngedumelin sik? ape gare-gare mantu elu si Japra nyang males atawe si Romli nyang sepagi eni ude bikin elu sewot?"
tereak Kong Satar kenceng.

"Noh Bang, emang dasar lelaki ye.. makin tue makin jadi, kagak tauk umur ude tue ude bau taneh dikit aje jadi bangke eee masing aje mau ngelonin anak perawan nyang masing bau kencur. pake lepenstip (pemerah bibir) aje die belon becus, kutang juge masing melorot ke bawe.. tuh bawe juge masing baru bebulu jembrak ehhh dengan enak aje dikawinin.. kaga' punye otak kali ye.. ape ude gile jaman sekarang hah?", nyerocos si Mak Hindun lebih sadis lagi.

"Lha, elu pegimane sik? nyang rame di tipi kenape elu nyang kayak orang kebakaran jenggot? emange anak elu nyang dikawinin? emange gue nyang ngawinin tuh bocah? kenape elu nyang nyap-nyap?. Pagi gini aje kupi ame singkong masing belon elu siapin buat gue eee elu ude betereak-tereak".

"Bukan begitu Kong, masak ngakunye aje syekh.. mane tuh tampang serem banget.. eh dikasih tauk malah ngebante.. tambah bilang iyeeee besok gue bakal ngawinin anak umur 9 ame 7 taon.. ape kagak gile tuh orang?. Nah lagian tuh bapak ame emaknye tuh anak kok tege-tegenye anak masing bauk kencur ude diserahin ame si tue bangke? ape emang ude kagak sanggup lagi ngasi makan anak atawe tergiur ame duitnye nyang bejibun ape?.. Kalu gue sik amit-amit jabang bebi deh..". Komentar Mak Hindun sambil nunjukin pantatnye nyang tepos kerne ude tue.

"Eh.. nenek peyot, lagian siape nyang mau elu kawinin? lha anak perempuan aje atu punye lelaki kebelangsak, males, kerjenye man maenin ayam ame tidur aje. Mane kagak gablek duit lagi. Kalu gue sik mendingan gue kawinin ame tuh syeik aje.. siape tauk kite jadi ikutan kaye pan bise ngedompleng dinaekin haji deh kite..", senyum si Engkong ngeledekin Mak Hindun.

"Semprul, emang anak perawan elu mau lu jual buat kepentingan elu kendiri.. dasar engkong mate duitan. Udah ah.. makin lame making sebel kalu gue ngebahas masalah eni ame Engkong..", gerutu si Mak Hindun sambil nyomot pengki nyang ude berisi sampe daon bacang ame kembang duren nyang ude pade bejibun di tane.

"Mangkenye jangan keseringan nongton tipi orang. Kagak ngerti urusan orang maen mare-mare aje. jebule gondok kendiri dah. dapet duit kagak, eh ngurusin kepentingan orang gede.. mendingan urusin noh mantu elu nyang malesnye kebine-bine.. ngawinin anak bukannye ilang atu eh male tambe.. mane gegaresnye ude kaye kebo bule aje.. dasar nasib", gumam Kong Satar ikutan masup ke dalem sambil masing asik ngegendong ayamnye si jabrik buat dimandiin. mumpung masing pagi.

Bang Sophan Mangkat

2008-05-28T09:56:00.000+07:00

Satu lagi bekas bintang pelm tue meninggal. Kecelakaan di tenge jalan! entu berite nyang baru aje disebut-sebut kalu kite nanye lantarannye. dan nyang lebih tragis lagi berite minggu lalu bininye Bang Sophan Sophian bilang kalu kecelakaan lakinye entu ude nyang ke 40 di tempat nyang same? weleh weleh.. ane jadi rada bingung.. kok bise ye? sewaktu ane ngeliat pertame kali beritenye.. si Abang nyang dulu ngetop di jaman ane ame pelmnye "Si Bongkok" jatoh lantaran ban motor gedenye selip di tenge-tenge jalan rusak seukuran ban motor.. jadi mendem.. wal hasil motornye jatoh trus diye ketiban tuh motor nyang biase diye pake buat keliling daere.

Kebetulan jatohnye si Abang pas banget ame acare mao memperingatin ari kebangkitan nasional dan diye juge keliling buat memeriahin acare entu. wal hasil jadile diye disebut pahlawan nasional hehehe.. sekarang enak yee mo disebut pahlawan aje.. tapi, permasalahan nyang mo ane sorot disini .. kok di tempat nyang same.. ape selame eni di dese nyang ude jadi jalanan umum kayak gitu bise kejadian ade jalan nyang blong.. kagak dibetul-betulin.. orang-orang cuman pade peratian ame meninggalnye si Abang doang.. tapi kagak peratian kenape jalannye begitu sehingga ade korban lagi ampe 40 orang .. le ile hailolloh..

Seharusnye pemerinte sigap ame masalah beginian ye.. jangan malah sibuk ame bikin acare ono bikin acare ini.. wah berantakan banget deh kampung kite..

Naek Ongkos...

2008-05-28T09:18:00.000+07:00

Si Udin lagi kebingungan lantaran baru-baru eni Pemerentah baru aje ngumumin kalu harge BE BE EM naek lagi.. lantaran pasaran minyak dunie juge lagi naek plus ngurangin subsidi Pemerentah atas harga bahan bakar minyak. Wal hasil dari harge dulu yang ude tinggi malah jadi mangkin tinggi.. pastinye rakyat juge nyang kecekek lehernye..

Sepulange dari kerje sebage Opis boy di gedung Bidekare Pancoran si Udin ngegerutu aje di depan bininye nyang lagi asik nonton "Dangdut Mania Dadakan Tiga" nyang asik dibawain ame si ganjen Ramzi, si boto Anya-Anya Wae, Menir Kriwil, dan Menir Hipong, dan tentunye juge Menur Gembol serte Putri Malu dan Babenye.. si tuan Takur. Lantaran kagak bise nyimak lagu nyang lagi dinyanyiin ame si peserte.. Romle sang bini rada ngegedein suare tv 14 in nye. Eh abang.. kage ade gludug kagak ade ujan ngape tuh bacot ngegerendeng aje sih? mendingan minum dulu noh.. te nyang aye ude siapin di meje .. ude adem kali.. lagian lame banget baru ampe rume.. emang macet ye di jalanan?. si Udin nyang lagi buke baju kerne kegerahan ame mbuang keringet yang udeh sedikit nempel lantaran lame nunggu mobil jurusan rume nyang kabarnye lagi pade mogok minta naek ongkos atawe subsidi bengsin buat angkot jadi nyolot lagi ame bininye. e Romle.. mangkenye kalu ade tipi jangan nyang beginian mulu nyang ditongtonin.. liat juge dong berite.. ade ape.. emange lu kagak tauk kalu tadi mobil pade mogok.. gue nunggu ame due jem.. kagak satu juge nyang mao ngangkut gue.. kepakse gue numpak ojeg.. dari bunderan slipi ampe sini.. untung aje tadi ade nyang ngasi gue tambahan ongkos pating pulang.. kalu kagak .. bujug ..bise ngetug gue pulang dari slipi.. ngejeber bise telapak kaki gue..

Lah, bukannye aye kagak tauk si Bang.. aye juge deg-degan waktu aye liat beritenye tadi sore.. cuman mo ngubungin abang pake ape? ame Hape budeg punyenye si Jaitun? emang dasar Pemerentah aje nyang kupinge pade budeg .. ude dibilang jangan naek-jangan naek.. eeee male sengaje.. tun bengsin dinaekin.. ape lagi entu tu.. nyang kumisnye baplang di tivi.. pake bilang mau ngambil keuntungan orang kaye dengan care naekin bengsin.. emang diye-diye kagak pade naek kendraan umum ape? emang bininye kagak pade belanje di pasar ape? kan tauk kendiri belon bengsin naek aje orang-orang di pasar ude pade naekin barang-barang..

Mau bantu pake dane BLT ape tu bang? nyang ngasi duit buat orang suse? nyang ade pegimane? kite dapet sebulan seratus.. ongkos me makanan nasi naeknye tige kali lipet.. ujung-ujungnge kite malah kudu nombok due ratus rebu buat makan aje. belon emaknye si Rukiye noh.. nyang ngantri buat dapet duit nyang ade malah keluar duit.. orang diye keburu jatoh.. wal hasil dibawe ke rume sakit yang kudu nombokin duit dulu baru diperikse.. kalu tauk jadinye begini.. rasenye.. mendingan jaman dulu aje ye bang.. biar kate orang-orang sekolahan bilang idup di kekang.. kagak bebas.. tapi kite kagak kekurangan makan.. harge-harge pade mure.. toh kite dulu kagak kenape-kenape kan?

Ah ude ah.. pale gue punyeng kalu ude mikirin pemerentah. Noh bentar lagi pan mo pemilian lagi.. mangkenye nyari pemimpin kudu ati-ati. Jangan nyari nyang cakep tampange doang.. biar muke jelek asal kelakuan bagus. Elu juge sik nyang pake pili-pili.. sindir si Udin ame bininye nyang lagi asik ngelonjorin kakinye di tiker tempat diye pade nonton tivi bekas 14 in nyang dibelinye dari tetangge.

Bang.. kalu besok masing mogok.. elu mau naek apaan lagi bang? kan bayar ojegnye mahal.. mendingan buat ongkos si Jaitun sekole bang.. tanye si Romle sambir nyenderin palenye di pundak si Udin.

biar.. gue gerung-gerungan di kantor menta naekin gaji gue.. gerutu Udin kesel..

MUSIM HAJI

2007-12-12T10:07:00.000+07:00

Bentar lagi mao tutup taon 2007 pas lagi ame lebaran haji nyang sekirenya bakalan jato pade tanggal 20 Desember 2007, ampir bebarengan ame hari natalnye orang Kristen. Beberape tetangge sik ude pade ngadain pertemuan buat sekalian ngasi tauk tetangge laennye kalu die pade mau pegi ke tane suci. Ade nyang ngundang ustad ame bikin pengajian. Ade nyang pake acare nyantunin anak yatim ame orang-orang suse. Beberape temen di kantor tempat ane kerje malahan ade nyang diem-diem anyem aje tuh mau peginye. Cumin ngasi tauk ke temen sekantornye kalu diye lagi mau nunain tugas suci rukun ke lime .. pegi aji jike mampu. Duh senenge …

Kalu ude inget ari-ari gini, ane jadi inget beberape pulu taon nyang lalu. Waktu entu orang-orang pegi aji masing pake kartu kuning ame kartu ijo. Yang artinye pake visa turis ame ade nyang pake visa berangkat aji. Emang kalu pake kartu turis ongkos naek hajinya rade lebi mure dari nyang biase. Tapi, pulange entu nyang kagak bisa dilakuin setelah orang rapi haji di Meke. Die paling bisa dua bulanan atawe lebih dari biasenye.

Orang betawi paling rebed dah kalu ame urusan beginian. Ude terkenal kalu pegi ajinye satu nyang nganter bererod. Ude ke hamuk deh orang bekumpul mulain dari waktu mao masuk asrame haji, maupun sewaktu die ude sampe ke bandare cengkareng nyang sekarang dikenal ame name bandare Sukarno-Hate, name preside ame wakil presiden taon jebod.

Belon lagi pake acare tahlilan tiap menggu dari mulain tuh orang pegi ampe pulange. Katenye sik biar jihadnye selamet dari pegi ampe pulange. Wal hasil untung juge buat tetangge.. jadi tiap minggu bisa makan opor ayam atawe nasi kebuli me daging deng-deng.
Aule, kalu sekarang ape masing ade model beginian. Soale.. di beberape tempat sepertinye emang ude sepi dari acare macem beginian. Sukur2 sik di kampung ane kayaknye masing ade.. ALHAMDULILLAH..

POLIGAMI

2007-11-16T15:51:00.000+07:00

Pagi-pagi banget pok Mine ude ngegerutu. Sambil mapakin daon siri nyang diye petik di samping rumenye die ngedumel aje kendirian. Kedengeran sayup-sayup ke orang lagi ngegerendeng, kagak’ kedengeran ape nyang keluar dari mulutnye. Si Rukoye anaknye yang paling tue baru aje rapi ngejermurin baju. Begitu diye denger tuh mulut enyaknye nyang pagi-pagi ude bebunyian ke kaleng rombeng jadi ikutan sewot, abisane dari pagi cape nyuci, ngepel, nyapu ude gitu ngejemur cucian, eh masing aje ditambe kedenger irame musiknye orang nyang kaga’ ketauan ujung pangkalnye.

“Nyak, semalem makan ape sik pagi-pagi bute ude gerendengan aje kendirian. Lagi ribut ame Babe ape?”, tanye si Rukoye sambil ngangkutin ember plastik pating ngejemurin cucian tadi. Baju bagian belakange keliatan basah kene cipratan cucian sewaktu diye ngejemur tadi.

“E.. Koy, enyak bilangin ye ame elu, enti kalu elu nyari laki jangan ke Babelu tuh. Baru timbang punye duit lebih aje ude kepikiran buat nyari bini lagi. Waktu masing dedemenan dulu bilange aje paling setie mo nungguin ampe Gue tue. Na jebule baru timbang urusan tane encang Juki lu tembus eh je ude berandei-andei punye bini bahenol. Amit-amit cabang bayi deh.

Bang Madun nyang sedari pagi ngedengerin bacot bininye dari dalem kamar sontak aje bangun dan ngegulung kaen nyang barusan dipake keredongan seabis diye sembayang subuh. Lantas aje, Bang Madun maranin bininye sambil ngucek-ngucek matenye nyang ketutup ame belek. “Eh Rukoye, jangan percaye omongan Enyak lu tu, sape nyang punye niat mo kawin lagi? Elu juge Mine.. masa’ omongan orang becande aje lu masupin di ati. Enti kalu ampe kedengeran ame Nya’ Gaye ame Babe Kodir pan bise berabe. Bise-bise gue dipecat jadi mantu. Paye juge lu ah”, komentar Bang Madun sebel.

“Lha entu nyang semalem Abang omongin ke aye pake bawe-bawe masalah ustad Duloh nyang kawin lagi ngedapetin muridnye nyang jande ape maksudnye? Nape pake bilang ke aye kalu ngedapetin bini secakep kaya’ bini mudenye ustad Duloh juge abang mau?” , tanya pok Mine membele dirinye.

“Lha, Abang pan cuman bilang lelaki mane sik nyang kagak mau ngedapetin bini kayak bini mudenye ustad Duloh, mane lagi tuh perempuan cakep, alim, anak turunan orang kaye dan terpandang, pinter, bekas model lagi. Kan jarang ade nyang mau orang perempuan ke gitu mau dijadiin bini kedue, bukane ngomongin Abang mo kawin lagi..” sambutnye Bang Madun ngeyakinin bininye nyang mulai sewot.

“Emange, Abang bener mau ngedapetin perempuan macem gitu? Cari gih sono.. bilang aje kalu ude bosen me aye huh!”, timpat Pok Mine kesel.

“Ye kagak begitu dong Mine, pan elu bini Abang nyang paling boto, masak sik Abang kudu ninggalin elu nyang kagak ade duenye”, rayu Bang Madun sambil nyowel dagu bininye nyang ude mulain keliatan asem.

“Lagian neh, kalu menurut Gue, sebage ustad kan harus ngasi contoh ke murid-muridnye. Nyontoin pegimane carenye nahan hawe napsu. Kan kate Nabi kite aje pan kalu kite napsu ame perempuan di jalanan atawe di tempat mane aje kite kudu musti buru-buru pulang ke rume.. kerne ape nyang dimilikin ame perempuan entu pasti dipunyain juge me bini kite di rume tul nggak Nyak lu?”, tanye Bang Madun sambil ngedipin matenye ke arah bininye nyang mesam-mesem.

“Iye be, lagian emang ape kurangnye ustadzah Nengsi sih? Ude anak kyai, bise ngasi anak banyak, hartenye banyak, alim lagi. Tampange juge kagak kalah cakepnye ame tu jande nyang jadi muridnye ustad Duloh. Ape atu aje masing kurang?”, timpal Rukoye sambil dimonyong-monyongin mulutnye tandenye diye lagi keki ame orang nyang lagi diomongin.

“Tu kan Mine, Koye.. mangkenye Babe bilang. Ngaji entu bukan cuman surat dan pinter ngomong ame punye elmu banyak. Guru ngaji aje belon tentu sanggup ngamalin elmu Qur’an. Kite eni selain punye elmu syareat.. atu lagi nyang kudu kite bise amalin neng.. IKHLAS. Ikhlas ame rejeki yang kite dapet walaupun ude jauh ikhtiar nyang kite ude jalanin, ikhlas ame bini nyang ade, pokoknye ikhlas ame nyang ude kite dapetin deh..”

“Tapi, bukan berarti kudu ikhlas ame nurutin kepengenan abang buat bebini lagi pan?, kalu nyang entu sik salah Abang.. kudunye mah Abang nyang ikhlas punye bini man atu.. cakep lagi..”, kate Pok Mine sambil begaye di depan anak ame lakinye.

Iye.. Iye.. Pokonye elu nomer atu deh Min.. nyang ono pastinye nomor dua kan…”, ledek Bang Madun sambil siap-siap kali-kali aje Pok Mine jadi gemes terus kepengen nyubit pinggiran perutnye.

“Tuh kan Abang ude mulain lagi DASSAAR.”

USTAD MUMPUNI

2007-11-16T09:43:00.000+07:00

Beberape taon eni igame Islam mulain santer ame dakwah-dakwah dari ustad-ustad mude nyang lagi naek daon kaye uler keked. Ude gitu, tuh ustad mude-mude ude pade punye gelar ame julukan. Sebut aje A’a Gym buat panggilan Kyai Haji Abdullah Gymnastiar nyang sekarang ude mulai surut uler kekednye, terus Ustad Mansyur, UJE alias Ustad Jefry Al-Buchari, Ustad Arifin Ilham, Ustad Haryono, dan satu lagi orang arab nyang baru aje sering nongol beberape bulan belakangan.

Laen Ustad tentunye laen sasaran, ude gitu ustad sekarang pade pinter mbawain perannye. Sekarang masing-masing ustad jadi punye pameo atawe omongan-omongan tertentu nyang sepertinye emang dirancang biar umat nyang dengernye jadi pade tau ciri khasnye kendiri. Ade yang dijulukin “Dai sejuta umat”, “Ustad Manajemen Qolbu”, “Ustad Dzikir”, Ustad Shodaqoh”, “Ustad Penyembuhan”, “Ustadnye Artis-artis”, ampe “Ustad Pengusir Jin dan Syetan”.

Kalu mau kite tengok kebelakang banget, sebenernye gong eni ude diawalin taon sembilan puluan sewaktu pertame kalinye Kyai Kondang Dai sejute umat nyang pertame banget jadi demenannye orang-orang Betawi. Siape lagi kalu bukan KH Zainuddin MZ, nyang belakangan malah lebi milih jadi orang partai ketimbang nasehatin orang partainye. Aji mumpung kali. Terus berjalan taon timbul lagi KH Qosim Nurseha nyang terkenal ame penceramahnye orang-orang angkatan ampe masup ke istane preside. Tapi, akhirnye turun dan kagak kepake begitu die diketauin bebini due alias berpoligami. Satu lagi muncul Kyai Haji Nur Iskandar SQ yang terkenal ame sebutan Kyai Nikah Semaleman di Hotel Tanah Abang ame jandenye mendiang ustad korban “Tragedi Tanjung Priuk” Ustad Amir Biqi. Ustad eni ahirnye juga ngikutin jejaknya Om Zai nyang manut jadi orang partai.

Lame juge ye kite rasenye ngerinduin Ustad-Ustad model jaman dulu. Tapi, emang kalu orang kote bilang Tren-nye keidupan suke berobe-robe wal hasil untuk urusan penceramah juge mengalamin perkembangan jaman. Sekarang orang sepertinye ude bosen dikasi tauk pegimane itu perang dalam igame, jihad pisabilille, ape nyang dimaksud dengan surat “Qul yee” nyang ade pirmat Allohnye “Lakum dinukum Wal Yadiin”, sepertinye Ustad nyang sekarang ude mulain ninggalin hal-hal nyang kate pemerinte bise bikin pece bele.. hehehe taik kucing. Jebule.. Ustad sekarang ahirnye cuman dibutuin Ustad nyang bise nentremin ati doang.. dan kagak peduli ame kondisi umat. Sehingga jangan heran kalu ahirnye nyang dijelasin kagak perne sempong dari masalah pegimane hati kite di atur supaye baek ame orang, kagak bermusuan, ditabok diem, liat sodare seagame disekse orang laen juge diem, nyang penting Qolbuuuuu terus sambil nyari duit nyang banyak. Di laen pihak cuman ngurusin sedekaaahh aje kagak ade abis-abisnye, belon lagi nyang cuman nyuru zikiran doang, tambahan lagi ade Ustad nyang cuman kerjaannye nasehatin artis-artis cakep aje. Lah pegimane orang diye aje tampile necis. Serbe baru bin bagus bin mahal. Nyang lebi parah lagi ngajarin orang ame nunjukin pegimane carenye nangkep Jin, setan beserte pare dedemit dan keluargenye.. nyang Alloh aje kasih diye kebebasan ade dimuke bumi ampe bates nyang ditentuin. Kaya’nye jadi lebih sakti diye dari penciptenye yeee.. kalu ude gini malah jadi keblinger deh. Nah, berangkat dari kekurang nyang ade entu.. mengkenye jadi kagak heran kalu akhirnya nilai seorang ustad jadi cuman bahan candaan dan lawakan. Akhirnye timbul deh A’a Jimmy ame si Kiwil, pelawak nyang kerjaannye cuman begaye ustad tapi nongol ditempat orang joged sambil ngasih penilaian sebagai juri.. NAUZU BILLAH MIN DZAALIK.

Nah, kalu ude begini pegimane? Siape nyang kudu disalain? Kalu bise pengen rasenye kite ketemu lagi ame Ustad macem HABIB ALI al-Habsy nyang musti kagak macem-macem omongane pamornye tetep disegenin ame pemerinte. Atawe ke HABIB Salim Jindan nyang ceramenye selalu bikin tentare panas kupinge, Atawe ke HABIB Al-Idrus nyang sering keluar masuk bui kerne berani nyinggung pemerinte ame aparat-aparatnye buat mrotes kecurangan ame keenggak adilan. Atawe ke HABIB Usman yang kalu dulu Belande aje tunduk ame perinte diye. Atawe paling kagak kayak BUYA HAMKA deh nyang berani teges ame aturan-aturan dalam igame. Atawe kite kudu nyari dan tungguin bakal nongol satu lagi Ustad nyang punye julukan “USTAD MUMPUNI” nyang semue judul die berani bawain, nyang nyeramahin lebih senden dengan kelakuane, nyang orang salut ame kesederhanaanne, ame orang nyang baek ame keluarge, ame temen, ame musu, tapi teges ame aturan igame??? Tapi… AMPE KAPANNNNNNN?????

KEJEMNYE NEGARE TETANGGE..

2007-11-15T11:38:00.000+07:00

Baru-baru eni rame di koran-koran, di tipi, di radio lagi ngebahas hubungan kenegaraa antare negare Indoesie ame tetanggenye nyang masing serumpun. Biasele.. kite pan sering ribut belakangan kalu ude kejadian.. ame tetangge nyang satu eni emang jadi sedikit agak tinggi deh emosi kite dibikinnye.. nyang paling baru sik masale lagunye orang ambon nyang dijadiin nyanyian promosi wisatenye negare tetangge Malaysie meskipun ahirnye diye orang ngakuin kalu lagu entu emang diambil dari Indonesie. Cuman, kerne ude dianggap sebagei lagu nyang ude mera’yat di sane.. diye orang menta supaye masale eni jangan diperpanjang. Dan seperti kebiasaannye.. Pemerinte kite emang baek ati. Dengan alasan masing orang serumpun diredo-in juge de tu lagu jadi lagu negare orang. Kalu kate anak ane.. KASIAN DE LO Indonesie.. ude batiknye diakuin sebagei batik sono, musik angklungnye diakuin sebagei musik bambu kerajaan daerah sane, tempe nye diakuin sebagei makanan negare orang.. Nyang baruan lagi, ternyate lagunye sala satu pencipte di Medan nyang ude meninggal, yaitu Bang TIAR RAMON nyang asli Padang tapi demen bikin lagu Melayu ternyate dipake jadi lagu tarian resminye orang Malaysie dan dibawa’ kemane-mane sebagei pengiring tari-tarian diye-diye orang.. hebat ye??? cuman TKI nye aje nyang kagak mau diakuin sebagei tenage kerje negare orang ..

Jadi sekarang maunye pegimane lagi?

Masing belon lame rasenye di Luar negeri due pulo kite ude lenyap diakuin pulonye negare tetangge.. eh eni ade lagi.. cek.. cek.. cek.. [bole de sekarang kite geleng kepale]. Ape emang eni kesalahan bangse kite di mase dulu atawe kebodohan pemerinte ? ah.. kite paling-paling man bise geleng-geleng kepale aje. Lebi kejem lagi kalu negare tetangge amape bilang .. “ude lee.. ngurusin pulo nyang banyak aje kagak mampu.. masak pulo ilang due aje keblingsatan.. mendingan beresin aje nyang laene..”. Nah kalu ude gini pegimane?

Jangan cuman nyalain negare orang nyang kerjaannye nyolongin budaye kite lah kalu kite kendiri nyang kagak mau sayangin budaye kite? Kayaknye ude masenye kite kudu kasi tauk orang sedunie.. kalu perlu kite kudu aktip ngedaptarin semue budaye dan adat istiadat kite ke dunie.. biar jangan ampe kecolongan lagi..

Jangan heran kalu enti tau kapan .. Keredok ame Gado-gado jadi makanan khas negare Malaye, trus Ondel-ondel jadi maenannye orang Philipine, ame Tanjidor jadi grup drambennye orang Amerika, ame pencak silat deh jadi silatnye orang Afrika.. abisannye.. pegimane negare mau ngurus sekean banyaknye adat, budaye, dan macem-macem bahase di sini.. saking kebanyakannye ..

NARKOBE ? … SEPULU..

2007-11-15T11:12:00.000+07:00

Barusan pas berangkat pegi ke tempat ane punye gawean, ane sempet beli koran nyang hargenye cuman serebuan. Di halaman depane ditulis gede-gede name seorang artis pemaen pelm nyang waktu jaman dulu terkenal banget ternyate diye lagi kene musibe digrebek di hotel tempat diye nginep ternyate diye lagi asik nyabu. Kotan aje ane sedikit gemes. Pan belon lame banget tuh artis keluar dari bui gare-gare kasus nyang same NARKOBE kok sekarang udah kejiret lagi ame nyang beginian.. amit-amit cabang bayi. Ude gitu pas lagi ketangkep dan digiring ke tempat bui tampange masing asik aje diye.. sambil ketawe-tawe. Sundelan tuh orang, sale aje masing mesam-mesem kaye orang kagak punye dose aje. NA’UJUBILE..

Kalu dipikir-pikir sepertinye di negeri nyang tercinte eni emang kudu dibuat hukum nyang berat ye supaye orang gentar ame yang namenye NARKOBE. Kalu ustad di kampung ane bilang selaen bise ngerusak badan, ternyate tu barang bisa juge makan otak si pemakeinye. Tapi, kenape orang kagak ade kapok-kapoknye ye ame make entu barang haram. Lebi saklek lagi ustad ane bilang.. namenye aje pake awalan NAR … ude pasti artinye Nar .. yang kalu diartiin ke bahase arab artinye NERAKE .. nah pastinye Narkobe akan ngebawe kite ke jalan nerake [bingung ane.. dimane hubungannye ? kalu cuman dari kate Nar jadi nerake? Hehehe].

Tapi, kalu kite mau ngeliat kebelang lagi, cobe aje deh kite peratiin.. noh jauh ke ujung timur negare kite.. kalu ACEH aje nyang kate orang-orang dulu bilang dijulukin serambinye MEKAH sekarang udeh jadi tempat suburnye taneman GANJA .. lah pegimane ame anak-anak mude nyang laennye? BUJUG BUNENG.. kayaknye emang ude kudu musti bin wajib nih hukum dibuat nyang seberat-beratnye kalu si pemake, pengole, ame si penanem diganjar hukuman nyang paling berat.. takutnye nti seperti jaman dulu.. jangan-jangan emang ade orang-orang tertentu, negare tertentu dan organisasi tertentu nyang lagi giat-giatnye pengen ngancurin generasi mude kite melalui barang harap eni. Wah kalu ude begini sik kagak sale lagi.. mendingan bikin hukuman nyang paling berat buat masale NARKOBE .. pegimane? Ente setuju??? Kalo ane sik bukan setuju lagi.. tapi SEPULU.. [artinye lebi dari se tuju kan?? Hehehehe]

SENIMAN BETAWI BEKURANG ATU

2007-11-15T09:29:00.000+07:00

Beberape minggu nyang lalu ade berite di tipi-tipi, di koran-koran ame majale-majale nyang ngabarin telah meninggalnye artis kawakan LILIS SURYANI, anak gang kelinci di daerah Matraman, kerne penyakit kangker. Penyanyi nyang terkenal ame sebutan penyanyi gang kelinci eni emang lame juge kagak nyanyi lagi. Terahir sempet ane denger lagunye waktu di Indoesie masing ade satu saluran tipi, yaitu TELEPISI REPUBLIK INDUNESIE. Wal hasil lupe-lupe inget diye saat entu nyanyiin lagu dangdut kesukaan ane :

Tolong kau ikat hatiku,
Di lembah cinta diriku,
Biarlah aku tertambat,
Dalam gemggam cintamu,

Sekian lama menanti,
Hampir tak tertahan lagi,
Bawalah diriku ini,
Dalam relung hatimu,
Tolong kau ikat hatiku,

Rela aku rela, memadu cinta denganmu
Bawalah diriku ini dalam gengam cintamu

Kayaknye lagu entu masing tertancep tandes dalam ati, apelagi kalu ude denger lagu-lagu nyang laennye macem KEMBANG JATO, SETAN KUBURAN, dan laennye nyang emang sepesial pake irame gambang kromong.. wah makin bikin ati jadi inget ame mase nyang ude-ude. Emang satu seniman nyang biase dipanggil pok LILIS eni ude termasuk penyanyi langke. Diye punye kemampuan selain nyanyin lagu juge bisa nyiptain lagu kendiri.

Emang sayang banget kalu sekarang makin kagak ade orang Betawi nyang nongol lagi ye, apelagi punya kemampuan seni nyang yahud, apelagi nyang bise ikut ngelestariin kesenian Betawinye atawe daerahnye kendiri. Kite orang Betawi kudu bisa conto seniman macem Mas DIDI KEMPOT nyang mahir banget bikin lagu-lagu Jawe sementare anak-anak baru macem grup musik JIUNG aje cuman baru bise nyanyiin lagu-lagu lamenye almarhum BANG BENYAMIN S. pegimane beberape mase lagi ye ? sekarang aje kite ude keilangan seniman-seniman Betawi tapi ampe gini ari belon juge ade gantinye. Tengok deh macem MANDRA, MALIH, HAJI BOLOT, JAJA MIHARJA belon bise dibilang langgeng macem HAJI BOKIR ame HAJI NASIR, nyang ude meninggal. Belon lagi seniman almarhum BANG BEN kendiri, ampe sekarang aje kagak ade nyang ngikutin jejaknye. Bise jadi makin lame lagu-lagu Betawi malah cuman ade pas lagi ulang taon Jakarte doang.. entu juge man lagu nyang entu-entu mulu dinyanyiin ame penyanyi-penyanyi baru nyang bukan artis Betawi sehingge kadang arti pengucapannye jadi laen.

Bole aje sik kalu emang diye-diye mo pade nyari rejeki pake gaye Betawi, tapi cobele barang dikit pelajarin tutur bahase, kalimat, ame pengertiannye.. jangan ampe orang taunye bahase Betawi nyang dulu dicontoin ame POK ANI dan BANG MADI nyang setiap ari dilakonin di RRI malah jadi ilang dan beganti jadi logatnye si ENTONG ame si ENENG nyang ampir tiap ari nongol di tipi. Kalu ude gitu.. kalu diiklan-iklan bilang APE KATE DUNIE?

PELM SEREM disini ADE SETAN

2007-11-14T15:25:00.000+07:00

Belakangan eni, sejak pertame pelm “JELANGKUNG” mulain diputer dibioskop-bioskop kelas atu macem TWENTI WAN sepertinye ide pembuat pelm jadi enggak ade abis-abisnye buat bikin pelm nyang dari judulnye aje ude bikin bulu kuduk kite pade bediri serem, soale ude pake name si setan entu kendiri. Tengok le abis entu ade pelm KUNTILANAK, SUSTER NGESOD, TUSUK JELANGKUNG, HANTU JERUK PURUT, GENDEROWO, dan laen sebageinye. Belon lagi yang pake nama tempat atau peristiwa serem laennye seperti TEROWANGAN CASABLANCA, RUMAH PONDOK INDAH, TELAGA ANGKER, ANGKER BATU, atawe pake judul nyang sebenernye kagak ade ape-apenye tapi ceritenye malah bikin serem kendiri seperti THE MIRROR, LEWAT TENGAH MALAM, DENDAM SUSTERN N, dan laennye.

Kalu ane pikir-pikir dari sekean banyaknye cerite serem kok di Indonesie seolah-olah jadi tempat nyang paling serem di dunie ye.. semua setan, dedemit, dan jin sekalian keluargenye jadi sering diomongin ame si produser, si sutradare, bahkan ame si bintang pelm yang rate-rate bahenol dan ganteng-ganteng. Dan sepertinye makin kesini tuh pelm serem jadi semakin ngaco dan jauh dari cerite tentang setan-setan yang dimaksud deh. Dengan judul nyang beraneka ragam nama setan jadi ngingetin ane ame cerite setan-setan di jaman dulu waktu ane masing kecil.

Dulu kalu waktu menggerib ane masing ade di luar, emak ane langsung deh tereak.. “Pin, masup ude menggerib enti di umpetin ame KALONG WEWE lu..” Trus kalu ade orang beranak kudu ditungguin dan dibajunye dicantumin peniti atawe gunting kecil ame dikasih bangle ame sapu dari lidi aren biar kagak ade KUNTILANAK nyang mau ngegodain si orok ame emaknye.. kalu kate orang dulu darahnye orang beranak, ame keguguran entu wangi buat si KUNTILANAK tersebut. Wallohu a’alam. Biasenye KUNTILANAK itu digolongi sebage setan perempuan, nah kalu GENDERUWO itu baru dibilang KUNTILANAN LELAKI nyang kalu turun dari pu’un kepale duluan jadi kebaliak waktu die naek. Istilahnye jumpalitan kali yeee. Belon lagi TUYUL nyang lebih cenderung dibilang setan nyang bisa ngasilin duit buat majikannye nyang dibilang NGEPET ke GUNUNG KAWI ataw GUNUNG GEDE buat ngedapetin kekayaan dengan cara MUJA’ bisa pake perantaraan mahluk laen seperti TUYUL atau dengan diri kendiri nyang berubah jadi BABI NGEPET atau bisa jadi orang nyang bergaye ke MONYET [biasenye dibilang NGIPRIT MONYET].

Selaen itu, orang Betawi paling paham dah kalu ame cerite orang mati nyang kagak diterime bumi atawe ade kesalahan nyang bikin diye kagak diterima ame Alloh akan jadi SETAN KUBURAN, POCONG ataw sebutan TIREN [mati baru kemaren] nyang suka tiba-tiba aje diye ngejeleg di depan kite berupe POCONG yaitu seperti orang mati nayng masi dibungkus kaen puti.. cuman mukenye doang nyang keliatan pucet bebedakan.

Selaen entu, kadang sering kehadiran setan-setan eni disamain ame bau-bau an nyang kadang beseliweran di idung kite.. seperti bau menyan ame lisong atawe bau kambing bandot nyang menandain adenye JIN, bau kentang rebus atawe singkong bakar ame bau sawo mateng nyang menandain adenye KUNTILANAK ame bau bau kembang tuju rupa nyang biasenye orang-orang bilang bau TIREN [orang baru mati kemaren] nyang belon empat pulu ari matinye kadang kalu emang matinye kagak bener [maksudnye imannye kagak bener] kadang suka ngejeleg pake kaen puti bentuk pocongan ame bau kembang tuju rupa.

Kesemua setan, jin ataw apale sebutannye kebanyakan sik cuman nakut-nakutin doang. Kagak ampe ngebunuh kayak di pelm-pelm. Apelagi bikin teror .. kalu orang pade ketakutan lantaran die ngejeleg terus sik wajar aje.. namenye juge setan.. dibilang ade kagak keliatan, dibilang kagak ade tiba-tiba aje ude nongkrong di depan mate.. namenye juge DISINI ADE SETAN…

BAS WEY

2007-11-14T11:05:00.000+07:00

Pagi-pagi bener Bang Udin ude sibuk dandan. Nyemirin sonko [pici] itemnye nyang ude keliatan bulukan. Rambutnye juge ude disisir rapi pake minyak lonyo. Begitu juge me jas betawi nyang jadi kebanggaannye. Mungkin ude lebih dari lime taon tuh jas nemenin die disetiap acare mulain dari ngadirin undangan kawinan, sunatan, lamaran, atawe peresmian kecil macem acare pelantikan ketue RT baru. Tapi nyang lebih baru lagi sik tuh jas dipake sewaktu diye jadi ketue panitie pilkade.. PEMILIAN KEPALE DAERE di betawi ini.

Sambil asik duduk dikursi goyange ame nyedot rokok kreteknye Bang Udin mulain gelise. Bentar-bentar jem tali nyang dipenitiin emas nemprok di saku jasnye diliatin sambil diye betereak lantang. “Pat, buruan lu dandannye ngape, pan kagak enak kalu kite nti keduluan ame Pak Lure ame Pak Camat, gini-gini pan sebage bekas mandor gue masing dipandang orang. Pegimane kate diye-diye nti kalu kite nyang sebage orang kecilan datenge aje lebi telat dari diye? Buruan ah..”.

“Bentaran dikit ngape Bang, ni konde aye pan juge lagi dibenain. Lagian sik Abang nyuru aye kudu pake kebaye.. na tauk kendiri kalo dandanan model beginian emang lame.. mane si Romle udeh ngelosor pegi ame temen-temennye. Sabaran dikit ye Bang.. tinggal entaran aje..” kate si Patime bininye Mandor Udin yang paling boto.

“Eh Bang, kate orang-orang emang mobil nyang mau diresmii jalurnye nyang lewat di depan rumenye Encang Keron entu enak ye Bang.. pake pendingin kaye yang di kulkas, trus ade tentare nyang jagain di pintu.. ape bener?” Tanye Patime sambil ngebedakin pipinye pake bedak VIVA no 8.

“Kayenye sik emang begitu, noh stamplasnye aje udeh jadi .. bagus lagi.. cuman kalu elu nti mau masup kudu antri beli karcis kaye di bioskop-bioskop”

“Wah jadi kagak sabar ni Bang Aye.. anyo da ah.. kite ngumpul ame nyang laennye di setamplas”, kate Patime serapinye diye dandan dan nyambel selop nyang ade di bawah mesin jahit.

Tige jem kemudian, Bang Udin, Pok Patime ame beberape orang undangan yang sekirenye bakal nemenin Gubernur nyang bakal lewatin jalur baru “BUS WAY” [dibace BAS WEY] ude pade gelise. Keringetan ude pade ngucur disono-sini. Tuh liat aje bedak VIVA no 8 nye Pok Patime juge ude mulain luntur ame keringet padahal diye ude pelan-pelan ngegosoknye pake selampe. Pak Camat, Pak Lurah ame bini-bininye juge kagak lepas dari rase gelise ame gondok lantaran diye tauk beberape menit kemudian kalu ternyate Gubernur nyang mustinye mampir di daerahnye ternyata cuman numpang lewat naek ini bis sambil nandain mulain diberlakuin jalur cepatnye BAS WEY.. mane stamplas tempatnye ngumpul mati ase nye.. biasele kalu peresmian serbe keburu-buru jadi banyak nyang dipaksain. Jebulnye jadi kagak ade nyang sempurne betul. Kalu emang kepakse ade juge bentaran bakal rusak lagi.

Mandor Udin ame sedikit lega karena nyang ditunggu-tunggu akhirnye lewat juga. Keliatan juga tuh tampange Gubernur Betawi nyang baru ngelambein tangannye lengkap dengan jas, kaen, picinye. Tapi ade nyang lagi cemberut.. Mpok Patime.. di ngegerutu kendirian. Kirain gue dandan cakep-cakep bakalan ketemu trus salaman ame Pak Gubernur. Boro-boro bakal diajak bareng naek tuh bis kote ngelilingin jalur bebas hambatan.. beeee.. ujung-ujunge man nongton doangan.. kalu tauk bakal begini mendingan gue nyari kutu ame si Pok Asie ude bise ngumpulin lusinan kali kutu ame telornye.. SOMPRET BANGET DAH..

Bahase Yang Ude Mau Ilang.. Kesiaaan de looo

2007-07-02T16:19:00.000+07:00

emang enaaakkk..
entu le nyang sering sekarang orang sebut kalu abis ngeliat orang lagi sedih.. atawe kene musibe.. orang sekarang emang bisa aje nyerobot bahase .. sebut aje.. ungkapan .. "kasiaan de looo" sekarang ude dimane pelosok bangse di endonesie jadi bahase nyang bakalan disebut sehari-hari dari aceh ampe papue.. belon lagi bahase indoesia nyang ditolol-tololin.. nyang bikin kesan kalu orang betawi sering salah nyebut.. noh tongok aje.. sinetronnye si Entong.. mpok Lela si jande keblinger nyang suka banget bikin sebutan salah nyang asal goblek aje.. hebat emang... dari sekean sinetron betawi .. kagak satu juge nyang emang bener-bener aslinye dari seniman betawi.. sebut aje Adi Bing Slamet, Anna Shirley, Ahmad Fachri, Rheina.. dan laen-laennye.. asik mahsyuk berbahase betawi.. padahal cuman bahase kulit doang.. kalu cuman sekedar ngeganti a jadi e.. seperti babe, enyak.. semue orang dikolong langit juge pade nyaho.. ame tuh bahase.. tapi.. semudah diye-diye pade pake bahase betawi akan semude entu juge tuh sang sutradara nganggap bahase betawi ternyate gampang-gampang aje dimaenin .. puihg.. anak orang nyang baru jebruk dari perut emaknye juge bisa'.. kadang2 malah jadi kedenger belepotan tuh bahase.. kagak sedep... lantas mane diye bahase2 betawi laennye ??? macem Ludes, Bures, Abing, Ndelokin, Nongtot, Ngejedog, Restan, Tiris, Gero-in.. sepertinye kagak bakalan kedenger deh.. alias seperti ude pade ilang.. katenye mau pelestarian bahase.. lantas.. ape nyang bisa dipelajarin dari bahasenye si ENTONG ...??? kayaknye kite-kite lame-lame kudu belajar bahase betawi dari orang jawe deh.. matirabit.. mandikipe.. sundelan.. pejajaran.. hehehe..

Pil Ka Dut ..artinye Pemilian Kepale Nyang Perutnye Gendut

2007-07-02T15:40:00.000+07:00

Bentar lagi di Betawi bakalan ade peste gede-gedean. Pemerentah Daerah
di Betawi eni bakal ngadain peste pemilian orang baru nyang bakalan duduk
jadi Gubernur ngegantiin Bang Yos nyang katenye ude ogah lagi jadi orang
pertame nyang jadi raje di Daerah Khusus Ibukote Djakarte nyang kite
cintain ini. Emang kagak sembarang orang nyang bisa duduk dan kepilih
jadi kepale pemerinte. Ujug-ujug selaen emang diye bisa dibilang ude perne
kelalang-keliling di daerah Betawi tentunye juge orang nyang merase mampu
ngatasin Jakaret dengan segale permasalahannye nyang bejibun.. mulain
dari sampe nyang tingginye ude kaye gunung Gede, kemacetan lalu-lintas nyang ude paling padet sedunie.. belon lagi orang-orang pindahan nyang
pade asik ngejedog di kolong-kolong jembatan nyang bikin Jakarte jadi tambe
semrawut wut.. belon pare gelandangan atawe pengemis nyang jumlahnye
kagak ade perne abis-abisnye makin tumbuh kayak jamur terik nyang nongtot
setiap abis ujan gerimis.

Kembali lagi ame pemilian Pak Gubernur nyang kontan aje.. bikin orang Jawe
jadi seneng dan ngebiasain dirinye dipanggil ABANG.. jadi dalem sekejap aje
nongol tuh sebutan Bang Fauzi Bowo, Bang Jefry, Bang Andang, ame Bang
Dani Anwar.. kalu dipikir-pikir kenape kagak ade abang-abang nyang
emange asal dari Betawi asli yee.. sepertinye asik juga pan kalu kita denger
calon kepale pemerentah di Betawi ini nyang punye name Abang Mandra,
Abang Nasir, Abang Malih, Abang Mugeni, Abang Mamat. wah.. kalah deh
kite-kite kalu buat ngumpulin nama orang Betawi nyang ude pade sukses..
orang kate diye-diye nyang ude pade berhasil jadi orang aje segen bin eleq kalu
ditanye dari mane asal usulnye.. jebulnye.. paling-paling cocok man buat di acare
Ngelenong doang.. entu aje juga ude pade di jajah ame orang suku laen.. nyang
cuman bisa bilang gue ame elo aje ude pade berani ngerumpi jadi pelenong
ade-ade aje ye orang idup di Betawi eni..

Pendek kate, kelepas dari pegimane diye-diye pade sanggup ape kagak
bakalan ngurus kampung Betawi yang dulu rame ame jaware-jawarenye.
Buat ane sik nyang penting idup jangan pade jadi serakah. Jangan ampe
jadi dendeman.. kerne udah ngeluarin duit seabreg-abreg buat dipili jadi
Gubernur di Betawi lantas bagitu diye ude jadi eh.. pake aje mpung-
mpung... deh.. ngegondol kekayaan di Betawi buat bikin untuk perut diri
kendiri.. tentunye nggak heran pan kalu kite bilang PILKADA ude jadi
PILKADUT.. nyang artinye pemilian kepale daerah nyang orangnye cu-
man mau bikit perutnye pade gendut.. alias ngenyangin perut kendiri..
BUJUG BUSYET dah kalu ampe gitu.. biar nanti ane samperin diye en
terus ane beset deh kulit perutnye.. AMIT-AMIT CABANG BAYI..

Banjir Bandang Serang Jakarte

2007-02-05T14:32:00.000+07:00

Sape nyang bakal nyangke kalu banjir dateng lebih cepet dari perkiraan kite. Perasaan baru bulan Januari Ane rasein kok di bulan nyang biasenye ujan dateng dengan lebat ternyate nggak juge turun-turun. Panas lagi sedeng meteng-metengnye. Ntu pas ahir bulan Januari 2007. Eh pas mulai dari tanggal 28 an aje ujan mulai turun dengen deresnya.. Emang sik ude di kasi tauk ati-ati ame banjir nyang datengnye lime taon sekali. Dulu ane masing inget banjir dateng taon 2002 bulan Pebruari tanggal 2. Di daerah ane nyang kebetulan di samping Kali Pesanggrahan jadi korban banjir nyang ampir melanda due RT atawe sekitar seratusan kepale keluarge. Untung aje saat entu kagak dibarengin ame listrik mati. Jadi kite-kite nyang kagak kene kebanjiran masing lumayan bise mbantuin ngasih aer bersih. ikut begadang di dapur umum. Sekarang mah wah.. boro-boro. listrik padem ude mau 4 arian. krisis aer bersih jadi kepaske deh kite ngantri aer bersih sumbangan dari PAM. ude gitu malemnye nyang dingin, kagak ade hiburan tambe lagi lampu yang kagak nyale bikin si kecil anak ane blingsatan gerah ame takut gelap. wah musti kudu ngeluarin dana lagi buat beli lilin yang hargenye mendadak jadi ikutan naek kayak harge beras ame sayur-sayuran.

Ente bisa rasein dah... Betawi aje nyang kote besar kite ampe di keje antrian aer lha pegimane dengan yang di luar sono ? Tapi, emang banjir ini adil ye.. kagak nyang susye kagak nyang seneng rumenye pade kelebu.. kagak nyang di pinggiran kagak nyang di apartemen juge pade ngerasein rumenye didatengin aer nyang warnenya rade-rade kecoklatan.. plus bau nyang sedep bener... benteq dah.

Di rume sebelah aje ude jadi tempat pengungsian sodare2 nyang dateng dari berbage tempat. ade nyang dateng dari Tanjung Priuk komplek marinir angkatan Laut, ade nyang dari depok tempatnye perumahan elit.. nyang konon sempet ngungsi man bawa pakean yang dibadan aje.. ame keperluan anak bayinye...

Tapi, ade syukurnye juge ye.. dengan banjir kite2 jadi serase besodara deh... nyang kayak minta bantuan tetanggenye nyang miskin yang padahal sari-sarinye diye lewat pake mobil cakepnye aje cuman negor pake klakson. kalu sekarang eh.. mau duduk bareng sama2 sambil nungguin aer kapan surutnye.. mungkin ade juge beberape nyang ninggalin rumenye cuman ame pembantunye doang.. jadi die asik nginep di hotel kagak tauk kalu pembantunye ude pade di evakuasi ame tetangge .. soalnye aer mangkin tambah tinggi aje.. dassar orang kagak punya prikemanusiaan...

bay de way.. Banjir bandang di Jakarta nyang datengnye hampir menyeluruh menunjukkan ternyata Indonesia terutama masyarakat nyang di Jakarta sebagian besar masing punya rase pesodaraan nyang cukup tinggi le.. semua kecemasan semacem ade pencopet, tukang jambret, tukang pengamen, dan laen sebagenye seperti mendadak ilang .. begitu juga pengemis yang biase tidur di kolong jembatan. kagak tauk pade ngungsi kemane orang tempatnye sekarang ditempatin ame banjir.. kalau mo ngelawan gidah sono.. dijamin ngambang diye hehehe..

Banjir.. banjir.. ternyate di balik musibe ade juge hikmahnye...

Belajar Dari Pengalaman

2007-01-22T11:55:00.000+07:00

Banyak orang nyang bilang Pengalaman adale guru nyang berharge dalam perjalanan idup kite..
kalu emang mau direnungin sepertinye ungkapan entu emang rada-rada bener juga.

Gak heran kalu orang tuwe kite atawe orang nyang lebih tuwe dari umur kite sering merase lebih pengalaman dari kite .. mangkenye jadi rade suse kalu dikasi tauk.. pasti diye bilang..
"Eh tong, gue eni ude lebih dulu ngerasain asem garemnye idup ketimbang elu.. lha elu anak nyang masing bau kencur aje ude sok nasehatin gue.. "
Begitule umpatan nyang sering bakalan kite dapet dari orang tuwe kalu kite nasehatin.. hehehe.. biasele.. namenya orang nyang kagak mau kale.. keukeuh banget ame pendapatnye meskipun kadang2 disadarin kalu pendapatnye entu kadang salah..

Sekarang pan bukan cuman pengalaman aje nyang dijadiin pegangan.. kagak salenye kalu kite juga belajar emang dari buku.. artinye dari ilmu nyang semestinye kite dapet.. tapi entu le.. kadang orang tuwe emang kagak perne mau disalahin..
dasssar !!!!

Kabar Terbaru

2006-12-03T14:02:00.000+07:00

Dear temen2 hari eni ane lagi nyobain ngisi blog dari tempat laen. nggak di kantor, kebetulan di tempat ane tinggal pas di depan bekas sekole SMP ane dulu, sekarang ude ade satu tempat warnet. Nah, kerne ane iseng abis mingguan di rume nemenin bini mulu jadi rade2 suntuk. mengkenye sekarang ane mau nulis lagi neh. sekalian, ude kangen juge ane ame blog ane. terakhir ane bikin cerite waktu mau menjelang lebaran.

hari eni. pas jem 2 lewat delapan menit teng ane nulis lagi. sekalian sambil jalan-jalan aje ke tempat eni hehehe.. mau tauk aje ape gampang atawe susye kayak di kantor nyang sering ngadat internetnye.

Men, hari tepat tige minggu ane ngerase keilangan satu temen deket ane nyang kebetulan satu almamater di unipersitas satu almamater kantor akuntan ame satu kantor di perusahaan pabrik kertas. Namenye Joni Surianto, umur 43 taon. status singgel. Ane denger kabar kematiannye juga kagak begitu yakin, soalnye beritenye simpang siur. ampe lebi due mengguan kali baru ade berite yang dateng dari salah satu temen deketnye di kantor akuntan, kalu mas Joni ude meninggal hari Sabtu tanggal 12 Nopember 2006. kene serangan jantung. inne lillahi wa inne ilaihi roji'uun.

Umur orang emang gak ade nyang tauk. orang semude entu cepet ajalnye. emang umur, jodo, rejeki ame kematian ude diatur ame nyang di atas.

Ngedapetin Lailatul Qodhar

2006-10-18T15:07:00.000+07:00

Tadi pagi ane abis ngeributin tentang turunnye lailatul Qodar ame temen-temen. Sehingge ade sedikit perdebatan masale turunnye kapan. Kalu nyang atu ngerasa malem ke 25, kerne tande2nye seperti nyang dihadist nab. Ade juge nyang bilang malem ke 27, dan laen sebageinye.

Emang perkare malem ini datengnye kapan, buat ane sik ude jadi rahasienye Alloh Subhane wata'ale. Dan ape dulu ame sekarang tandenye same entu juge emang ude dari kehendaknye Nyang Maha Kuase aje. nyang penting pan ape kite siap pade tiap-tiap malem entu untu ngedapetin malem. Artinye siap pas ketemu tu malem kite lagi bediri sholat, duduk jikir atawe malahan lagi ketiduran ame indehoy ame bini sambil pelukan. Lha, kalu enti nyang satu ngerasa dan yakin golagokin dapetnye malem ke 25 trus nyang satu ngerase malem ke 21 dan nyang laennye ada nyang yakin malem ke 27 jadi mane nyang bener ???

Ade satu tulisan nyang lumayan ane dapetin dari milis sebelah nyang isinye pegimane menyongsong malem Qodar tersebut. jadi bukan dari nentui kapan datengnye.. seperti dari tulisan Bang Denny Hendratta di :

http://dennyhendrata.wordpress.com/2006/09/07/panduan-menggapai-lailatul-qodar/

nyang coba ane ambil :

PANDUAN MENGGAPAI LAILATUL QODAR

Sesudah disyariatkannya ibadah shaum, dan agar umat Islam dapat merealisasikan nilai taqwa, Allah SWT melengkapi nikmat-Nya dengan memberikan adanya “Lailat al qodr”. Allah berfirman : ” Sesungguhnya Kami telah menurunkan Al-Qur’an pada ” Lailat al qodr”. Tahukah kalian apakah ” Lailat al qodr” ?. Itulah malam yang lebih utama dari pada seribu bulan” (QS. Al Qodr : 1-3)

Keutamaan Lailat al Qodr

Ayat yang dikutip di atas jelas menunjukkan nilai utama dari ” Lailat al qodr”. Mengomentari ayat di atas Anas bin Malik ra menyebutkan bahwa yang dimaksud dengan keutamaan disitu adalah bahwa amal ibadah seperti shalat, tilawah al-Qur’an, dan dzikir serta amal sosial (seperti shodaqoh dana zakat), yang dilakukan pada malam itu lebih baik dibandingkan amal serupa selama seribu bulan (tentu di luar malam lailat al qodr sendiri). Dalam riwayat lain Anas bin Malik juga menyampaikan keterangan Rasulullah SAW bahwa sesungguhnya Allah mengkaruniakan ” Lailat al qodr” untuk umatku, dan tidak memberikannya kepada umat-umat sebelumnya.

Sementara berkenaan dengan ayat 4 surat al qodr, Abdullah bin Abbas ra menyampaikan sabda Rasulullah bahwa pada saat terjadinya lailat al qodr, para malaikat turun kebumi menghampiri hamba-hamba Allah yang sedang qiyam al lail, atau melakukan dzikir, para malaikat mengucapkan salam kepada mereka. Pada malam itu pintu-pintu langit dibuka, dan Allah menerima taubat dari para hambaNya yang bertaubat. Dalam riwayat Abu Hurairah ra, seperti dilaporkan oleh Bukhori, Muslim dan al Baihaqi, Rasulullah SAW juga pernah menyampaikan , “barangsiapa melakukan qiyam ( shalat malam) pada lailat al qodr, atas dasar iman serta semata-mata mencari keridloan Allah, maka Allah akan mengampuni dosa-dosa yang pernah dilakukannya”. Demikian banyaknya keutamaan lailat al qodr, sehingga Ibnu Abi Syaibah pernah menyampaikan ungkapan al Hasan al Bashri, katanya : ” Saya tidak pernah tahu adanya hari atau malam yang lebih utama dari malam yang lainnya, kecuali ‘ Lailat al qodr’, karena lailat al qodr lebih utama dari (amalan) seribu bulan”.

Hukum “Menggapai” Lailat al Qodr.

Memperhatikan pada arahan (taujih) Rasulullah SAW, serta contoh yang beliau tampilkan dalam upaya “menggapai” lailat al qodr, dalam hal ini misalnya Umar pernah menyampaikan sabda Rasulullah SAW : ” Barangsiapa mencari lailat al qodr, hendaknya ia mencarinya pada malam kedua puluh tujuh” (HR. Ahmad). Maka para ulama’ berkesimpulan bahwa berupaya menggapai lailat al qodr hukumnya sunnah. IV. Kapankah terjadinya Lailat al Qodr Sesuai dengan firman Allah pada awal surat Al Qodr, serta pada ayat 185 surat Al Baqoroh, dan hadits Rasulullah SAW. Maka para ulama’ bersepakat bahwa ” Lailat al qodr” terjadi pada malam bulan Ramadhan. Bahkan seperti diriwayatkan oleh Ibnu Umar, Abu Dzar, dan Abu Hurairah, lailat al qodr bukannya sekali terjadi pada masa Rasulullah SAW saja, malainkan ia terus berlangsung pada setiap bulan Ramadhan untuk mashlahat umat Muhammad, sampai terjadinya hari qiyamat. Adapun tentang penentuan kapan persis terjadinya lailat al qodr, para ulama berbeda pendapat disebabkan beragamnya informasi hadits Rasulullah, serta pemahaman para shahabat tentang hal tersebut.

Sebagaimana tersebut dibawah ini :
1.. Lailat al qodr terjadi pada malam 17 Ramadhan, malam diturunkannya Al Qur’an. Hal ini disampaikan oleh Zaid bin Arqom, dan Abdullah bin Zubair ra. (HR. Ibnu Abi Syaibah, Baihaqi dan Bukhori dalam tarikh).

2.. Lailat al qodr terjadi pada malam-malam ganjil disepuluh hari terakhir bulan Ramadhan. Diriwayatkan oleh Aisyah dari sabda Rasululah SAW: “Carilah lailat al qodr pada malam-malam ganjil disepuluh hari terakhir bulan Ramadhan” (HR. Bukhori, Muslim dan Baihaqi)

3.. Lailat al qodr terjadi pada malam tanggal 21 Ramadhan, berdasarkan hadits riwayat Abi Said al Khudri yang dilaporkan oleh Bukhori dan Muslim.

4.. Lailat al qodr terjadi pada malam tanggal 23 bulan Ramadhan, berdasarkan hadits riwayat Abdullah bin Unais al Juhany, seperti dilaporkan oleh Bukhori dan Muslim.

5.. Lailat al qodr terjadi pada malam tanggal 27 bulan Ramadhan, berdasarkan hadits riwayat Ibnu Umar, seperti dikutip oleh Ahmad. Dan seperti diriwayatkan oleh Ibnu Abi Syaibah, bahwa Umar bin al Khoththob, Hudzaifah serta sekumpulan besar shahabat, yakin bahwa lailat al qodr terjadi pada malam 27 bulan Ramadhan. Rasulullah SAW seperti diriwayatkan oleh Ibnu Abbas, juga pernah menyampaikan kepada shahabat yang telah tua dan lemah tak mampu qiyam berlama-lama dan meminta nasehat kepada beliau kapan ia bisa mendapatkan lailat al qodr, Rasulullah SAW kemudian menasehati agar ia mencarinya pada malam ke 27 bulan Ramadhan (HR. Thabroni dan Baihaqi).

6.. Seperti difahami dari riwayat Ibnu Umar dan Abi Bakrah yang dilaporkan oleh Bukhori dan Muslim, terjadinya lailat al qodr mungkin berpindah-pindah pada malam-malam ganjil sepanjang sepuluh hari terakhir bulan Ramadhan. Sesuai dengan informasi terakhir ini, dan karena langka dan pentingnya lailat al qodr, maka selayaknya setiap muslim berupaya selalu mendapatkan lailat al qodr pada sepanjang sepuluh hari terakhir bulan Ramadhan.

Tanda-tanda terjadinya Lailat al qodr

Seperti diriwayatkan Oleh Imam Muslim, Ahmad, Abu Daud dan Tirmidzi, bahwa Rasulullah SAW pernah bersabda: ” Pada saat terjadinya lailat al qodr itu, malam terasa jernih, terang, tenang, cuaca sejuk tidak terasa panas tidak juga dingin. Dan pada pagi harinya matahari terbit dengan jernih terang benderang tanpa tertutup sesuatu awan”.

Apa yang perlu dilakukan pada lailat al qodr dan agar dapat menggapai lailat al qodr
1.. Lebih bersungguh-sungguh dalam menjalankan semua bentuk ibadah pada hari-hari Ramadhan, menjauhkan diri dari semua hal yang dapat mengurangi keseriusan beribadah pada hari-hari itu. Dalam peribadatan ini juga dengan mengikutsertakan keluarga. Hal itulah yang dahulu dicontohkan Rasulullah SAW.

2.. Melakukan i’tikaf dengan berupaya sekuat tenaga. Itulah yang dilakukan oleh Rasulullah SAW.

3.. Melakukan qiyamu al lail berjama’ah, sampai dengan rekaat terakhir yang dilakukan imam, sebagaimana diriwayatkan oleh Abu Dzar ra.

4.. Memperbanyak do’a memohon ampunan dan keselamatan kepada Allah dengan lafal : “Allahumma innaka ‘afuwun tuhibul afwa fa’fu ‘anni”. Hal inilah yang diajarkan oleh Rasulullah SAW kepada Aisyah ra ketika beliau bertanya : ‘ wahai Rasulullah, bila aku ketahui kedatangan lailat al qodr, apa yang mesti aku ucapkan”? (HR. Ahmad, Ibnu Majah dan Tirmidzi)

Menggapai ” Lailat al qodr” bagi MuslimahSebagaimana tersirat dari dialog Rasulullah SAW dengan Aisyah, istri beliau itu, maka mudah disimpulkan bahwa kaum muslimah-pun disyari’atkan dan diperbolehkan menggapai lailat al qodr . Dengan melakukan maksimalisasi ibadah yang memang diperbolehkan untuk dilakukan seorang muslimah. VIII. Khotimah Demikian panduan ringkas ini, mudah-mudahan pada bulan Ramadhan tahun ini Allah memperkenankan kita meraih ” Lailat al qodr”, malam yang utama dari 1000 bulan alias 83 tahun itu.

Nah, dari kutipan nyang ane dapetin ini pegimane carenye buat ngedapetinye ? ye tunggu aje tiap malemnye. kalu masalah ape paginye seperti tande2 seperti nyang disebut dalam hadist Rosululloh SAW kite kembaliin lagi aje ame nyang nyiptain diri kite. Die nyang Kuase Diye nyang berkehendak kapan mau datengnye.

"Innama Amruhi Idza aroda" (Yaasiin ; 82)

TABEK

Lebarane Bede.. Asal Pade Akur Aje

2006-10-17T08:52:00.000+07:00

Lebaran tinggal satu mengguan lagi. Tapi, ane bace berite di koran-koran dari jauh-jauh ari ude dibilangin kalu berdasarkan peritungan penentuan tanggal lebaran ude terjadi perbedaan penentuan tanggal lebaran antare Muhammadiye ame Nahdatul Ulama. Emang due organisasi enile nyang paling utame dalem nentuin tanggal lebaran sejak dari dulu. Prinsipe Muhammadiye pake penentuan ahli hisab kalu NU pake hilal atawe ngeliat bulan. Akibatnye tentunye ampir mau tiap taon ade aje perbedaannya kalu kagak awalnye puase ye awal lebarannye. Emang kalu ude prinsip orang jadi 'keukeuh' ame ape nyang di pegangnye. Kalu buat ane sih nyang penting enak aje. Nyang penting jangan pade berantem maen jelek-jelekin.

Jadi inget sewaktu ane kecil dulu. Masale khilafiyah aje nih orang nyang merase sebage bagian dari organisasinye ribut abis. Bahkan bisa dibilang ampe puncaknye jadi pade bemusuan antare orang2 dari organisasi eni. Kadang cuman masale ibadah nyang sipatnye antare diye ame nyang nyiptain aje jiye pade tuding-tudingan. Contonye masale jumlah sembahyang terawe aje dulu ude pade maen kate-katean. Nyang atu bilang sembahyange ngepot-le nyang satu dibilang sembahyang aje pelit, zikiran buat Allah aje medit jumlahnye pake dibatesin, orang mati le pake disedekahin yang ujung-ujungnge jadi tambah pusing buat orang yang mau tauk islam kok nape jadi pade gontok-gontokan gini.

Tapi, alhamdulille sekarang sepertinye masayarakat ame pemimpine udeh mulain sadar kali. Sebenernye perbedaan itu ade hikmahnye. Nyang penting masing satu igame. Masalah ibade entu urusan diri masing-masing asal ade prinsipnye. Diperdebatin dari taon jebot ampe sekarang juga kagak perne ade abis-abisnye. Emang Nabi Muhammad SAW aje bilang bakalan ade 73 aliran atawe firkoh. Mangke "Fastabikhul Khoirot" atawe berlombe-lombe dalem kebaekan dan mencari pahale itu nyang kudu jadi patokannye. Masalah pegimane carenye pan ude dibilang ame junjungan kite semuenye kerne niatnye. Alloh itu pegimane kite nganggep-Nye.

Weit jadi berbau igame neh. Sorry kagak pape deh mpung2 masing bulang puase. Sekali-kali ngeluarin nyang baek2 kagak pape kan ?

Macem2 Berite Seputer Lebaran

2006-10-13T08:58:00.000+07:00

Pagi eni ane nyesek bace berite di koran halaman paling depan. Beritenye : gare2 ribut masale perlunye duit buat persiapan lebaran laki bini ribut ampe si bini mati dibakar sementare si laki dibawe ke rume sakit akibat nyang same. Trus di laen tempat stess mo ngadepin lebaran nyang kagak gablek duit buat rume tanggenye seorang lelaki gantung diri. Belon lagi makin maraknye garong nyang ude mulain menjalar dari rume2 penduduk ampe di depat ATM buat ngambil duit orang atawe ngambil barang berharge di rume2. Baru beberape ari aje tetangge ane perempuan mati di gorok dengan motip nyang same. Ujung2nge akibat ulah orang nyang kepepet butuh duit lebaran.

Masya-alloh, kok lebaran segitu dahsyatnye akibat buruknye ye. Mbace ni koran ampe jadi bikin ati deg-degan jangan-jangan duit THR kite nyang kagak seberape bisa aje ikut jadi inceran. Lebaran oh lebaran, kok ude jadi keilangan maknenye. Kalu inget beberape taon nyang lalu sepertinya berite orang digarong, dirampok, orang dibunu, rume tangge ribut lantaran duit buat lebaran sepertinye ampir2 kagak kedengeran.

Kalu dulu, ngadepin bulan puase kite ngerase amaaannn banget, lha di sono sini kite ngedenger banyak orang pade tadarusan (soale anak sekolahan prei sebulan penuh), kalo tidur siang juge kebanyakan kite nyang mude2 pade geroyokan di langgar2 atawe di emperan mesjid sehabis sembahyang johor bareng2. Nah sekarang lebih banyak kite ngeliat orang nyang pade nunggu buke puase di emol2 ketimbang di rume. Ude pade kagak takut ketinggalan sembahyang terawe same2 lagi. si eneng lebih seneng nti sembayang kendiri. paling2 due kali sembahyang terawe ame satu kali sembahyang witir cuman seentaran. Jadi lebih penting buke puase sambil ngehabek semue makanan seole-ole kagak bakalan dapet lagi tuh makanan. Kalu dulu, terawe rame2 kayaknye enaak banget. abis terawe kite pade maen mobil nyang kite bikin dari bambu nyang dililisin trus diiket ame karet nyang ban-nye dari sendal nyang dipotong bunder. taruk deh obor di depannye ude aman kite rame2 keliling kampung. atawe kalu orang nyang ude gedean pade maen bleguran pake karbit. Sepertinye sekampung aje kite ude pade akur semue. kagak kayak sekarang demennye tawuran mulu. kagak jentel satu-satu. Mane berantem kagak pakek pikiran takut ngebahayain orang laen. nyang penting emosinye bise keturutan. Kalu dulu kite kasian bawe senjate, enti bikin orang celake. paling2 kalu ribut maen katot-katotan pake tangan kosong.

Le ile ha illolooh.. jaman sekarang emang ude edan. Orang lebih suke nonjolin emosi daripade otaknye.. AJE2 ADE JE EH..

Enakan Jadi Pengamen

2006-10-12T08:57:00.000+07:00

Puase ude ngelewatin 2 mengguan. Ane baru nyempet-nyempetin nulis tentang pengamen nyang sepertinye tambah kreatip banget nampilin kemampuannye meskipun tetep dengan berbagei macem peralatan nyang diye punya dari nyang ngamen pake modal yaitu nyang ngamennye make alat-alat musik seperti gitar, gendang, gitar kecil, kecrekan, bisa juga make alat-alat musik nyang dibikin kendiri seperti botol aqua nyang diisi ame beras atawe kerikil, kecrekan yang dibikin dari tutup botol (kerop) nyang ditipisin, maupun nyang kagak bermodal kecuali pake tepukan tangan ame bacotnye doang. Ude gitu, ngamennye juge macem-macem ade nyang nyanyi, ame bace sajak, niup suling, bahkan ampe ade nyang cuman nyeritain tentang nasib susyenye diye biar orang jadi simpatik buat ngasih duit ke diye nyang kadang kesannye nyindir ame rade-rade ngancem pake sindiran.

Tapi, nyang ane peratiin disini adale pinternye si pengamen ngambil ide ngebawain lagu-lagu atawe puisi nyang bertema islam seperti sholawatan, lagu qosidahan, ataw lagu islam nyang ude populer dinyanyiin ame artis ngetop macem Gigi, Marshanda, Ungu, Opik, dll. Nggak peduli tuh pengamen banyak tatonye atawe serem tampang ame penampilannye, sekarang jadi sedikit rapile.. apelagi ame asesorinya macem peci2 lima rebuan nyang dari bahan wol. Bikin kerase kalu kite lagi puase banget deh.

Yang lebih parah lagi bin nyebelin juga ade orang nyang pake tema lebaran buat minta duit sekedar buat buke puasele, buat makan saur le, ame buat sekedar beliin baju lebaran buat keluargenye dengan alasan nyang ude biase :

"apalah artinye duit seribu buat anda, tapi sangat berarti buat kami, dari pada kami berbuat kejahatan seperti yang pernah saya lakukan dulu makanya dengan sangat terpaksa saya meminta sedikit kemurahan hati bapak dan ibu sekalian, uang seribu yang bapak dan ibu berikan kepada saya tidaklah membuat bapak dan ibu menjadi jatuh miskin, tapi akan sangat berarti buat menyambung hidup saya dan keluarga saya ini".

Tapi, kalu bole ente cermatin lagi, mau tauk berape penghasilannye seorang pengamen ? ane perne iseng-iseng ngeliatin seorang ibu nyang suke nyanyiin lagu-lagu rohani. diye biasa mangkal di Slipi ampe Komdak setiap pagi ampe siang. waktu entu pas baru ane berangkat jem 7 atawe jem 8 an. kebetulan bis nyang ane naekin patas 6 jurusan Cililitan - Kalideres. Nah, sehabis ngamen si ibu ini dengan asiknye ngitungin duit nyang diye kumpulin dari hasil ngamen soalnye si supir lagi butuh duit recehan jadi diye nukeri ke si ibu. wal hasil dapetle sekitar 3 rebuan. abis gitu eh dikantong sebelenye si ibu langsung ngitung duit rebuan nyang lecek nyang diye ude kumpulin sehabis ngamen. syet dah.. sepagian aje ude lebi dari due puluh rebua diye dapet. pegimane kalu diye ngamen ampe sore. pegimane kalu ampe sebulan. Mangkenye jangan heran kalu dengan penampilan nyang serbe lecek aje penghasilannye diye pade ude lebih dari diatas UMR nyang biase didapet ame buruh pabrik atawe pekerje swalayan nyang butuh tampil kelimis.

Nah, dengan perbandingan antara gengsi ame muke tebel rase-rasenye idup di betawi eni emang jadi serbe bingung kan ? cape kerje, tampil cakep bin kelimis eh hasilnye masing dibawe UMR. Lha tampil lecek bin dekil malah dapet diatas gaji pegawe honorer. Dunie emang ude kebalik.... Auk leeee...

Terime Kasi Ye..

2006-10-12T08:53:00.000+07:00

Baru kali eni kepikiran buat bilang terima kasi ame orang-orang deket ane nyang rajin ngasih semanget, ngeritik, ame ngasi info baru kalu di blog ane bise ditambahin ini itunye.

Pertame, banget neh ane mo bilang makasih nyang segede-gedenye ame si Sugeng Surya Edi alia Mas Bram si Brewok nyang pertame banget ngenalin ane ape entu blog. jadi meski cuman dengan ngeraba-raba (orang bikin pertamenye aje kite berempat), alhamdulille jadi juge deh blog ane, bahkan ude ade tambahan laennye nyang ane tulis, diantarenye :

- www.emyra-tasha.blogspot.com,

- www.obat-obatan.blogspot.com,

- www.makanan-masakan-betawi.blogspot.com,

- www.tokoh-tokoh.blogspot.com

Kedue, makasih juge ame sodare ane nyang cakep nyang demen ngasi tauk kalu bisa ngambil conto tampilan-tampilan bagus di blog laen nyang bise ditiru. Namenye Rudy Wiryawan. Atas bantuan diye jugele jadi blog ane sedikit tampil lebih manis dan kece. Dan nyang jadi sumber kenape gambar ane bise di masukin ke sini, soale hampir semue gambar ane jepret pake kamere dijitelnye mas Rudy enile. Sekali lagi makasi ya Rud..

Ketige, kagak sale lagi kalu ane tunjuk congornye Uda Ichwan nyang biarin kalem juga tapi tampil dengan manteb plus demen bikin dekor blog ane jadi lebih kinclong. Ente liat pan gambar ane nyang kayak orang sibuk di atas ? nah entu hasil karyenya jiye. tambahan lagi diye nyang ane sering mintain bantuan buat ngopiin photo ane dari cd ke komputer hehehe.

Nah, buat nyang ke empat ame seterusnye kagak sale lagi kalu ucapan terime kasi ane tujuin buat team kritik dan nyang lagi demen-demennye becandein ane soal ape aje nyang ane ketik di blog eni. kagak sale lagi kalu bukan Tafriadi Azwar ame Eriko. Tanpe diye bedua nyang tukang manas-manasin pokoknye kagak bakalan timbul deh ide-ide lucu dari ane nyang bisa ane tulis. Enggak lupe juga me si cantik Deni Heldinia nyang dulu ane perne sale nyebut namenye.

Dan terakhir yang juga kagak kalah serunye tentunye Team Tenang Aje yang terdiri dari Trio Mas Tarjo, Beng2, dan ketue II kite Mas Meyndrasta, yang sering ngasi inspirasi ke ane sehingga bisa lancar buat ngimput data-data ke blog ane.

Nah, biar kagak kualat bole juge deh ane bilang juga makasi ame si Ubay, Aries TW, Idul Fitri, ame Mbak Tety nyang kadang2 juga ikut campur meskipun cuman dengan cengir2an nye aje bila ngedenger ade komen atawe kritikan atawe pertempuran mulut antare ane ame mister konfrontir hehehe. Namenye becande kan kudu begitu, kalu dibawe serius mulu bise-bise tampang cepet tuwek ye nggak ?

Tabek

Untung Ane Orang Betawi

2006-10-09T09:35:00.000+07:00

Lebaran ude tiggal itungan hari lagi, di koran padi eni ude ditentuin per tanggal 9 Oktober 2006 batas awal dimulainye ongkos bis bole pade naek dengan ketentuan yang ude diatur berape naeknye per kilometer.

Pare pembantu di deket rume nyang kebetulan akrab ame anak ane si Tasha juga ude pade siap ngebuntel pakean ame barang bawaan lebaran buat dibawe ke kampunye di Tegal sono. Mbak Iyem, Mbak Tuti, Mbak Saritem, Mas Joko, ame ke Tuan dan Nyonye tetangge ane juge sepertinye ude siap-siap bertarung ame pare pemudik laennye. Buat nyang kerje kantoran macem Tafriade nyang pulang ke Padang, Aries nyang pulang ke Batak ngikutin bininye atawe ke Jawe Tengah tempat Enyak Bapaknye, Eriko nyang pulang ke nenek moyange tentunye ude dari jauh jauh ari ude nyiapin bekal buat pulang kampung ame nentuin tanggal cuti libur tambahan selain nyang ude ditentuin ame kantor. Ade nyang pulang naek kapal terbang, ade nyang gebis, naek kerete dan ade juge nyang pastinye mo bawa mobil kendiri macem ketue ane bos Mey buat pulang ke Solo. Wal hasil buat orang nyang enggak lagi pengen pulang kampung atawe nyang emang tinggal di betawi eni jadi kagak bisa ngambil cuti kerne jadi penjage selame temen-temen pade pulang.

Buat nyang pade pulang kampung, dengan kenaekan ongkos tentunye bikin hati jadi sebel sebab kudu nyediain duit ekstra selain nyang ude disiapin buat ponakan-ponakan di kampung. Belon ame bejubelnye orang nyang bikin kite jadi mandi ame keringet kite kendiri. Kalu ente kagak percaye coba nti liat pade H mines tuju ampe H plus tuju, beee.. bejibun deh orang nyang pade antri karcis ame pade berebutan tempat. Nah, kalu ude kayak gini tentunye orang nyang pade tinggal di Betawi jadi pade kegirangan. Ngerasain jadi punya kampung kendirian. orang kalu pas lebaran ame beberape hari sebelonnye aje kite ampe bisa tidur di jalanan saking sepinye tu jalan.

Tradisi nyang kayak gini sepertinye bikin tantangan kendiri. Kalu kate Tafriadi, Eriko, Irfan, Ichwan, Aris, Sugeng, Umar, dan temen-temen laennye di kantor "Disinile letak nikmatnye bejubelannye. nilai perjuangannye.. ".

Kalu kate ane sik, mungkin kerne di kote kebanyakan kan ude pade ilang tradisi kampungnye nyang keliling le, nyang pade nenangge saling ngunjungin le, belon kalu emang sudarenye masing pade merentet di kampung pastinye orang nyang pade merantau ke tempat laen bakal jadi tempat ngumpul ame temen-temen lame di kampung. Kalu ane peratiin sik pembantu-pembatu nyang pade pulang aje jadi pade keren. Baju kaos mere mateng ame kacemate item nempel di atas kepale, tambahan topi pet ame jem tagan, ples bawe tip rekorder atawe vcd, wokmen nyang spiker kecilnye melilit dipundak. sukur-sukur ade HP seken nyang bentar-bentar diye sms an ame temen pulang kampungnye. wah.. kalu orang betawi bilang repot beneeeerrrr.. kalu begini jadi kepikiran berape biaye nye .. pegimane repotnye.. capeknye.. jadi kalau gitu jadi kepikiran : "UNTUNG ANE ORANG BETAWI"

Malem Qunut Same Aje Malem Ketupat

2006-10-09T08:53:00.000+07:00

Kalu ente sembahyang taraweh di lingkungan betawi pas menjelang hari ke lime belas malem ke enem belas biasenye sedari pagian emak-emaknye ude pade repot nyariin daon kelape mude alias janur pating dibikin ketupat buat ngadepin malem ganti surat.

Adapun nyang dimaksud ame ganti surat, kalu pade malem pertame taraweh ampe malem ke lime belas biasenye imam nyang ngebawain entu pade rokaat pertame diye baca surat al-hakumut ampe surat Tabat, enti pade rokaat ke duanye baru baca surat Qulhu. Nah, nti sehabis hari ke lime belas ampe akhir puase baru ganti surat, rokaat pertame pake surat Inna-anzalna rokaat nyang kedue baru pake Al-hakumut ampe Tabat. Biasenye di orang betawi rate-rate sembahyang tarawenye pake nyang 20 rokaat ame witir 3. Nah, tambahannye biasenye mulain dari malem ke enem belas buat witir terakhir nyang satu rokaat pasti ditambahin do'a qunut nyang biase dibawein kalu orang sembahyang subuh.

Tapi, ade acare rutinitas di setiap langgar-langgar di lingkungan betawi. Biasenye pas malem ke enem belas sehabis taraweh imam langsung mimpin tahlilan dan diahirin ame makan ketubat bareng-bareng nyang didapet dari sumbangan tiap-tiap warge nyang pade sembahyang di langgar entu. Tepatnye dari jemaah buat jemaah. Emang sik, kagak gitu dipaksein. kalu emang kagak lagi bikin ye enggak pape bole juge ikutan sedekahan atawe tahlilan.

Dulu, waktu ane masing kecil paling demen tuh kalu pas malem ganti surat atawe malem qunut. Selain bisa makan ketupat sayur gratis ame daging atawe telor ayam nyang disemur. Juge tandenye hari lebaran ude mau deket lagi. nah kite-kite nyang kecil ude pade ngundang temen-temen buat ngunjukin baju lebaran kite nyang ude dibeliin ame nyak babe kite. Emang sik kesannye jadi norak. Tapi, maklum le jaman dulu kan kagak seperti jaman sekarang. kalu dulu baju baru emang adenye pas hari lebaran doang jadi wajib buat setaon sekali. kagak seperti sekarang nyang kapan aje kite bise beli, jadi anak-anak sekarang ude kagak pade norak lagi ame nyang namenye baju lebaran. Tapi, namenye anak-anak.. kalu sekarang belon dibeliin nyang namenye baju lebaran tetep aje ude pade manyun dan ngerayu emak bapaknye sambil nanyain kapan baju lebarannye mau dibeliin.

Musiknye Orang Betawi

2006-09-29T15:07:00.000+07:00

Kalu ente perne idup di pinggiran Betawi taon 70 an, mestinye ente perne liat bermacem-macem jenis pertunjukan nyang suka ngiringin di acare-acare seperti orang kawinan, atawe sunatan, misalnye ade cokek, Lenong, gambus, ondel-ondel, tanjidor, jait, marawis, golek, reog, dan laennye. Tapi, nyang paling sering maen dan beken biasanye kalu kagak orkes dangdut ye qosidahan.

Biasenye, macem jenis pertunjukan eni juga ditanggapnye tergantung ame jenis orange, dan juge ame daerahnye. kerne emang ude lame di masyarakat Betawi emang penduduk nyang paling bisa nyerep orang mane aje, mangkenye pertunjukan di Betawi juga jadi beraneka ragam tergantung orang nyang nangglapnye. Seperti orang nyang biasa tinggal di pinggiran nyang deket ame daerah tanggerang tentunye kagak kaget ame cokek, golek, dan reog sebab emang entu asalnye dari sane, cuman orang-orange aje nyang pade nyoba nyari empan di mari. Nah, kalu gambus, qosidahan ame marawis biasenye dipanggil ame orang nyang rade-rade alim le atawe rade agamis, kerne biasenye nih musik sering nyanyiin lagi Arab sono. Tinggal buat orang nyang biase aje ame nyang gayenye macem jaware-jaware biasenye kalu kagak nyang ade ngibingnye tentunye ame ade orang jogetnye. Kagak salah deh kalu pilihannye jatu ame musik dangdut.

Jujur aje, musik dangdut nyang dari asalnye melayu tadinye dipukul ame rebane sekarang ude di ganti ame gendang nyang dibuat dari kulit. Ditambah suling dikit ame mandolin jadi deh. Waktu ane kecil dulu penyanyinye masing pake sombok ame mik nye nyang dibuat dari salon kecil di tutup ame slampe. Inget dulu waktu masing tinggal di Setiabudi. Wah asli masing kampungan banget dah tuh musik. Tapi, emang pastinye kite jadi nggak nahan begitu denger tuh musik sedikit-sedikit pinggul kite langsung begoyang.. tarik manggggg... mangkenye kagak heran kalu pemusik-pemusik dangdut asalnye dari orang kagak punya alias nyang cuman modal bakat alam soalnye emang asalnye juga dari masyarakat rendahan. Tapi, jangan heran juga kalu sekarang justru di musik dangdutle nyang bisa bikin banyak artis jadi kaya .. dan bisa bertahan lama ampe tua. seperti Megy Zakarya, Mansyur Syah, Oma Irama, Elvy Sukaesih, Elya Khadam yang rate-rate ude pade bangkotan tapi masing tetep aje orang cariin. Belon lagi tambahan penyanyi generasi barunye macem Rita Sugiarto, Evy Tamala, Hamdan Attamimi, Camelia Malik, dan tambahan lagi nyang masih gres macem Kristina, Erie Susan, Inul Daratista, Anis Bahar, Dewi Persik, dan lainnye bikin musik dangdut jadi tambe semarak abis.. ngegusur kesenian laennye. pokoknye kalu ente mau tauk musiknye orang Betawi.. ente diri aje di pinggir jalan pas dari jem 6 pagi juga ude kedengeran .. so pastile.. DANG .. DUT..

Taisen

2006-09-29T14:45:00.000+07:00

Kalu ente perne denger nyanyiannye Bang Ben (alhamruh H Benyamin Sueb) ame Mpok Ida nyang judulnye "DUL LI PAK ada nyang sairnye kayak gini :

Dul li pak si lindul lindul litem tem, jalan-jalan ke kampung rawe

si Ida orange item, biar begitu taisen gua

Dal gandel si gundal gandel del, jalan-jalan ke kampung rawe

Benyamin orange bogel, biar begitu taisen gua..

Kate taisen nyang arti sebenernye adale timpalan, nyang lalu di kalangan orang mude-mudi pade taon tuju puluan jadi rame dipake buat nganggep taisen sebagai gandengan atau temen deket nyang lebih dari sekedar sobat karib bahkan bisa jadi juga antare leleki ame perempuan nyang arti maksudnye ampir mendeketin seperti pacar, sebenernye berasal dari suatu kate di dalem permaenan judi "hwahwe" yang emang lagi sedeng marak-maraknye di Betawi pade akhir 1960-an dan awal 1970-an.

Judi eni ngejanjiin 36 angka keberuntungan dengan simbol binatang pade setiap angke-angkenye. Umpame angke 1 (ikan bandeng), misalnya, taisen-nya atawe timpalannye angka 5 (singa), angka 30 (monyet) taisen-nya angka 23 (ikan mas koki), dan seterusnya.

Nah, sekarang lame-lame kate eni jadi ilang kendiri. seperti kate PSK (Pekerja Seks Komersial), kalu dulu di saat bange Cine emang lagi rame pade urban di mari orang kayak beginian dibilang "gerempang" atawe "cabo" (nyang asal katenye dari Ca Bau Kan versinye Bang Remy Silado), semakin berkembang lalu jadi disebut "lonte" atawe "pereks" nyang artinye Perempuan Eksperimen, sekarang jadi lebih halusin jadi dianggap perempuan nyang kerjenye ngajak ngesek trus dibilang komersial karena abis gitu minta bayaran.

Wah ade-ade aje bahase sekarang..

PETASAN

2006-09-29T09:39:00.000+07:00

Bulan Puase taon 2006 ude bejalan satu mingguan. Tapi, orang nyang jualan petasan ude nongol dua minggu sebelon datengnye eni bulan. Mungkin pas lagi pade nisfu-an kali. Syukurnye omongan dilarangnye orang buat jualan petasan sekarang mulain kerasa, meskipun di sono sini masing aje ade anak nyang pasang petasan.. man kagak gede dah.. palingan juga petasan 'ceplik' tapi emang orang kagak perne keilangan ide ye. Petasan kagak bole e diye bikin macem-macem kembang api.

Kalu dulu, masing jaman ane 10 taonan. Malah jenis petasan nyang rada banyakan. Kalu buat maenan anak-anak nyang rade-rade penakut palingan cuman kembang api, petasan ceplik, petasan tumbuk, ame petasan nyang model kayak sagu nyang ditempelin ke batu koral terus dijemur ampe kering dan nempel. nti kalu ude kering baru deh ditumbuk jadi bunyi. tapi, anak2 dulu pade kreatip. kagak kayak anak sekarang nyang mau ape-ape aje tinggal ngeluarin duit dari kantong. paling-paling cuman bikin nyo-ong emak bapaknya aje lha selame bulan puase duit jajannye larinye ke situ doang.

Inget jaman dulu, kalu bulan puase mane ade anak-anak nyang tidur abis terawe.. pastinye ude rame buat kontes maen 'meriem sundut' nyang dibikin dari bambu yang dibolongin ujung atasnye trus di kasi minyak tane baru disundut.. jadinye bunyi alami. Ade lagi yang namenye petasan bleguran nyang dibuat dari tane nyang dibikin gunung-gunungan terus dimasukin karbit baru disundut. atawe bikin petasan lempar pake busi mobil atawe motor nyang di dalemnye diisiin pentol geretan nyang. Kalu pengen praktis bikin juga dari mur ame baut buat dilempar nah ditengahnye dikasiih petasan tempelan. nah buat bawahnya dikasi rombe-rombean dari tali plastik nyang dibikin alus. praktis kan ?

Tapi, kembali lagi ke jaman sekarang. Kalu dulu macem-macem petasan nyang banyak. nah sekarang malah jenis kembang apinya nyang bejibun. Kalu dulu ade kembang api, petasan aer mancur, jangkwe, petasan cabe rawit, petasan tarik, petasan teko, petasan banting. Nah, sekarang malah macem-macem jenis kembang api nyang bejibun, selaen kembang api nyang emang ude jadi madonenye, sekarang nambah lagi petasan tikus nyang bunyinye mencicit kayak tikus, kembang api kitiran, gangsing, petasan kentut, petasan komet, dan laen jenisnye nyang lebih nonjolin jenis lampu atawe pijarannye ketimbang suara. Jadi, bikin anak kecil pade demen. ape lagi ame asepnye nyang macem-macem. dan kagak nyampah kayak petasan. Kalu dulu, setiap ade acare lebaran, orang kawinan, nyunatin, orang ngebesan, dan acare maulidan pastinye selalu diiringin ame bunyi petasan rencengan nyang pastinye diakhirin ame numpuknye sampah kertas nyang ude pade ancur akibat meletusnye petasan entu. Sekarang sih alhamdulillah, jadi lebi bersi.Belon lagi, ade aje cerite anak nyang tanganye kene petasan sampe ade nyang dijaitleh, ilang jari jempolnyele cuman gara-gara demen maen petasan lempar aje.. kalu dulu mane enak kalu maen petasan kagak dilemparin ke orang.

Adat kebiasaan petasan di Betawi, selaen Bulan puase atawe lebaran emang masing ade. Tapi, biasenye diye pake dipesen gabungan atawe rencengan dari nyang kecil dicampur ame nyang gede. Kalu nyang gini sik seperti nyang ude ane bilang, buat acare maulidan di malem mangkat, acare bebesanan, penganten laki-laki dateng ame iringannye, nyunatin anak, dan manggil tetamu nyang pade mau ikut mbesan. Emang kalu kite pikir2 acare nyang kayak gini mubazir atawe buang-buang duit aje. Tapi, buat orang jaman dulu, bisa berabe kalu petasane kagak dipasang. bisa ngambek dah si besan. Orang nyang mau dateng ke sunatan juga belon pade nongol alesannye petasannye aje lon dibunyiin. artinye si punye hajat belon siap. Nah, kalu kagak dipasang bisa berabe dong kagak ade nyang dateng para tetamu.

Sebenernye, Petasan itu sumbernye dari Cina nyang diambil ame orang Betawi dari daerah tanggerang (sekarang jadi Tangerang), biasenye orang Betawi bilang cine benteng alias orang cine nyang kulitnye item demennye miare babi. Tapi, berkembang dari jaman ke jaman malah sekarang jadi tempat pusat pembuatannye di daerah Parung Bogor. Auk siape nyang bawa tuh petasan. mungkin aje anak keturunan cine Tanggerang nyang ude pade pinde ke sono.. MENE KE TE-HEK

Cerite Tentang Habaib

2006-09-28T09:01:00.000+07:00

Ente tauk apa itu habaib ? itu .. yang katenye ngakunye masing keturunan dari nabi. Kalu istilah di Betawi kumpulan habib-habib dah. Nah, buat orang betawi nyang emang ude kentel rase keislamannye.. denger kate habaib mo dateng ke wilayahnye aje beee (kalu ente mo bilang 'be' eni mulut ente rada dimenyonin sama bibir bawah rada dimajuin dikit ye) lantas aje orang sekampung jadi pade repot, ade nyang nyiapin nasi kebuli nyang emang ude jadi kebiasaan makanannye, roti cane, nasi begane dan laennye pokoknye repot abis deh.

Ape lagi kalu emang si habaib entu dateng pake baju gombrongnye tambe ubel-ubel di kepalenye. Tambahan lagi ame kumis nyang dicukur rapi plus jenggot panjangnye. Belon lagi sipat mate nyang item jadi tambah tajem aje tuh pandangan matenye. Kalu ude gini tentunye nambe lagi orang nyang berbondong-bondong buat nyium tangan atas bawahnye.

Emang sih, kagak sale kalu orang Betawi entu paling cinte ame nabinye. Mangkenye percaye dan yakin banget dengan hadis nabi nyang sering didengungin ame guru-guru ngaji terutame ame para habaib eni.. katenye mencintain anak dan keturunan nabi same aje dengan mencintain nabi kendiri. Wal hasil nggak jarang orang nyang pade berebutan buat deket ame diye. Tengok aje noh di mane-mane aje tempat para habaib berade pasti ude banyak orang ke hamuk nyang dateng biar cuman sekedar nengok mukenye. Kalu kate nyak Romle tetangge ane sih.. ngeliat mukenye aje rase ati ude teduh.. ude kerase kelatan pancaran cahaye nabinye.. (hehehe ape kagak kelewatan tun nyai ??). Tapi, kalu sempet kite amatin bise juge kali ye.. coba deh tengok di Kwitang tempat pengajian ame mesjidnye Habib Ali Al-Habsyi atawe di Kalibate tempat mesjidnye Habib Kunjung (Al-Hadad) atawe ente pegi ke Cipayung tempatnye Habib Umar Al-Atos, belon lagi tempatnye Habib Abdurrahman As-Segaf, Habib Husein Al-Idrus, dll emang sepertinye nggak ade matinye.. adeee aje orang nyang pade berduyun-duyun buat ke sono. Apelagi kebiasaan orang Betawi nyang demen jiare. Kayaknye kalu belon ketemu ame habaib eni kerasa jadi belon afdhol. Masalah bener kagaknye sih ane kurang tauk dah..

Wallohu a'alam bis showwab..

NB. Usut punye usut ternyate ane juga masing keturunan arab. man kate babe keturunan arab kontet heheh mangkenye jadi kecil kayak gini.

Pantun Betawi Sekarang Mah Asal Goblek

2006-09-27T10:36:00.000+07:00

ini ade beberape pantun nyang perne ane dapetin waktu ane kecit dulu.. kebetulan emang salah satu dari encing ane demen ame berpantun. Jadinye pantun eni emang asli dari diye.. kalu beberape sik sepertinye emang nyang ude biase beredar.. misalnye :

Jem tuju jem delapan

Jem sembilan kereta jalan

Ane tunggu ampe kapan

Aer mata jato di jalan

Burung kecici burung kecica

Burung dara mengangkat sarang

Di mulut benci di hati suka

Malu malu sama orang

Metik kwini jangan dikandut

Kalu dikandut banyak getahnye

Nyari bini jangan nyang gendut

Kalu nyang gendut banyak anaknye

Nah, kalu kite peratiin setiap pantun diatas, sepertinye emang masing ngikutin kaedah nyang biasenye dari pantun-pantun laen nyang menjadi sumber tempat orang betawi berasal, yaitu bangse melayu. Tapi, belakangan eni orang seenaknye aje bikin pantun cukup ame due kate aje dirase ude ngecukupin buat dilempar ke orang. Nyang penting kan isi dari bahase keduenye ude bise dingertiin ame orang nyang dituju. Coba aje ente peratiin pantun-pantun nyang sekarang beredar seenak dengkulnye aje..

Bue kwini bue kedongdong

Nyari bini dong..

Bue cempedak bue kedongdong

Enggak dong..

Beli keran di tanjung priuk

Kite pacaran yuuuukkk...

Nah, kalu ude begini tentunye bahase pantun jadi asal timbang dong. Timbang nyampe ape nyang dimaksud, gampang dibikin dan langsung nyeplos.. tapi, kalu nanti jadi keterusan bisa berabe dong buat orang lelaki nyang pade mau ngelamar calon bininye.. jadi kagak ade pantunan lagi.. langsung terabas deh..

bue kwini dimakan penyu.. jadi bini nyuuu'

Lebaran Kagak Lewat Sini..

2006-09-26T11:53:00.000+07:00

Ucapan nyang beginian sering banget dapetin. Apelagi kalu pas mo lebaran duit kagak gablek, kantong kosong glondangan. Mane baju belon kebeli lagi, ketupat aje belon keliatan meskipun cuman kulit nye doang. Kalu kate orang Betawi lagi ampeg banget dah.

Mangkenye si Eneng kalu ditanya.. ame si Irpan anaknye nyang demplon.. "Nyak, pegimane baju buat persiapan lebaran aye nih, kok ampe gini ari masing belon ade aje".. si Eneng pasti dengan sewotnye bakalan bilang ..

"Lebaran Kagak Lewat Sini... "

Soalnye die sewot abis ame si Udin, lakinya nyang ampe ude tinggal mau dikit lagi lebaran belon juge nyetor duit gajinye atawe THR nyang biasenye ude diterimenye seperti biasenye. Maklumle.. di tempat si Udin kerje emang lagi suse masalah keuangan. Boro-boro mikirin duit THR, bulan bayar gaji bulan eni aje nyang punye kantor masing kelimpungan nyari ke sono ke sini.

Kalu dipikir-pikir emang THR atawe tunjangan hari raye emang ude jadi satu kewajiban nyang kudu ada.. kagak bise diganggu gugat lagi. Kadang duit nyang beginianle nyang bikin karyawan jadi pade sewot ame atasannye kalu ampe telat apelagi ampe kagak bise dibayarin.. bisa-bisa disumpahin abis deh.. belon lagi ame orang rume.. moge-moge sik kejadian eni jangan ame terjadi deh ame kite-kite.. AMIT - AMIT CABANG BEBI......

Bulan Puase Pade Berebut ke Mesjid

2006-09-26T11:34:00.000+07:00

Emang kagak sale kalu ustad bilang bulan puase adale bulan nyang penuh dengan rahmat. Pagi tadi aje, di sono sini keliatan banget banyak anak-anak mude nyang bepergian dengan pici di kepale ame sarung nyang diselempangin di leher baju kokonye.

Belon lagi kalu pas siang.. beee (ngomong be.. nye mulutnye rada di nyebengin dengan bibir bawah nyang sedikit ditonjolin) di mesjid mane aje terutame di tempat-tempat nyang biase rame ame kayak di mol-mol atawe di tempat-tempat adem nyang ade asenye.. ude pade penu ame orang nyang pade sembahyang Johor.. sekalian sedikit beselonjor ngabisin waktu siang .. soale ngantuk pas malem begadangin waktu saur.

Suasane di tempat pasar rada sepi. Mane mau orang jalan-jalan kalu lagi panas begini. apelagi bulan eni emang panasnye matahari ke bine-bine teriknye, bisa-bisa tenggorokan malah tambah kering. Kalu ude begini, mendingan kantor-kantor nyang ade asenye.. lumayanle kagak begitu panas ame aus banget.

Tapi, terus terang aje, kalu bulan puase eni ane paling demen ngeliat temen-temen nyang tiba-tiba aje jadi berube jadi alim. Nyang kagak biase ke mesjid jadi rutin buat ngedengerin ceramah nyang seperti jadi acara rutin tiap siang sambil ngisi waktu istirahat orang kerje kantoran. Padahal mah, nggak sedikit nyang mending pade ibadah nyang paling manter.. TIDUR.. soalnye .. kate nabi, tidurnye orang nyang puase kan ibadah.. hehehe.. entu diye alasan nyang ane demen.. apelagi kalu kite peratiin tuh muke-mukenye nape jadi pade licin abis kene aer sembahyangan.

Apelagi buat si pencerame.. paling demen ame bulan Romadon ame bulan Maulid.. sebab biasenye pade bulan eni doang nyang dimane-mane pade gencar nyari ustad atawe pencerame buat ngisi acare pengajiannye. Lumayanle sambil nyari pahale kantong konjen jadi ikut berisi.. kan bole juge pencerame ikutan lebaran ame anak bininye.. orang bilang mah "inamal a'maalu binniyah". jadi tergantung niat nye kendiri. Mo beramal bole, nyari duit ye bole.. sorge ame nerake emange siape nyang bikin ???

Puase man Dapet Laper ame Aus Doang

2006-09-25T15:45:00.000+07:00

Baru due ari kite ngejalanin puase. Mane puase taon eni sepertinye lebih suse dirasain. Bencane belon lagi rapi, aksi protes masing di sono sini. Tambahan lagi musim panas nyang belon juge ilang.. noh liat di mane-mane banyak tanah nyang ude pade meletak kering kerontang akibat nggak ade aernye.

Bulan Puase taon eni juge ane rasein paling-paling banget deh.. ude pendaringan entar isi entar kagak, lobang di sono sini ude digali.. buat ngebulin dapur.. wah.. tambah ngenes aje ..

Tapi, untungnye bulan puase biar kate lagi suse masih dapet juge kite dapetin.. nggak tauk nanti-nanti kalu umur kite masing panjang..

Mengkenye, mumpung sekarang masing bise kite nikmatin ni bulan.. yang kate ustad semalem adale bulan nyang penuh pengampunan, dan yang penuh rahmat, ude sebaeknye kalu kita coba ngejalanin ni bulan dengan penuh kesabaran .. puase kude dijalanin bukan cuman puase perut, tapi juge puase mulut. puase nyang bisa kudu ngelawan nyang namenye hawa nafsu.. mau mare-mare ame temen kudu di sabarin.. mau mare-mare ame atasan kite kudu disabarin.. ketimbang puasenye jadi kebelangsak.. kalu ustad di TV bilang puase nyang dapetnye cuman laper ame aus doang.. pahalanye kagak..

Jadi,.. buat sekarang mau ngeluh .. ye di buang aje dulu jauh-jauh deh ye..

TABEK..

Nggak Dimane, Kapan Aje .. Masale Tetep Aje Ade

2006-09-21T10:53:00.000+07:00

"Bang jangan diyem aje, beras ude nggak punye

No liat pendaringan, ude kosong glondangan

Pan elu ude tau, gue ude berenti kerje

Kalo emang terpakse, jual aje clane gue

Biar ude nggak kerje, tanggung jawab mesti ade

Abis ude mustinye, emang ude nasibnya

Cepetan dong bang usahe, jangan tergantung nasib

Usahe tetep usahe, tapi rejeki selik"

Lagu eni sepertinya baru aje tadi pagi ane dengerin. Lagu nyang dinyanyiin ame Bang Ben dan Mpok Ida Royani emang seperti ngegambarin kondisi masyarakat jaman sekarang nyang ude pade suse nyari kerjaan. Dari berite2 di koran-koran, tipi, radio ade aje nyang ngebahas tentang tinggat pengangguran nyang emang ude melebihin nyang semestinye. Perekonomian Indunesia emang lagi terpuruk. Dimane-mane orang pade sibuk nyari kerje.

Belon lagi ame bencane dimane-mane. dari mulain gelombang tsunami di Aceh, gempa di Jogja, ampe Pangandaran. bahkan ame keluarnye lumpur gas di Sorong Sidoarjo. Mangkin lengkaple penderitaan rakyat Indunesia.

Hari eni aje ude dua bulan dapur ane di rume kagak ngebul. Paling2 kalu diye mau ngebul juge man dikit doangan. Maklumle.. penghasilan nyang diarep-arep ude macem nunggu ujan di musim panas terik. Keringet nyang netes di badan aje udeh lame kering. Maknye si bocah juge ude mulain nanyain kapan dong susunye si bocah mau dibeliin lagi soale stok nyang di kaleng ude mulain abis. Wah, kalu begini bisa berabe neh. Ape kudu seperti lagunye Bang Aji Oma Irama neh.. gali lobang tutup lobang.. syet dah.. gimane carenye nyabarin si bocah ye.. auklah

Renungan Ati nyang Nyeseg..

2006-09-19T08:42:00.000+07:00

Kenape ni pagi begitu ane masup keliatan tampang-tampang temen ude pade manyun. Mane lampu kantor masing belon dinyalain lagi. Ape masing tanda protes kalu pade belon terima upenye ? pan mestinye anak-anak ude pade kebal ame pengumuman nyang dibikin pasti bakalan telat lagi.. ude langganan.. kayak kang pecel nyang lewat tiap sore di rume.. kalu ditanye kenape mampir dimari yukk.. selalau jawabannye biar jadi langganan nengggg...

Ah, masak bodo'le ame duit nyang belon diterime.. katenye pan kite kudu besabar.. paling-paling enti sore keluar pengumuman lagi kalu duit nyang bakalan diterime jadi telat lagi hehehe... kalu kite tanye ame pak satpam juge atawe ame kang ketik diseberang ane juge jawabannye same.. lame-lame kite ude jadi pendekar aje ye.. ude pade kebal ... (auk deh maksudnye kebal ame ape ?). Yah, begitule..

Tapi, sepagi eni ane nyoba nyenengin ati aje.. kebetulan ude semingguan ini ane jadi keingetan satu surat dari Qur'an Juj tige pulu yang judulnye :"al-Lail". Nah pade saat ane mulain baca dari ayat 4 ampe ayat akhir.. jadi merenung.. ape nyang terjadi selame eni ye.. coba aje ente peratiin :

"Sesungguhnye usaha-ente itu berbede2, adapun orang nyang ngasi hartenye di jalan Alloh dan die bertakwe dan ngebenerin terhadap kebaikan maka akan Kami permude diye kepade kemudahan. Dan adapun orang nyang pelit dan memandang dirinye kaye dan ngedustain terhadap kebajikan make segera Kami permude diye kepade kesukaran dan hartanye nggak bergune baginye apebile diye terjerumus"

Jadi gimane carenye biar Allah Subhanawata'ale jadi mempemudah kite ame kemudahan ? maka jadilah orang yang mau memberikan hartanye di jalan Allah, bertakwe, dan ngebenerin ape-ape yang baek. Nah, pegimane kite sekarang ame kite.. ape nyang jadi syarat eni udeh dijalanin ????

Kamus Bahasa Betawi

2006-09-18T13:37:00.000+07:00

Mungkin nggak semue orang bisa nyadarin kalu bahase nyang selame eni ude jadi bahase pergaulannye entah bisa kerne mangkin jarangnye orang nyang ngomong pake tu bahase atawe kerne diyenye kendiri nyang malu kalu ngegunain tu bahase.

Sebenernye Bahase Betawi itu sipatnye Universal atawe ude umum. Kesatunye gampang dipelajarin dan dingertiin. Kedua ampir banyak tutur bahasa dari Jakarte eni nyang mirip dengan bahase Indunesie, cuman nambahin huruf "e" doang dibelakangnye jadile tuh orang dibilang ngomong Betawi...

"MENEKETEHE" ini semacam istilah nyang dicobain ame hampir semua orang yang nyobain bikin pelesetan dengan make bahasa Betawi.. tetap aje rada janggal kedengerannye. Tapi, bolehlah bahasa Betawi ini dimasukin kedalem bahase nyang paling gampang nyerep omongan orang laen. Pade prinsipnye gampang dan baek dipakenye.

Noh liat, begitu banyaknye artis nyang asalnye dari mane tauk nyang coba nyari duit ame menuhin isi pendaringan pake bahasa Betawi dan bisa nunjukin pade semua penonton kalu diye ude pandei betul ngomong dialog Betawi ampe diye-diye pade bahkan bisa nyingkirin artis-artis betawi nyang aslinye. Padahal mungkin mereke semue nggak seberape pengetahuannye ame beberape bahasa Betawi. Nyang penting tinggal ngeganti akhir kate pake huruf "e" aje juga dirasain udah cocok banget. Nah, ampe-ampe ade artis nyang maen sinertro betawi mau bilang empat … eh jie kepleset jadi empet, padahal jelas-jelas ude bede antare kate empat.. ame empet.. kalu empet pan artinye sebel..

Nah, melaluin tulisan eni ane nyoba menggali beberapa bahase atawe istilah betawi nyang hampir2 udah kagak kedengeran baek di sinetron-sinetron bergaye Betawi atawe di tempat pergaulan laennye.. emang kagak seberape sik.. paling-paling buat nambahin iseng doang.. kalu ade tambahan juge insya-Alloh bakalan ane penuhin atawe ane tambahin de.. baek juge sih buat ente-ente nyang sekedar pengen tauk. Jadi ade hurup nyang emang sengaje ane kosongin soale ane lupe dan masing kepengen nyari lagi kata betawi laennye.

Wassalam,

Bapaknye si Tasha

KAMUS BAHASA BETAWI

A
Abong-abong, mentang-mentang
Ampeg, bau yang enggak enak dihidung seperti bau keringat orang.
Ancak, tempat sajian

B
Bacot, omongan
Bagen, biarin
Bancakan, rame-rame
Bego, dungu atau bodoh
Be, artinye berulang-ulang contoh : Bersin-bersin jadi bebangkis
Bebangkis, bersing-bersin
Beberekan, teriak-tereak
Beset, istilah untuk kata keset yaitu menarik kulit dari daging
Betoros, istilah untuk rangkaean nyang nggak teratur seperti buat buah yang banyak banget satu takeannye
Bingkle, Bete, Kedepe, pecahan genteng yang biasa dipake buat maen kasti
Boreh, melapisin biasanya dengan ramuan atau obat dari dedaunan
Bontot, terakhir
Budeg, pekak

C
Cablak, banyak ngomong
Cabo, perempuan malam (PSK)
Celam-celam, kalu ngeliat makanan sampai ngiler
Celeng, babi atau kepalanye ame badannye ampe muter-muter
Cemplung, cebur masuk kesuatu wadah
Cetom, artinye rakus
Cidekan, inceran
Congor, mulut

D
Demplon, montok
Dokok, rakus
Dongo, dungu
Dipan, tempat tidur

E
Embok, kakak ipar perempuan
Empan, umpan atawe semacem makanan buat binatang peliharaan
Engkong, kakek

G
Gegares, artinye makan mulu
Gepeng, pipih
Geroin, artinya dipanggil dengan teriak karena ingin mengetahui keberadaan seseorang yang sedang dicari tersebut.
Goban, lima puluh rebu (cina)
Gocap, lima puluh (cina)
Goceng, lima rebu (cina)
Gopek, lima ratus (cina)
Gotun, lima perak (cina)
Gregetan, sewot, emosi

H
I
Ilokan,
In, akhiran kan atau i, contoh meramaikan jadi ngerame-in, mengelabuhi jadi ngelabuin

J
Jabrah, badannye gede
Je, Jenye, Dienye, dia
Jidir, panci

K
Kang, Tukang, orang yang berjualan atau yang lagi bekerja atau profesinye jadi pekerja
Ke hamuk, banyaknye orang nyang berkerumun saking banyaknye
Kelam, adalah pinggiran jendela yang biasanye dipake buat naruh sesuatu
Kemplang, memukul kepala dengan menggunakan alat pukul dari arah samping
Kitiran, puteran semacem kincir dibuat dari bambu
Kotan-kotan (bahasa daerah Kebon Jeruk) yang istilahnye sama dengan "kadang-kadang"

L
Lantaran, sebabnye
Lekar, alat semajam jengkok tapi digunain buat ngaji
Lek-lekan, letaknye dipangkal leher diatas jakun.
Leker, enak banget (biasenye buat makanan)

M
Mangkenye, makenya, artinye beralasan dengan nesehatin orang
Manyun, cemberut
Mindo, artinye makan setelah makan wajib (biasanye orang nyang makan lagi beberapa saat sehabis diye makan siang).
Medel, gepeng, pipih
Meleding, telanjang dada (buat laki-laki)
Menggat, buron

N
Nyabak, nginjek atawe menjelajahin
Ngambreng, baunye nyebar kemane-mane
Ngamprah, tersebar ke mane-mane
Nge- , artinye me .. (contohnye melamar jadi ngelamar)
Ngegang, jalan seseorang dengan kaki nyang mengkang
Ngerambat, memetik ujung daun nyang biasanye buat ngelalap
Ngompreng, sambilan atawe nyambi buat ngedapeting penghasilan tambahan
Nutur, munguting
Nyai, Nenek

O
Ongkang-Ongkang Kaki, Bermales-malesan

P
Pacekan (bahasa daerah Kebon Jeruk), istilah ini bisa dipake kalu kita nganggap sesuatu itu bakal jadi bibit buat dikembangbiakin jadi banyak. Misalnye ayam jago atawe kambing bandot nyang bagus biasa dijadiin bibit unggul buat nurunin anak-anaknye atau ade jenis bibit pohonan nyang entah buahnye bagus, kembangnye bagus yang pada akhirnya mau dijadiin bibit unggul. maka tuh ayam atawe kambing atawe pohon disebut sebagai Pacekan.
Pangkeng, tempat tidur atau bise juge artinye kamar tidur
Pating, buat atawe untuk
Permili, keluarge atawe hubungan keluarge
Pisan, sedikit pun
Popol, menutup permukaan tubuh atau puser dengan dedaunan
Prengus, semacam bau rambut terbakar

R
Ringksek, rusak
Reken, hitung
Restan, sisa

S
Saking, sedemikian lamenye
Samsi, sodet
Seceng, seribu (cina)
Semetet, artinye sedikit
Semok, montok
Sewaya-waya, artinye sekonyong-konyong atawe saat ini juga
Sewot, emosi
Sobek, sobrek, istilah menunjukkan kegiatan melakukan perobekan atau menunjukkan keadaan barang yang rusak akibat terkoyak.
Sombok, spiker /toa
Songko, artinye gande bise di angkat hingga tangan si pengakat diatas kepala sambil bediri, bisa juga artinye pici buat orang sembahyang.
Sundung, semacam alat yang digunakan buat nyari empan kambing (seperti rumput duri badak atawe empanan laennye.

T
Tatak, alas
Teblak, tamparan di belakang punggung dengan telapak tangan
Tengari bolong, artinye pas matahari lagi sedeng panas panasnye
Teple-on, kesandung sampai kesleo
Tepleot, same dengan teple-on
Timpe, memukul dengan tangan
Tisi, sendok
Toyor, mendorong jidat seseorang dengan telapak tangan
Tunceng, digendong dengan care dijunjung atau ditaruh di atas pundak
Turu-turu (seturu), sekelompok atawe kelompok

U
W
Y

Palsafah Hidup Ibarat Roda Kehidupan Nyang Berputer

2006-09-18T11:34:00.000+07:00

Sekedar Obrolan Ngalor Ngidul

Pagi tadi sewaktu ane dateng ke kantor suasane masing sepi. Baru atu dua orang nyang keliatan udeh ade .. padahal ane kendiri aje masing ketelatan 10 menit datengnye. Nyang lebi sedih lagi.. mane lampu depan masing dimatiin.. keliatan banget mangkin sengsarenye nih kantor. ape iye ??? ade nyang lagi asik-asik rebahan di bangku jage.. ade nyang lagi asik buka-buka komputernye, ade juge sik beberape temen nyang lagi keliatan ngobrolin buat ngadepin bulan Puase nyang tinggal satu mingguan lagi.. duh nasip.. nyang kemaren aje penghasilan masing belon kompak datengnye.. pegimane buat nyang besoknye ye..

Kalu ude gini, ane jadi inget si Bapak ane.. selalu diye ngomong ke ane .. kehidupan entu ibaratnye roda nyang beputer ..kadang waktunye diye ade di atas kadang diye ade dibawe.. kali aje sekarang giliran kite nyang di bawe .. moge-moge besok giliran kite nyang di atas. bujug...

Kalu ude begini 'moto' nye orang Betawi mulain keluar deh tu Bapak.. tapi, emang kalu buat ngeringanan beban pikiran sih.. ye kagak salenye.. asal jangan ampe keterusan aje pas kite lagi di bawe.. eh tuh roda mandeg. soalnye orang nyang ude di atas lagi kagak mau turun-turun.. kalu gitu pan jadi berape.. pendaringan kosong, kantong cekak, alamat dapur kagak bakalan ngebul nih urusannye.. kalu ude kayak gini siape nyang kudu bertanggung jawab cobe ?

Wassalam,

Bapaknye si Tasha

Kekompakan Anak me Nyak atawe Babenye

2006-09-18T10:41:00.000+07:00

Tadi pagi ane dapet imel dari Eko.. diye ude buka blog ane .. dan ngasi tanggepan nyang lumayan le.. ape lagi pak tauk kalu di dalemnye ade gambar diye nyang lagi ngucapin merdeka abis keluar dari KIANI KERTAS hehehe..

En, ngasih gambar ke ane.. nyang isinye jadi bikin ide ane buat nulis ame nampilin beberape gambar nyang nunjukkin begitu kompaknye antare ane me emaknye, atawe ame bapaknye .. bisa juga ame due2nye..

Beberape gambar ini ane dapet dari rekan2..

Pertame2 diwakilin ame Eko nyang dari baju nyang dipakenye aje ude nunjukkin kompaknye tuh anak (Anis ame Iffa) ame bapaknye nyang mirip ame SURYA SAPUTRA ini..

Kalu si Tasha sih.. orang bilang tampange kompak ame Bapaknye.. dari mulai warna kulit.. mata.. idung.. ampe imut-imutnye juga.. hehehhee..

Si Raja.. panggilane..

Si montok.. sebutanne..

Si Deny .. emaknye..

Dedy le nyang jadi Bapaknye..

tapi.. kalu ditanya kompak..

kayaknye si Raja mungkin lebih kompak

ame ikan COY.. nye nyang di depan kolem..

soalnye kalu kate emaknye diye bisa tahan lame-lame ngeliatin ikan ketimbang dipelototin ame emaknye..

Ini Mas Adrianus sama Angel.. (bacanye Enjel yeee.. jangan ampe salah..) buah hasilnye ame Mbak Galuh..

Keliatan nggak kalu si ENJEL ini lebih kompak ame Bapaknye ketimbang Ibunye ???

Kalu ini, si Hayyah same babenye.. Hariyono.. lagi ngajarin maen ayunan....

Ini Anisa sama Nyonya Sugeng Surya Edi..

Ane nggak tauk percis dimane diambilnye ni gambar. Nyang ane tauk emang kerne Babenye nyang suka jepret sono jepret sini jadi kagak ade deh diye di daleme..

Meski sekarang lagi tunggu anaknye nyang kedua nyang bentar lagi mo nongol sepertinye si Nisa ini tetep kompak ma Bapaknye..

Biar cuman anak ame maknye nyang kompak pake kacamata.. tapi.. si Zidan ini tetep deket dong ame Bapaknye Bang Jakariya..

Keluarga Ichwan, biarin lelaki semue tetep bisa kompak..

Banyak Anak Banyak Rejeki

2006-09-15T14:46:00.000+07:00

"Banyak anak banyak rejeki"

Seperti itule biasenye orang Betawi setiap ngeliat ade satu keluarge nyang anaknye lebih dari due atawe tige orang. Pendapat nyang kayak gini sepertinye udeh mendarah daging di masyarakat. Sering bahkan disetiap ceramah2 guru-guru ngaji sukan nerangin kalu tiap-tiap anak akan bawa rejekinye kendiri. Tapi, kalu kita bandingin ame care idup sekarang dimane persaingan buat nyari rejeki dirase ude sulit banget. Nah kalu dulu waktu Babenye si Mamat punya anak sembilan juga tanenye lebar. Jadi, seumpame tu tanah dijadiin garapan buat pu'un buah-buahan atawe sayur-sayuran juga kalu anaknye banyak jadi banyak nyang ngebantuin. Lantas pegimane carenye nyekolain tu anak ? trus tambahan lagi ame kebiasaan Babenye seperti orang Betawi laennye nyang kalu ade keperluan dikit aje langsung ngegaris tane.. matenye ude kenal banget ame duit dan nggak tahan ame rayuannye engkoh-engkoh buat ngelepas tanenye nyang pas di depan jalan gede. Pastinye lame-lame tanenye tinggal 'semetet' (sedikit) doang...

Tapi, lame-lame pendapat begini juga ude mulai orang pade mikir-mikir. Lebih-lebih lagi udah banyak ustad atawe guru nyang nerangin ternyate di jama Nabi juga ade carenye orang ngejarangin anak.. diantarenye misalnye emak-emak disuruh nete-in anaknye secepet-cepetnye due taon lamenye. Insya-alloh bisa ngejarangin anak. Tapi, ade juge nyang kadang-kadang kebablasan juge. Ade juge beberape temen ane nyang lumayan alim, ngasih tauk ane.

"pake cara jaman nabi aje".. katenye stil yakin. Lama tuh ane bongkar2 lagi buku hadis ane nyang menyangkut masalah ngatur anak dan care nyang dibolehin. akhirnye ketemu.. name islamnye "AZZL". Disitu dibilangin carenye yaitu pake care dipise.. artinye saat tu bibit lelaki mau keluar buru-buru dilemparin keluar biar tumpe ke mane-mane jadi kagak tumpe ke tempat emaknye si entong. Wal hasil, kalu emang Allah ijinin bisa jadi tuh anak nggak nongol.. tapi nggak jarang juge nyang malah tetep nambah aje anaknye..

Pikir-pikir ternyate pembatasan anak dalam rume tangge emang ade perlunye juge ye.. tapi, semuenye pastinye terserah ame nyang punye diri kendiri. Kalu emang ude siap buat ngadepin resikonye ye nggak pape.. tapi kalu repot takut nggak bisa ngempanin anak bini .. yee sekedarnye aje.. nggak pape kok pake KELUARGE BERENCANE.. asal nyang dibolehin dalam igame kite .. ye nggak ???

Munggah Puasa

2006-09-15T10:56:00.000+07:00

Beberape ari lagi mau menjelang bulan Puase. Biasenye orang Betawi udeh pade sibuk buat ni bulan. Ade aje acaranye.. nyang rowahan le, nyang munggah puase le, pokoknye pating bulan Puase eni jadi pade sibuk kagak ketulungan. Nyang lagi besukaan kudu musti bawain calon mertuenye sirup ame ruti, sedang nyang ude kawin kudu wajib nyambangin mertuenye pake bawa gula kupi ame makanan kalengnye. Lebih-lebih buat orang nyang baru aje jadi penganten baru. Pengalaman kayak beginian dulu bikin ane kaget pas pertame kali ane jadi menantu.. bujug .. mane banyak banget lagi sodare nyang tuaan nyang kudu kite anterin makanan macem beginian.

Buat orang nyang duitnye kagak keitung sik emang kagak jadi masale. Lantas, pegimane ame nyang lagi kagak gablek duit. bisa-bisa emaknye si entong tampange cembetut ditekuk abis macem dompet tanggung bulan. Apelagi buat orang nyang punya keluarga besar baek dari pihak perempuan maupun lagi.. bisa jadi tuh laki jadi uring-uringan.. kagak dijalanin kagak enak.. dijalanin duit nyekak.. matirabit dah ..

Sebenernye beberape taon nyang lalu, waktu ane masing kecil inget banget deh kalu kite mau saur nti malem nah ari tengari orang pade sibuk nyari merang yaitu semacem bekas kembang padi nyang abis dibuangin gabahnye.. buat keramasan. kerne anggapan orang dulu kalu kite mau ngadepin bulan puase badan kite kudu bersi dari mulain kepale ampe ujung kaki. Mangkenye saat itu nyang beli merang buat dibakar dan aernye dipake buat keramas jadi pade bejibun. Tapi, sekarang sepertinye kegiatan beginian ude kagak ade lagi. Nah nyang tinggal cuman acara rowahan ame munggahan aje.

Buat nyang baru denger nama Ruwahan itu, bisale ane sedikit gambarin. biasanye ruwahan itu pake ngadain selametan atawe bahase betawi bilang sedekahan nyang dilaksanain di bulan Sya'ban atawe bulan Ruwah. Nah, kalu munggah itu acare saling ngunjungin nyang mude ke nyang tuean.. biasenya antare anak ke orang tue, mantu ke mertue, calon mantu laki-laki ke calon mertue, dan si keponakan ke encingnye atawe antara adek ame empoknye sambil ngomong2 dah mau puase minta dimaafin kesalahannye.. kenape kudu nyang mudaan ? anggapannye sih.. tande penghormatan antare nyang mude ame nyang tuwe. Nti, kalu lebaran baru deh bisa saling gantian. Makanan nyang dibawa juga udah standar.. kalu nyang baru calon mantu itu bawa ruti ame sirup buat bulan puase, nah kalu anak atawe mantu atawe keponakan biasenya gula kupi ame biskuit deh. Jadi, bukan masale bawaannye nyang penting penghormatannye..

Mangkenye, kudu siap-siapin deh duit nyang banyakan buat ngeborong biskuit, ruti, sirup ame gule kupi.. tapi, kalu kagak gablek duitnye.. yee tinggal nyo-ong aje .. kasian de looo kayak ane hehehehe..

Ziarah dan Tempat-Tempat Ziarah

2006-09-15T09:53:00.000+07:00

Kebiasaan masyarakat Betawi dengan ziarah ke makam-makam orang yang dianggap membawa karomah seperti makam para wali, dan para kyai-kyai besar entah yang ada di sekitar Jakarta maupun yang ada di Pulau Jawa, bahkan jika perlu hingga melintasi pulau sekalipun merupakan sesuatu hal yang sudah lumrah.

Bahkan tidak jarang, di setiap kelompok pengajian ibu-ibu maupun bapak-bapak yang sudah menyisihkan uang mingguannya yang dikumpulkan untuk tujuan ziarah tersebut yang biasanya “ditebok” setiap bulan Sya’ban atau bulan bulan Maulid.

Biasanya acara ini dipimpin oleh para ustadz atau ustadzah yang memimpin pengajian tersebut. Acaranya pun bisa hanya untuk satu harian misalnya untuk tempat yang masih berada di sekitar kota Jakarta atau bahkan bisa sampai memerlukan berhari-hari hingga perlu adanya tempat menginap.

Saya mencoba menelusuri jejak tempat-tempat ziarah yang berada baik di Jakarta maupun di luar Jakarta yang biasa dikunjungi oleh masyarakat Betawi ini. Sebagian merupakan pengalaman yang pernah saya alami sebagian lagi merupakan pengamatan saya dan hasil Tanya jawab saya kepada beberapa guru dan ulama yang biasa melakukan acara rutin tahunan ini.

Beberapa tempat ziarah yang ada di Jakarta bisa dikategorikan sebagai tempat baru, karena memang orang yang diziarahinya tergolong belum lama meninggalnya, bisa juga sudah tergolong tua karena memang dia telah lama meninggal. Untuk itu saya mencoba membaginya ke dalam dua kategori lama dan baru serta menurut wilayahnya.

Tempat ziarah yang biasa dikunjungi yang tergolong makam tua, antara lain ;

01) Makam Habib Husein Al-Idrus di Luar Batang - Jakarta,
02) Makam Habib Ali Al-Habsyi di Kwitang – Jakarta,
03) Makam Habib Habib Kuncung di Kalibata – Jakarta,
04) Makam Habib Abdullah Abdurrahman Al-Qudsi di Kampung Bandan - Jakarta
05) Makam Pangeran Wijaya Kesuma di Tubagus Angke - Jakarta
06) Makam Pangeran Jayakarta di Senen – Jakarta,
07) Makam Habib Agil di Pedurenan – Jakarta,
08) Makam Sunan Gunung Jati di Cirebon – Jawa Barat,
09) Makam Sunan Kalijaga di Kadilangu – Jawa Barat,
10) Mesjid Demak di Demak, tempat pertemuan walisongo
11) Makam Sultan Hasanuddin di Banten – Jawa Barat,
12) Makam Sunan Kudus di Jawa Tengah,
13) Makam Sunan Muria di Gunung Muria,
14) Makam Sunan Bonang,
15) Makam Sunan Giri
16) Makam Sunan Drajat,
17) Makam Sunan Gersik di Jawa Timur,
18) Makam Kyai Kholil di Sumenep – Madura,
19) Makam Syekh Yusuf di Karang Asem – Bali,
20) Makam Syekh Maulana Malik Ibrahim di Jawa Timur,
21) Makam Syekh Abdul Muhyi di Pamijahan – Jawa Barat,
22) Makam Syekh Mansyur di Cikaduen – Jawa Barat,
23) Tempat Pemandian Batu Qur’an – Jawa Barat,

Tempat ziarah yang biasa dikunjungi yang tergolong makam baru, antara lain ;

01) Makam Habib Umar Al-Atos di Cijantung
02) Makam Habib Salim bin Ahmad bin Jindan di Cijantung
03) Makam Habib Usman bin Yahya,
04) Makam Habib Abdullah bin Umar di Tanjakan Empang Bogor – Jawa Barat,
05) Makam Habib Soleh bin Muksin (Soleh Tanggul) – Jawa Timur,

Mungkin masih banyak tempat ziarah yang saya lupa untuk menginventarisasikannya, namun setidak-tidaknya hal inilah yang bisa mewakili tempat-tempat orang berziarah bagi masyarakat Betawi umumnya.

Wassalam,

"Orang Sabar Ade Batesnye" - Sekedar Renungan Ati

2006-09-15T08:55:00.000+07:00

"Orang sabar ade batesnye"

Barusan setadian ane naek lip (lift) di gedung Bidakara ke lantai 9 tempat biase ane nguli. Ane ketemu temen dan ngomong masalah kantor nyang emang lagi banyak masalah. Akhirnye terlontarle pegimane rase keselnye, dan segale uneg-unegnye nyang selame ini diye rasain dalam ngadepin masalah kerjaan. Hingga akhirnye diye bilang.. "orang disuruh sabar mulu.. sabar juga ade batesnye"

Ungkapan seperti eni sepertinye sering banget kite denger di setiap ada orang nyang lagi mare2 trus di suru sabar. Enggak siang enggak malem nggak lelaki enggak perempuan pasti bakalan ngomong gitu kalu kite lagi kesel ame seseorang dan makin ari makin menjadi jadi ampe abis deh sabar kite buat ngadepin tuh orang.

Sebenernye kalu kita mo bener-bener kaji lebih dalem lagi, ape bener dalam igame kite (Islam pastinye), maupun ame igame laennye bentuk kate sabar itu emang ade batesnye ? sampe pegimane sih batesnye sabar ?

Sabar entu kalu menurut ane ade beberape, bisa sabar ame ujian, bisa juga sabar dalam nanganin setiap masalah, sabar ngadepin sikap anak nyang bandelnye aujubile.. pokoknye banyak deh sabar-sabar nyang laennye.. nyang penting satu sikap yang "nerime" atawe kate orang jawa "nrimo" dengan segala upaye nyang perne kite lakuin dengan hasilnye terserah kehendak "Nyang Kuase".

Ade dalem Qur'an nyang sering ane temuin suatu firman :"Sesungguhnye Allah itu bersame orang-orang nyang sabar". artinye, enggak ade pembates ampe kapan sabarnye, ampe dimane sabarnye. Jadi, sikap sabar itu mutlakoh.. emang sepertinye enggak ade batesannye..

Masalahnye sekarang, emang kite mau terus-terusan kayak gini ? tentunye ade usaha dong.. nyang kudu dijalanin semaksimal mungkin, dan nyang pasti tetep terus berdoa ame Nyang di Atas untuk dihindarin atau seenggak-enggaknye dikuatin dalam menghadapi setiap masalah. Selain tambahan lagi, kite kudu ngacak diri (kalu bahasa melayu tinggi bilang mah introspeksi) ape perbuatan kite selama eni ude bener, bisa jadi aje eni merupakan hasil perbuatan salah kite nyang Allah bales di Dunia. Kerne menurut ane.. segale masalah nyang terjadi ame kite ade due bentuknye.. pertame sebagai hasil perbuatan dose2 kite di masa lalu, kedue emang ujian yang datangnye dari Allah atas ketaatan kite, ibadah kite, dan ketakwaan kite ame Nyang nyiptain kite.. artinye mungkin Allah emang lagi pengen becande ame kite atawe pengen tauk, kalu kite dikasi susah masing pade mau ibadah kagak ??? jangan2 begitu dikasi susah dikit langsung deh mare2 ame Allah .. bilang deh..ngedumel deh..

"ahhh.. kemaren2 gue kagak sembahyang rejeki lancar.. eh pas gue mulain bener malah jadi suseh.."

Nah, kalu ude gitu.. pegimane ??

Orang Betawi Kagak Ade nyang Jadi Pengangguran

2006-09-14T17:02:00.000+07:00

Kale ente sempet punya pendapat kalu orang Betawi itu banyak nyang demen nganggur sepertinye pendapat ente salah BESAR, kerne kalu ente dateng aje ke perkampungan Betawi ente pasti akhirnye akan tauk kalu sebenernye setiap orang Betawi itu baek nyang kecil, nyang gede, nyang tuwe atawe nyang mude, lelaki atawe perempuan, semuanye pade kerje.. cuman ade nyang pake dibayar dan ade juga nyang kagak pake dibayar. Ade nyang bekerjenye pake begerak ade juge nyang kagak begerak bahkan cuman tidur doang.

Perne suwaktu ane lewat di daerah Pekayon. Kebetulan ane mampir di rumah Abang ane nyang betetangga ame orang asli Meruya Ilir. pas ane lewat ane sempet ngedenger suara ibu-ibu nyang lagi ngomeli lakinya.. nyang lagi tidur..

"Bang, buruan napa bangun, perasaan aye sedari tadian abang KERJA-nye tiduuuurrr mulu. Eni tiap ari KERJA-nye kalu kagak melukin bantal diye ngempanin ayam, emange bisa tu duit dateng lewat ngimpi ?"

Bagi nyang ngedenger pan bisa heran.. lha enak.. orang tidur diye bilang kerja, trus cuman ngasi makan ayam juga dibilang kerja...

Pas ane masuk ke rumah mpok ane, kebetulan ade keponakan ane nyang baru banget beranak. pas ane lagi nanyain gimane kabarnye si kecil.. eh keponakan ane bilang.. "Iye nih, sedari tadi KERJA-nye kalu kagak netek diye nangis ame berak.. maklum le namenye juge anak kecil Cing..". Nah, bukankah bearti emang dari orok orang Betawi emang ude pade kerje ??? jadi kagak ade nyang jadi pengangguran dong...

Ente Jual Ane Beli

2006-09-14T15:43:00.000+07:00

Beberapa hari nyang lalu ane sempet ditantangi buat nyajiin jenis masakan atawe makanan Betawi.. katenye.. “Kalu emang elu orang Betawi, tunjukin dong jenis masakan atawe makanan nyang elu tauk..gue tunggu”.

Tantangan macem kayak gini tentunye jadi bikin semangat ane. Akhirnye dengan sedikit pengetahuan nyang ade, ane nyoba nyelem ke internet nyari jenis masakan dan makanan ape nyang emang jadi cirri khas orang Betawi, tentunye dengan ditambahin informasi nyang ane tauk dan alamin selama sejak ane kecil ampe sekarang. Alhamdulillah ade hasilnye juga.. buat ngasih inpormasi ame sodare Eriko akhirnya ane bisa bagi sebage berikut :

Jenis Masakan

- Nasi Kebuli
- Nasi Begane
- Nasi Kuning
- Nasi Uduk
- Nasi Ulam

Jenis Sesayuran

- Asinan
- Sayur Asem
- Sambel Godok Ketupat
- Toge Goreng
- Gado-Gado
- Keredok
- Ketoprak
- Sayur Laksa
- Soto Mi

Jenis Berkuah

- Semur Jengkol
- Semur Daging
- Pindang Bandeng
- Soto Betawi
- Sate Kambing
- Sayur Pucung
- Ketupat Banci

Jenis Makanan

- Kerak Telor
- Rengginang
- Kue Apem
- Kue Bugis
- Kue Lupis
- Kue Pisang
- Kue Unti
- Kue Serabi
- Kue Rangi
- Kue Pancong
- Wajik
- Tape Uli
- Kue Abuk
- Ongol-Ongol
- Kue Talam
- Kue Pepek
- Kue Mangkok
- Kue Gambang
- Kue Putu Mayang
- Geplak
- Kue Cincin
- Kembang Goyang
- Kue Dongkal
- Iwel
- Dodol
- Kue Lukang

Minuman :

Bir Pletok, Bandrek, Bajigur.

Beberape dari nama-nama nyang ane sebutin di atas sepertinye ade nyang masing bisa kite dapetin bahkan mungkin masing ngamprah karena emang selain gampang pembuatannye dan rasenye juga masing bisa bersaing ame jenis-jenis makanan nyang dateng dari daerah laennye.

Tapi, ade juga emang nyang udah langke bahkan mungkin udah suse buat kite cari kecuali di daerah-daerah perkampungan nyang masing di huni ame masyarakat Betawi seperti di daerah Condet, Pasar Minggu, Lenteng Agung, Meruya, Srengseng, Kampung Baru, dll. Ditempat ane aje masing bisa tuh kite dapeting Kue Abuk, Lukang, unti, dll.

Tapi, ade juga ternyata kue nyang dipesen khusus buat acara tertentu seperti pas acara kawinan atawe ade orang Betawi nyang dateng buat acara seserahan ke pihak perempuan.. yaitu Roti Buaya yaitu sejenis roti yang berbentuk buaya dan selalu dipesen dalam sepasang lelaki dan perempuan nyang diatasnye selalu ditaruh anaknye.

Tadinye ane rada bingung kenape bisa roti buaya jadi acara wajib dalam setiap penyerahan. Ternyate buaya dilambangin jadi pasangan nyang setia buat orang Betawi. Karena buaya adale salah satu binatang nyang kagak mau nyari pasanggannye kalu salah satunye ude mati. Tapi, rase-rasenye kok kebalikannye ame orang Betawi yeee… nyang kagak bisa ngeliat jidat licin dikit langsung deh lupe amen yang di rume hehehe..

Rase-rasenye ape nyang ane bikin ini mungkin udeh bisa ngejawab ape nyang sodare ERIKO pinta. Kalu perlu resepnye ane juga ada.

Wassalam,

Betawi Keturunan Arab

Bahasa Betawi itu Singkat, Simple, Padet.. dan mudah dimengerti

2006-09-14T09:11:00.000+07:00

Tauk yang artinye ye kagak tauk

Mungkin kalu enti ente sempet dateng bertamu ame orang Betawi atawe nyari orang atawe temen ente disane janga heran. Seperti pengalaman temen ane nyang nyari rumah ane. Emang sih ane cuman kasi tauk alamat rume pas di Jalan E Kelapa Dua. Karena baru pertama kali temen ane nyang namenye si Baban Robana dateng dari Bandung mo nyari alamat rume.. ceritenye diye ude sampe di jalan E.. trus diye nanya ame anak-anak kecil nyang lagi pade maen gundu.

"Dek.. kenal rumahnya Pak Zainal nggak ?"

Pertame-tame sik tuh anak saling pandang ame temennye.. sambil bebisik kedengeran.. Pen elu tau nggak rume nyang disebutin ame Bapak entu.. kontan aje tuh si Pepen menggeleng sambil bilang taaaauuukk. Satu-satu mereka nyang lagi pade ngumpul menjawab dengan serempak. Al hasil sianak nyang jadi komando buat ngejawab ape nyang ditanyain ame si Baban ini. Jawabannye serempak..

"Taaaaauuuuukkkkk", sambil siap-siap maen gundunye lagi nyang ketunda akibat pertanyaan tadi.

Kalau tahu bisa tunjukin nggak rumahnya yang mana Dek..

"Taaauuuuukkkk" kata tuh anak lagi dengan wajah kesel.

Rupanya bahasa Betawi ini satu kata bisa jadi berlawanan arti cuman karena penyebutannya ini. Nyang atu tauk dengan ucapan pendek nyang artinya 'mengerti atau mengetahui' sedang yang atu lagi tauk dengan ucapan yang panjang artinya malah sebaliknye diye kagak tauk.

Singkat dan Padet

Orang Betawi paling demen ame nyingkat setiap ucapan dengan semaunye aje. Kalu ente diyem sebentar aje di daerah Meruya Ilir (kalu sekarang jadi Meruya Selatan), dan tengok di perkampungan pekayon. ade sederetan ibu-ibu bekerudung nyang baru pade berangkat mo pegi ke pengajian kuping (buat istilah pengajian nyang ngedederin ustadzah ceramah). Namun tiba-tiba ade seorang nenek2 nyang kerne jalannye rada lama tereak ... "Dulu... dulu..." (maksudnye tunggu dulu) kerne takut ketinggalan ame ibu-ibu nyang ude pade jalan duluan. Kadang enggak jarang mereka seenaknye mbaca tulisan bahasa asing dengan lafalnye kendiri.

Ade beberape kate nyang bisa dijadiin kesimpulan tulisan ini, misalnye :

Seratus lima puluh : diye bilang ses me pulu

Seribu : diye bilang srebu

Burung garuda : diye bilang burung gruda

Blue (pembiru pakean) : diye bilang bela-o

Sun Light (merk cuci piring) : diye bilang Sunglek

Lifebuoy (merk sabun mandi): diye bilang Lekboy

Si Anu

Pernah suatu ari ane lewat di depan rumah tetangge ane nyang emang asli banget betawinye.. umurnye ude bangkotan deh.. nggak semua orang tauk berape umurnye. abis kalu ditanye kapan diye diberanakin diye paling-paling bilang oh waktu jaman Belanda pas banget ade pengungsian abis diuber-uber Belanda. Nah lu..

Ape lagi kalu ditanye kapan anak-anaknye pade dilahirin.. dengan gampang diye nunjukin ke pohon-pohon disampingnye, "Kalu si Mamat lahirnye bareng ame pohonan kelape ini ditanem, nah kalu si Mugeni ini bareng ame puhun duren nyang baru kemaren di tebang. nah si Malih pas banget ame ni rume dibangun.. nah .. siape nyang bisa nebak umur tuh anak-anaknye ?

Si emak ini sepertinye bisa ngewakilin omongan orang Betawi disekitar ane.. abis kalu ngomong percis banget ame nyang laennye paling demen ngomong anu.. pas diye lupa ame nyang diomongin.

si Anu ... buat seseorang nyang diye lupa siape namenye,

anuan ... buat sesuatu nyang dilupa nama barangnye,

di anuin.. buat sesuatu nyang diye nggak bisa ngejawab ape nyang dikerjain

Jadi, bisa aje suatu waktu diye bakal ngomong "Mang anuan-nye ude di anuin ame si Anu ?" karena diye lupa nama barang nyang bakal dikerjain dan siape nyang ngerjainnye.

Anggapan-Anggapan Tabu Betawi..

2006-09-13T13:07:00.000+07:00

Mungkin buat ente-ente nyang pernah tinggal betetangga ame orang Betawi atawe perne tinggal di sekitarnye pernah ngedenger tetanggenye nyang orang Betawi tereak kepade anaknye nyang perawan nyang lagi nyapuin pelataran rumahnye..

"E.. Jamilee.. kalu nyapu nyang bersi.. nti punye laki jembrosan looo"

Coba deh ente pikirin, ape hubungannye orang nyapu kagak bersi ame dapet laki (dapet suami) yang jembrosan alias berewokan. Pastinye kagak ade nyambungnye pan ? peribahasa kate Jaka Sembung maeniin pancing, kagak nyambung cinggg..

Tapi, kalu ente peratiin lebih dalem lagi, ungkapan atawe anggapan-anggapan nyang kayak beginian ampir-ampir selalu aje ade dan diomongin baek ame emak atawe ame bapaknye kepada anak-anaknya yang masing kecil dan dianggap belon ngerti. Padahal diye kendiri nantinye juga tauk kalau ungkapan nyang kayak beginian kagak ade benernye.. ade beberape ungkapan nyang bisa ane kasi contoh.

Ade seorang perempuan nyang ngomelin anaknye nyang lagi makan sambil duduk-duduk atawe bediri di depan pintu. Sambil melotot di emak akan ngomelin anaknye si Zaenuddin .. "Eh Ndin, jangan makan di depan pintu. Nanti dilamar urung" (maksudnya kalau nanti mau ngelamar perempuan bakalan batal).

"Jangan makan Semangka pake gula, nti bisa mati". Pendapat kayak gini sering masi kite denger di perkampungan masyarakat Betawi. Padahal nggak satupun nyang kebukti ada orang nyang mati sehabin makan semangka pake gula. Padahal .. di jaman sekarang.. buah semangka malah sering jadi salah satu buah nyang dipake oleh tukang rujak yang udah pasti tentu pake gula jawa.

"Jangan mandi tengari nti bisa kesambet", maksudnye kesambet disini adalah semacem penyakit panas tiba-tiba yang dahulu sering terjadi pada masyarakat Betawi.

"Jangan potong kuku male-malem nti emaknye bisa mati", ungkapan macem ini juga masi sering dapet kite denger waktu dulu. Sehingga sepertinye kite takut banget ngegunting kuku pada waktu malem hari.

"Jangan dudukin bantal, nti bisa bisulan", padahal jelas-jelas nggak ada hubungannya antara dudukin bantal ame orang bisulan. Dan dokter mana nyang mencegah orang dudukin bantal supaya si pasiennya gak gampang bisulan. ya nggak ???

"Jangan keluar menjelang menggerib, bisa diumpetin kalong wewe". Nah kalu nyang ini ane terus terang kagak tauk ada hubungannye kagak antara keluar menggerib ame kalong wewe'. Ape karena emang jenis setan ini yang keluarnye pada waktu menjelang menggerib.

Meskipun hal tersebut nggak kebukti kebenarannye, tapi jangan heran kalu ungkapan tabu kayak gini masing bisa kite denger di orang-orang Betawi. Tapi, berselang dengan perkembangan anak-anaknya nyang semakin berpendidikan tentunya akan semakin hilang juga ungkapan tabu sepertinya. Entah sampai kapan masih bisa bertahan.

Wajah Betawi Tempo Doeloe ...

2006-09-13T12:40:00.000+07:00

Gambaran daerah Glodok tahun 1890an.

Kalu yang eni gambaran daerah Glodok. Masing keliatan tukang sado nyang lagi pade narikin penumpang.

Ini tempat huniannye orang-orang kelas I yaitu orang Belande. Di photo masing keliatan tempat pos penjagaan buat rume-rume orang Belande.

Pasar Tanah Abang taon 1955, keliatan masing jadi pasar kecil tempat kumpulannye orang Arab pade jualan kambing. di deket rumah putih keliatan jembatan Tanah Abang yang menyebrangin kali Penjernihan. Kendaraan nyang lewat paling-paling cuman trem doang, atawe sepeda jengki.

Kramat Raya (Senen) taon 1955. Kalu dulu masing keliatan sepi banget. Kendaraan nyang lewat kalu nggak sado, sepeda jengki atawe mobil morris. Kebanyakan di kawasan Kramat Raya ini dihuni ame orang kelas II yaitu bangsa Cina, sedangkan orang pribumi masuk kategori orang kelai III atawe nyang paling buncit.

Imutnya Wajah Anak Anak

2006-09-13T10:49:00.000+07:00

Emang kagak salah dah kalau wajah anak kecil itu imut .. dan lucu..

dengan gaya polosnye diye mampu menarik perhatian setiap orang yang memandangnye..

kalu ente termasuk nyang tertarik berarti masing punya perasaan,

tapi, kalu kagak tertarik.. auk dah ane kudu musti bilang ape..

Tasha (anak Ane)

Salma (Edwin Rikarno)

Nisa (Sugeng Surya Edi)

Hayya (Hariyono)

Raja (Heldinia Lindiyawati / Dedy Sadikin)

Rafa & Adlian (Meyndrasta S Hartantya)

Zidane (anaknya Jakariya)

ini Anis & Iffa (Ahdyat Eko Prasetyo)

Maenan Anak-Anak Betawi Jaman Dulu..

2006-09-13T09:45:00.000+07:00

Dulu banget sewaktu ane masing kecil dan tinggal di daerah Setiabudi (Karet Belakang), kebiasaan setiap Ibu2 kalu pas malem terang bulan sengaja deh pade keluar rumah buat ngumpul-ngumpul nenangge. Biasenye sih ade nyang sambil bawa kaleng kecil buat mites kutu soale ude jadi kebiasaan banget kalu mereka ngumpul aje beberape orang langsung deh pade bebaris kayak gerbong kerete buat pada saling nyariin kutu.. biasenye kutu nyang didapet langsung dikletusin pake gigi.. kalu lagi males ditaruh di atas kaleng.. trus dikletusin ame kuku .. jadi rada bebunyi .. trek !!.

Begitu juga ame anak-anaknye.. perasaan ane sih.. jaman dulu, meskipun ane jarang tauk belajar malem.. masalah sekolaan kayaknye cuek aje tuh.. nah, apelagi pas malem terang bulan kayak gini.. dijamin semua anak-anak pade ngumpul ditengah lapangan depan rumah Bapak ane nyang kebetulan luas banget ade lapangan bulutangkis, lapangan bola buat pade maen Pancing dan laen-laennye.

Permaenan anak-anak betawi waktu ane masing kecil dulu.. ade bermacem-macem tergantung ame waktunye, maenan waktu pagi, ame siang tengari laen, ame sore laen, ame malem juga laen. Kalu mau diitung-itungin kayaknya lumayan banyak juga sih.. begitu juga ame permaenan antare perempuan tentunye enggak same ame permaenan anak lelaki.. tapi ade juga sik masenye perempuan bisa ngegabung ame anak lelaki.

Dari waktu ane masing di Setiabudi ampe pas ane pindah ke daerah Kebon Jeruk ada beberapa permaenan yang cara-caranye sama, cuman name ame judulnye aje nyang laen.

Ade beberape permaenan nyang ane masing inget name maupun cara permaenannye. Disini ane cuman coba sebutin aje deh..antara laen :

Maen Pancing /Maen Benteng /Maen Bom

Eni permaenan bisa dimaeni baek ame anek perempua atawe lelaki. Tapi, biasanye sik digabung. Adapun waktu pelaksanaannye di siang hari dan ditempat nyang lumayan luas seperti lapangan atawe di kebon nyang lega.. kagak ade pohonannye.

Permaenan eni biasenye sipemaen dibagi jadi dua bagian yang masing-masing bagian bertugas ngejagain tempat bentengnye jangan ampe di sentuh ame lawan. kalu ampe kesentuh itu tandenye kemenangan buat silawan. Biasanye permaenan ini dimulain dengan ade nyang mancing duluan buat lawannye keluar nguber.. nah baru setelah itu si pemimpin nyuruh temennye nyang mancing buat nguber karena di mudaan kelurnye buat nangkep yang duluan keluar.

Maen Uler Naga

Kalu permaenan ini ade nyang jadi naga dan ade nyang jadi elang nyang tugasnye nangkepi anak-anak nyang berdiri di belakang naga sementara si kepala yang jadi naganye berusaha buat menghalangin si elang nangkep buntutnye si naga (anak nyang paling belakang). Anak nyang ketangkep langsung deh dianggap mati dan si elang seterusnye berusaha nangkep anak yang berikutnye ampe abis. Biasanye mereka maen sambil nyanyiin uler naga :

"uler naga panjangnya bersar sekali,

melayang-layang selalu kian kemari,

umpan yang lezat inilah yang dicari'

ini dianya yang terbelakang"

Maen Galasin

Permainan galasin biasanye dimaenin dilapangan bulutangkis. Tapi, bisa aje dibuat gambar kendiri yang hapir sama seperti lapangan ukurannye sih terserah asal diye bebentuk kotak nyang tengahnye dipotong tengah ame garis lurus buat si kepala lewat nerobos. Di permaenan eni para pemaen dibagi jadi dua kelompok bisa perempuan atawe lelaki (gabungan).

Maen Enggrang

Permaenan ini pake alat nyang dibikin pake bambu yang dikasi pancalan buat diinjek. ukuran tingginye injekan paling-paling sedengkul anak-anak dah.. nanti dengan pijakan bambu tersebut si anak bediri di kedua bambu yang dipake buat jalan. Kalu kagak ade bambu bisa juga dibuat dari kaleng yang tengahnye dibolongin ame paku terus dikasi tali buat ngejepit antara jempol ame telunjuk. Jadi kegunaan kaleng tersebut seperti sendal atawe bakiak.

Maen Taplak Bulan, Taplak Meja

Kalu nyang ini juga bisa dimaenin ame beberapa anak nyang jalannye pake nunggu giliran jadi pake acara gambreng dulu. taplak ini biasanye digambar di tanah.

Maen Takadal

Permaenan takadal make kayu dari bambu ame dua batu bata yang disejajarin.

Maen Dampu

Maen dampu biasanye pake gacoan dari batu kolar nyang tipis atawe pipih dan bisa didiriin. permainan eni terbagi jadi tiga babak. babak satu si pemain ngelontarin batu nyang dipasang ame yang jaga sampe salah satu dari batu yang dipasang itu kena. kalu enggak maka sipelontar kalah dan kelompoknya jaga. kalu kena maka diye kebabak kedua. Di babak eni sipemain pake kayuhan kaki kudu bisa ngejatuhin semua batu yang dipasang. Babak nyang ketiga si pemain kudu kenain batu nyang jaga dengan cara ngebelakangin.

Maenan di dalem Rumah

Ade beberapa maenan nyang biasanye dimaenin ame anak-anak yang rada kecilan nyang biasanya belon bisa lari kenceng. biasanye maenan ini cuman dilakonin sambil duduk doang, permainan tersebut seperti ; ci-cimelati, cublak cublak suweng, maen congklak, maen bola bekel.

Maen Merdeka & Maen Tombok (pake karet gelang)

Maen merdeka bisa gabungan antara lelaki ame perempuan. Dalam permaenan nyang eni sama juga dibagi jadi dua kelompok. kelompok nyang menang akan berusaha melompati karet yang dijadikan pengalang nyang dijaga ame dua orang. penghalang itu mulain dari sepipis, sepinggang, seketek, sekepala, setengah merdeka, dan semerdeka (artinye dengan tangan yang angkat keatas).

Sedangkan maen tombok biasanye pake karet tiap tiap pemaen. nanti kalu udah terkumpul dipasang sebuah lidi di tengah. pemain diundi siapa yang lebih dulu ngelempar karet buat masukin ke lidi yang dipancangin dengan jarak tertentu dari pemain. nah pemain yang bisa masukin berarti diya jadi pemilik karet yang masuk tersebut.

Maen Koba (pake duit atau kerop tutup limun)

Sama seperti maen tombok, cuman bahannye dibuat dari kerop atawe tutup botol limun (sekarang tutup minuman botol yang terbuat dari kaleng yang ditumbuk rata hingga menyerupai uang logaman), dan bisa juga paek duit logaman. sedangkan tempat yang jadi sasaran lemparan nya adalah tanah yang ditumbuk hingga jadi lobang.

Cerita Lucu - Mak Otong Ikuttt..

2006-09-12T14:54:00.000+07:00

Pertama-tama ane baca eni cerita dari temen ane Sofyan Alfhar nyang diye kirim lewat imel. Abis baca ceritanye bikin ane terpinkel-pingkel abis..mangkenye ampe sekarang ane jadi inget2an terus ame nih cerita..

Cerite berawal dari suatu sekolah SD kelas I. Waktu entu si Entong nyang kebetulan murid SD Negri - Cawang kedapetan ame gurunye sering ketiduran di kelas. Sebagai guru nyang baek tentunya Bu Ani nyoba-nyoba nanyain si Entong akar permasalahannye.

Ibu Guru : Entong, ibu perhatiin kenape Entong sering ketiduran di kelas, emange Entong kurang tidur ye tiap malem ??

Entong : Iye Bu, abisnye tiap malem Entong kagak bisa tidur. Entong diomelin mulu ame emak entong juga ame bapak entong..

Ibu Guru : Emange kenape bisa entong diomelin ame emak ame bapak ?

Entong : Soalnye tiap malem emak Entong suka matiin lampu kalu Entong belon kepengen tidur bu guru, jadinye Entong nangis deh.. terus emak ame bapak Entong marah-marah maksain nyuruh Entong tidur..tapi kan gelap jadi Entong takut..

Ibu Guru : Jadi entong masing tidur betiga ame emak ame bapak ?

Entong : Iye bu guru..

Lame si ibu guru mikirnye.. tapi, akhirnye diye tauk akar permasalahannye.. mungkin dengan diye tidur betiga jadi waktu emak ame babenye lagi ngebet kepengen nyampur.. jadi kepakse pake matiin lampu. Nah, karene si Entong juga kagak bisa tidur akibat gelap jadi emak ame bapaknye maksain nyuruh diye tidur supaya diye bedua bisa aman buat ngelanjutin acaranye. akhirnye bu guru dengan senyum-senyum nyoba nasehatin si Entong.

Ibu Guru : Entong, kalu Entong nggak mau diomelin ame emak ame bapak, Entong kudu inget ame nasehat ibu guru ye.. nanti kalu pas emak Entong matiin lampu.. Entong pura-pura aje tidur merem ye.. entong kalu pas dipanggil diyem aje.. ye.

Entong : Iye bu guru..

Nah cerita akhirnye pas malemnye. Kejadian seperti biasenye. Kebetulan sedari siang tadi bapaknye si Entong ude kebelet mao ngajakin 'becinte' ame emaknye si Entong. Mereka sepakat ampe nungguin si Entong tidur dulu. Karena ampe jem sebelas si Entong juga belon bisa tidur akhirnye saking sewotnye emak si Entong buru-buru matiin lampu. Tentu aje si Entong takut ame gelap. tapi karene diye cobain tuh nasehatnye bu guru akhirnye si Entong pura-pura tidur dengan dimeremin matenye. Sebenernye emaknye si Entong rada curiga kenape kok si Entong tidurnye cepet banget kagak seperti biasenye.. Dengan curiga diye panggil name Entong.. ampe tiga kali.. tapi si Entong biar kate masing bisa ngedenger panggilan emaknye tetep aje diye pura-pura pules.

Akhirnye, karene yakin kalu si Entong ude tidur pules, mulain deh bapaknye si Entong merayu2 sambil ngelus-ngelus bininye. sejurus kemudian kejadian deh.. diye bedua indehoyan.. si Entong bingung kok sayup-sayup diye ngedenger ade suara orang mendengus .. serem.. kayak napasnye kebo Kong Ali. Si Entong jadi semakin takut ngebayangin kalu kedua orang tuanye bakalan jadi Kebo. Ape lagi nggak lama kemudian emaknye si Entong beteriak ngagetin.. Pak.. emak ude nggak tahan neh mau keluar.. dan nggak lama si bapaknye juga teriak juga.. bapak juga sama nih mak.. pengen keluar..

Ngedenger emak ame bapaknye teriak bikin si Entong malah tambah takut.. akhirnye serta merta diye teriak saking takutnye ... EMAAAAAAKKK ... BAPAAAAAKKK ENTONG IKUUUUUUUUTTTTT...

Nggak Ade Bini Aje Baru Pade Berani Tampil Seksi

2006-09-12T14:20:00.000+07:00

Emang orang kate.. kagak ade bini pade nyari kesempetan.. kagak percaya'.. noh liat si Tarjo.. begitu pas kite2 pade nyemplung abis maen bola eh .. sempet2nye diye nampang.. ngajakin photo bareng.. pake ngajakin nampang lagi..ceritanye mau nunjukin kalu perutnye paling kecil padahal kite2 pade nyemplung di kolem nyang udah dinginnye naujubile..

Raker - Maksudnye Rapat ampe Kejengker (kejang-kejang kaku)

2006-09-12T14:07:00.000+07:00

Kalu mau liat kompaknye anak akunting tuh.. liat pas diye2 lagi pade photoan.. lengkap deh.. soalnye eni gambar diambil pas permulaan ane di usir dari akunting dan disuruh pindah ke internal audit begabung ame Pak Em Rahman. Waktu entu masing ade Tjut Zulfi, Eko, Mbak Diah, sama Mbak Sofie, dan baru masuknye anggota baru Rudy Wiryawan.

Tempat rapatnye sik kayaknye di puncak man ane lupa.. soalne ane ame Pak Em waktu entu cuman jadi undangan doang .. artinye di luar dari rapat akunting jadi kagak begitu inget ame acara-acaranye.. satu-satunye nyang ane inget pas lagi ngajarin Rudy berenang aje.. soale kayak Bembeng diye.. kagak bisa berenang..

atas (ki-ka) : Ichwan, Marna, Eriko, Bayu, Tjut, Tety, Sofie, Pak Fir, Pak Em, Diah, Fitri.

bawah (ki-ka) : Irfan, Dono, Aris, Eko, Rudy. kalu ane lagi setengah berdiri nyang lagi megangin pundaknye si Aris TW.

nb. kapan bisa kayak gini lagi yee ...

Accounting in Action artinye Orang Akunting nyang Demen Pegi-pegian

2006-09-12T13:48:00.000+07:00

yang eni ngambilnye di perumahan karyawan Kiani di Mangkajang pas lagi ade acara ngitung stok pabrik tiap akhir taonan. Lumayan le lebih cakep. Disini kite2 lagi pade bediri di depan rumahnya Bang Sofyan Alfhar. Digambar masing keliatan ade Baban Robana (udah keluar), Eko (juga ude keluar), ade Fitri (pake baju strip ijo), Evy Iskandar (udeh keluar), Ichwan (pake baju strip biru), dan tentunye si Sofyan, Eko, Dono, dan bininye Dono).

yang eni dijepret waktu lagi ade acare ngitung stok pabrik di Mangkajang. Kebetulan waktu entu kite2 (ane masing di akunting) diundang buat makan siang di rumahnye Mas Dono. di gambar eni ade Evy Iskandar (lagi berdiri di depan), bininye Mas Dono, Ichwan (disamping kirinye bininye Mas Dono), Beng2 (duduk), dan ane nyang lagi ngegendong si Hazmi, sami Anis. Nah, kalu nyang gambarnye kagak jelas itu ane lupa.. soale item banget sih.. ente bisa nebak ???

kalu bisa kasih komentar di mari yeee..

Selingan - Cerita Serem Orang Betawi

2006-09-11T11:23:00.000+07:00

Kalu ente perne tinggal di perkampungan Betawi pastinye ente tauk dong cerite2 serem nyang biasa diceritain ame orang2 tue dulu. Paling enggak perne le denger barang sekali. Tapi, buat bahan ingetan ane mau nyobain ngebahas tentang cerite2 nyang perne ane dapet dari Bapak ane.. dan emang juga ade beberape nyang perne ane alami kendiri sewaktu ane masing kecil ampe bangkotan kayak gini. Adapun nyang ane mau coba adalah nyang biasa jadi certia di sekitar masyarakat Betawi ini..

Kuntilanak & Genderuwo'

Kalu menurut cerita orang dulu, Kuntilanak itu adalah sebutan buat orang perempuan yang mati beranak atawe abis beranak dan belon ampe 40 hari masa nifasnye kemudian diye mati penasaran. Kadang diye nongol emang menyerupain perempuan yang baru meninggal karena ngelahirin atawe keguguran eni. Demennye tinggal di puhun kembang (seperti pohon kamboja, pohon cempaka, pohon kenanga).

Dengan ciri2 suara yang khas seperti ringkikan kuda dan dengan penampilan yang biasanye berupa perempuan berambut panjang dengan baju putih yang panjang (orang Betawi bilang baju longdress!!), atawe bija juga muncul dengan bentuk seperti perempuan yang masih berupa pocong..

Munculnye Kuntilanak eni biasanye bersamaan kalu ada perempuan yang lagi mau beranak, perempuan lagi ngalamin keguguran dan banyak ngeluarin darah. Kalu kate dukun beranan orang yang lagi begini darahnye wangi.. auk dah wangi menurut siape ? perasaan kalu kite cium mah amis..

Cerita orang dulu malah lebih serem lagi.. katenye kalau bini kite lagi pengen beranak mangkenye si suami kudu nemenin, karena kagak jarang ade Kuntilanak nyang suka nyaru jadi dukun beranak. Nanti kalu pas tuh anak keluar diye baru berubah jadi ujud nyang sebenernye.. dan siap memangsa.. akhirnye si anak ame si emak jadi mati mendadak..

Seremnye lagi, nantinye si emak bakal jadi Kuntilanak dan sianak bakal jadi Gederowok. Bener atawe enggaknye nih cerita tapi emang begini cerita nyang beredar di sekeliling masyarakat Betawi dari mulai Rawa Belong ampe Setiabudi, dari mulain Mampang ampe Pasar Minggu, dari Mulai Senen ampe Ancol.

ape iye yeee ????

Setan Rep-Rep

Nah, kalu setan rep-rep itu, menurut kepercayaan orang Betawi dulu itu adalah penjelmaan Jin yang berupa gonggo yang kakinye ade tujuh. Biasenye setan rep-rep eni sering menggode orang yang lagi tidur. Kite dalem mimpi kadang seperti orang nyang diayun tinggi2 dan dijatuhin dari atas ke bawah ampe kite berase tereak sekenceng kencengnye. Kalu orang Betawi bilang ampe ati rasenye ilang.. gitu..

Kadang juga kita berasa badan kite ade nyang nindiin.. berat banget.. kite mau bangun susah.. kadang juga kita berasa udah bangun dan kite tauk kalu kita udah melek dan di sekeliling kite ade orang .. tapi begitu kite tereak.. atupun kagak ade nyang denger.. nanti pas tuh setan ude puas ngerjain kite atawe pas kite inget dengan sedikit baca-bacaan semisal baca ayat kursi, sahadat, atawe baca Qulhu.. baru deh kite dilepas dan bisa bangun dengan keringet nyang udeh ampe kayak jagung.. dan basah di badan.

Setan Kuburan

Setan kuburan itu biasenye nongol emang sengaja lagi mo ngegodain orang nyang lagi pade jalan kendirian di tempat nyang sepi dan di malem nyang emang cocok buat diye nongol. Pada waktu diye mau nongol biasenye agak larut dan dingin dengan situasi nyang sepiii banget. Tapi, biasenye kite dibuat kagak sadar situasinye jadi kite rada2 kagak nyadar kite ketemu ame diye soale diye biasenye berupa orang, bisa lelaki bisa perempuan. Nanti, kalu kite udah keenakan diajak jalan baru deh pas kite sadar kite udeh kesasar ke dalam wilayah pekuburan. Anehnye.. kadang keberadaan kita nyang kesasar juga jadi sesuatu yang nggak mungkin. Misalnye, kite bawak motor trus ade nyang numpang eh pas di wilayah situ diye terbang ke pohon kembang.. atawe ke pohon sawo atawe kemboja. Pas kite sadar tau-taunye kendaraan kite udah ade di tengah-tengah kuburan.

Pernah kejadian ade seseorang pemuda nyang kenalan ame seorang perempuan di tempat tontonan. Setelah abis kenalan, kebiasaan seorang lelaki buat nawarin jasa buat nganterin pulang. Nah, kejadian ini sering banget dialamin. Sesampainye di rumah tu perempuan diye dikasih minum dan akhirnye nginep dan tidur di dipan kayu yang biasenye dibikin dari bambu. eh.. jebulnye besok paginye diye bangun udeh ade ditengah2 kuburan.

Kalong Wewe'

Setan semodel kalong wewek ini biasenye nongol pas menjelang menggerib atawe abis banget menggerib. konon kabarnye setan sejenis eni paling demen ngumpetin anak-anak nyang pas waktu menggerib masing keluyuran diluar rumah. Cerite engkong ane nyang perne diumpetin ame setan kalong wewek ini (kalau dicerita2 sering orang sebut wewe gombel) berjenis kelamin perempuan dengan tetek yang melorot ampe ke puser, bebulu dari pundak ampe pantat. paling lebet sekitar kemaluannye ampe nutupin. tingginye paling2 dua ampe tiga keli tinggi orang dewasa.

Setan kalong wewe ini. kalu ngumpetin tuh anak nyang lagi diincer biasanye nggak jauh-jauh kok. cuman kadang kitenye aje nyang kagak pade bisa ngeliat. Nah, kalu udah ada kejadian ade anak nyang ilang karena diumpetin ame kalong wewe.. biasenye orang sekampung pade keluar rume sambil bunyi-bunyiin alat-alat rume tangge macem mukulin kaleng krupukle, mukulin tampah, bakul, piring kaleng atawe gelas muk. bisa juga cuntang (semacem rantang).

Nah, nanti kalu tuh setena udeh bosen biasanye tuh anak dilepas.. baru deh ketemu atawe keliatan ame orang2 nyang lagi pade nyariin. Anak kecil nyang biasanye abis diumpetin ame setan kalong wewek jadi sedikit linglung.. mangkenye kudu buru-buru disemburin ame aer yang abis dibacain ame ustad atawe dikasih minum aer yang abis dizikirin ame guru ngaji. insya-alloh lepas entu langsung diye dah bisa nangis.

Tuyul

Menurut cerita masyarakat betawi Tuyul itu sejenis jin yang bisa dipake sama orang-orang yang pengen mencari kekayaan dengan jalan yang nggak halal. Biasanye dengan sesajen atau syarat2 tertentu nanti diye nugasin tuyul tersebut buat nyari duit dengan cara gaib, dimana orang yang kehilangan duit nggak nyadar kalu duitnya udah ilang digondol tuyul.

Ade nyang bilang kalu tuyul itu makanannya darah sajen, ada juga yang syaratnye tuh tuyul ditete-in ame bininye.

Babi Ngepet & Ngiprit Monyet cara kepingin kaya

Ada lagi cara mau cepet kayak yang sering dilakonin ame orang2 musyrik, yaitu jadi babi ngepet atau bisa juga dengan cara ngiprit monyet. Cuman, kalu pake tuyul itu biasanye kite minta jasa mahluk gaib. Nah kalu Babi ngepet atawe ngiprit monyet biasanye nyang ngelakonin buat nyari duitnye ye orang itu kendiri. Dengan bacaan2 tertentu nanti pada malam2 tertentu diye akan berubah menjadi seekor babi buat nyari duit dengan cara ngegesek2in badannye ke tembok rumah orang yang mau diambil duitnye.

Bisa juga kalu melaluin ngiprit monyet.. diye cukup gegarukan badannye atawe lompat-lompat di depan orang yang pengin diambil duitnya. Kate orang dulu, tande2nye orang yang suka ngiprit monyet biasanye suka pade belang badannye. Tauk dah bener ape kagak..

Jelangkung

"Jelangkung jelang-se disini ada pesta besar

Dateng kagak dijemput pulang kagak dianter"

Kate2 yang kayak beginian dulu dijaman ane masing kecil sering dipake kalau lagi pas malem bulan purnama. Tujuannye sik cuman buat maen-maenan berupa anak-anakan yang dibuat dari gayung yang dikasi tangan silang dengan ujungnya dikasi pensil atawe alat tulis laen yang bisa digerakin. boneka jelangkungnya dikasi baju dan kaen. dengan sajen pake kembang 7 rupa nanti ade acara manggil makhluk halus yang diminta masuk ke dalam jelangkung. Setelah ada tanda2 setang tersebut masuk ke dalam boneka jelangkung, maka akan diadain wawancara atawe pertanyaan dari orang yang pade ikutan maen.. nanti dijawab ame tulisan yang dilakukan oleh tangan jelangkung yang udah diiketin alat tulis. Dan bila si jelangkung ingin menulis maka tangan dari orang yang memegangnya akan lemes dan bikin coretan-coretan sendiri.

Pas acara dianggap udah selesai dan si jelangkung merasa udah cape maka dengan kalimat terakhir barulah boneka jelangkung akan seperti semula lagi.

Memedi

Setan memedi ini biasanya hanya nongol pada malam bulan purnama atau pas malem rada terang bulan. Biasanye memedi ini kalau menggoda orang ia seperti seekor binatang yang menyelinap disekitar kita dengan suara berisik seperti tikus atau kucing yang sedang main disampah jadi ada bunyi kresek-kreseknya.

Bila kita sempet nemuin suara seperti ini maka kalu kita gesuh (hus!!) segera binatang tersebut berubah menjadi lebih besar dan seterusnya hingga kita merasa ketakutan dan melarikan diri.

Setan Balon

Setan balon ini biasanye diye bebunyi mendesis. Setan ini berupa makhluk jin dengan kuping yang panjang hingga ampe bahu. Nah, siape2 yang pada saat itu kena tamparan kuping dari setan ini, maka diye akan merasakan mukanya menjadi tebal. dan nggak lama kemudian menjadi agak menyon.

Setan Cacar atau Setan Brontol

Penyakit cacar pada jaman dulu menjadi berita yang nyeremin. di awalin dengan tersiar berita adanye seorang ibu2 yang menyebarkan beras kuning di sekeliling kampung. dan bila sengaja ditunggu diye akan ngilang.

Beberape saat kemudian baru deh wabah penyakit cacar akan dirasain sama warga termpat dibuangnya beras kuning ini. Pada saat Ibu ame Bapak ane anaknye masing pade kecil-kecil orang tua perempuan ane perne ngalamin kena penyakit cacar, yang pade masa entu emang memakan korban yang lumayan banyak banget. Matinye juga emang rada nyeremin. Menurut orang yang pernah ngalamin kendiri. tuh setan sepertinye dateng ke rumah yang di dalem nye ade orang yang sakit pade tiap jem 9 malem, jem 3 pagi, jem 11 siang, dan jem 3 sore. model nyang datengnya kira-kira lebih dari empat orang cebol yang dateng sambil menggotong "kurung batang".

Tentang Temen - Heldinia Lindiyawati & Tety Rohaety

2006-09-11T09:41:00.000+07:00

Deny, begitu diye dipanggilnye. Jadi temen jalan-jalan ane waktu kita masing pade bujangan. Biasanye ane berame2 ade Bram (Sugeng), Rombeng (Rommy Setyadi), dan satu lagi yang akhirnye jadi lakinye sekarang.. Dedy Sadikin.
Wah, kalu ane udah cerita ame si Deny ini seru abis.. cuman kalu sekarang ceritain masalah anak2 kite aje pade.. biasanye sih ane ceritain tentang si Tasha anak ane.. trus Deny cerita tentang si Raja, kalu Fitri cerita tentang Najwa-nye dan Tety cerita tentang Kiky dan Hafidz. Kadang sering juga ada masalah kesehatan anak ane nyang ane konsultasiin ame kedua orang perempuan yang kerja di bagian akunting ini, cuman Deny bagian pajak.
Makasih atas nasehat2nye ye Den.. Tet..

Bu Tety. Bininye Bang Ipul ini emang sering jadi temen ngobrol. Apelagi saat-saat kalu lagi kagak ade kerjaan atawe kalu pas lagi ngaso (istirahat).

Wah, kalu udah cerita anak.. serunye nambah.. kayaknya kite2 emang lagi pade norak ame anak kali ye.. soalnye kebetulan emang masing pade kecil anaknye.. paling2 anaknye Bu Tety ini yang baru kelas satu.. kalu temen2 nyang laen kan anaknye udah pade gede.. ade nyang kelas empat, tiga, dua ..

Tentang Temen - Hariyono & Bambang Irawan

2006-09-11T09:18:00.000+07:00

Hariyono atau Cak Har atau si "Wedhus Gembel" (paling kiri) dan Bambang Irawan (paling kanan) yang biasa dipanggil Bembeng atau Bambang Demplon termasuk dua orang yang deket juga ame ane. Kalu Cak Har ini asli Jombang nah si Bembeng ini orang betawi yang nyaru jadi orang jawa .. perhatiin aje namennye .. mane ade orang betawi pake nama Bambang.. ye kan ? usut punya usut sih.. waktu ane coba tanyain ame nyak ame babenye.. kenape sekeluarga nyang laki dikasi nama Bambang semua (Bambang Irawan, Bambang Iriana, Bambang Irianto).. dengan enteng aje babenye bilang .. biar rejekinye lancar.. kan biasenye kalu pake name jawa jadi gampang nyari kerjanye.. (emang nyambung ???)

Ame si Cak Har yang insinyur ITB eni.. ane mulain deket sewaktu dulu masing muda.. ane bantuin diye ngejar2 perempuan.. (biasa deh laki2 normal hehehe) dan sering curhat atawe sering cerita duaan .. Kalu sama si Beng-beng sih .. terus terang ane lebih deket ame keluarganye.. nyak ame babenye ude seperti orang tua ane kendiri. apelagi emang perawakannye ampir mirip ame almarhum Bapak ane.. dulu sewaktu ane masing bujangan.. mo hampir tiap sabtu malem minggu ane nginep di rumah orang tuanye si Bembeng, soalnye selain dari penerimaan keluarganye nyang enak juga tambahan lagi enyaknye nyang pinter masak. wah, kalu ente sekali cobain tuh sambel bikinannye enyaknye.. pasti dah ketagian.. Sayang setelah ane kawin jadi jarang maen ke sono lagi.. mudah2an sih besok2 bisa lagi soale kangen berat ame masakan enyaknye ame cerita bebenye sewaktu masing jadi jawara..

Malem Nisfu Sya'ban ..

2006-09-11T08:40:00.000+07:00

Pade ari Kemis malem Jumahat kemaren, pas tanggal 7 September taon 2006, bertepatan dengan malem ke 15 bulan Sya'ban 1427 Hijriah di mesjid-mesjid dan di musholla di daerah ane sejak pagi udah rame banyak pengumuman akan diadain malem nisfu sya'ban melalui sombok atawe pengeras suara.

Buat orang betawi, malem nisfu sya'ban ini jadi seperti acara wajib, nyang biasanye diadain tepat abis sembahyang menggerib. biasanye kalu pas mau malem nisfu eni, orang kampung ane pade berbondong-bondong deh dateng ke mesjid atawe musholla sambil nenteng aer di kendi, teko, atawe wajan laen. Kalu sekarang sih orang nyari simpelnye aje.. pake botol aqua .. bisa nyang satu leteran atawe nyang kecil. Tapi, biasenye sewaktu ane kecil aer yang diambil dan dipake buat acara nisfuan itu adalah aer nyang diambil langsung dari sumber mata aer, bisa aer sumur, aer kompaan. Kalu sekarang sih orang nyari nyang sehat aje.. diye ambil aer nyang udah dimasak atawe beli aqua dah.. kalu nyak ame babe bilang kurang afdol..

Nah, pas abis menggerib dan abis pade sembahyang ame wiridan, biasanye si ustad mimpin jemaahnye buat pade bikin lingkaran ataw nyang ditengah-tengahnye ditaruh aer nyang pade mau dibacain yaasiin dah. Abis gitu, si ustad ngomongin ame para jemaah bapak2 ame ibu2 bahwa entu malem mau yaasiin-an menyambut malem nisfu sya'ban dengan membaca surat yaasiin rame2 sebanyak tiga kali. Yang pertama diniatain buat minta kepada Alloh SWT agar diberikan kesehatan jasmani atawe badannya buat kuat beribadah kepada Alloh. Nah, nyang kedua minta kepada Alloh SWT agar dikasi rejeki nyang banyak dan halal buat bekal ibadah kepada Alloh. dan nyang ketiga kite minta kepada Alloh SWT agar ditetepi iman dan islam.

Sehabis pembacaan surat Yaasiin yang dibaca agak cepet seperti orang balapan eni. biasanye diselingin ame do'a nisfu Sya'ban.. nah.. sehabis acara selesai baru deh ibu2 atawe bapak2 ame anak2nye pade berebutan ngambil tempat aer yang diye tadi udeh siapin. Nah, biasenye tuh aer ade nyang langsung diminum, atawe dibawa pulang buat anak bininye di rumeh, bisa buat minuman orang sakit, atawe untuk tujuan ape aje asal mintanye tetep ame Alloh..

Karena acara bacaan surat Yaasiin itu emang buat orang betawi sering dibaca tiap malem jumahat atawe kalu pas ade undangan selametan pindahan rumah, selametan orang abis nikah, atawe kalu ade tahlilan pas acara kematian mangkenye buat orang betawi jaman dulu.. nggak heran kalu rata2 orang pade apal atawe paling nggak diye bisa ngikutin bacaan surat Yaasiin kalu nggak pake surat. Ape lagi di daerah kampung baru di tempat rumah mertua ane.. rata2 dari anak tanggung ampe orang tuanye emang pade apal ama nih surat..

17 Agustusan di KK ...

2006-09-08T14:26:00.000+07:00

Ini team lumayan lengkap, kejadiannye sekitar taon 2003. Sebenernye ini acara puncak dari partai terakhir pertandingan tujuh belasan (memperingati hari Kemerdekaan RI) yang diselenggarain di kantor ane. Saat itu ketua panitia dikomandoin langsung sama Pak Miyanto. ada beberapa pertandingan yang kita bikin sambil menyambut manajemen baru, antara laen ; ping-pong yang koordinatorin Idul Fitri, Bulu Tangkis yang koordinatorin Suntarjo, Gaple dikoordinatorin Umar Hermawan & Gunawan, Karambol yang dikoordinatorin Wahyono & Ane, Bola tendang sama si Beng2 dan terakhir Catur yang dikoordinatorin Mbak Upik & Ponco. Pas acara pertandingan catur ini sengaja diadain di Puncak, tepatnya di villanya Sdr. Meyndrasta di Sawangan - Bogor.

Acara puncak ini lumayan diikutin oleh banyak karyawan KIANI di Jakarta, yang tergambar diphoto diatas ini sih kayaknya cuman sebagian doang..

atas ki-ka : Pak Basri, Udin, anak Multika, anak Multika, Suntarjo, Edwin, Asep, Awab, Pak Em Rahman, Mas Rico

tengah ki-ka : Sigit, Jaka, Pak Bakhtiar, Hasan, Aldy (anaknya Tarjo), Pendy, Dwi, Pak Rossa.

bawah ki-ka : Reza, Bunga (anak Pak Bakhtiar), Sugeng, ane, Miyanto, Lina, Mbak Upi, Tafriadi, Meyndrasta

Semalem ada Gerhana Bulan lhoo..

2006-09-08T10:27:00.000+07:00

Hari Jum'at tanggal 8 September 2006 sekitar jam 2 malem ada kejadian gerhana bulan sebagian. kalu kate orang dulu sih.. kalu lagi pas gerhana jangan bikin anak nanti kalu pas jadi katenye bisa jadi anak nyang bakal keluar jadi gelap seperti gerhana bulan hihihihi.. auk dah pendapat entu bener apa kagak. Tapi karena kejadiannye pas banget ame malem Jum'at wah.. sunnah nabi pan kudu musti dijalanin.. artinye kite2 dianjurin buat 'nimbain' kolem bini kita' jadinya pegimane yeee.. dilanggar takut.. kagak dilanggar jadi blingsatan.. enakan sih pelan-pelan tapi kagak dijadiin calon ENTONGnye.. hehehe...

Tokoh Kartun Yang Ane Demen..

2006-09-07T13:18:00.000+07:00

Kalu ame nyang eni ane demen karena ceritanye nyang polos tentang seorang anak nyang dirawat ama gorila tapi bisa hidup mandiri.. "Tarzan"

Nah kalu ama nyang ini sih sebenernye ane demen sewaktu nemenin anak ane si Tasha nonton pagi-pagi aje.. soalnye satu-satunye tokoh nyang TASHA bisa sebut saat itu ialah MMBOP.. maksudnya si Spongebob Squarepants bersama temennya Patrick, dua pemuda tolol tapi polos dan jujur.

kalu sama tokoh ini shrek ini, ane demen karena gambarnya yang udah yahudd banget.. mengenai tokoh ini sih biasa aja.. tapi kesan ane ternyata dia yang seharusnya nakutin orang bisa juga berubah jadi orang baik karena kepolosannya..

Kalu sama Timon & Pumba sih terus terang kocak abislah.. dua sahabat yang selalu nganggap segala masalah itu pasti bisa diatasin.. gue demen banget waktu dia bedua ngajak si Lion King untuk mengajak berfikiran "HAKUNA MATATA" yang artinya cuekin aja masalah, nanti juga bisa diatasin sendiri..

si Little Mermaid ini paling ane suka ama lagu2nya.. apalagi kalau ketemu sama si kepiting dengan lagunya Under The Sea wah mantab...

Satu lagi tokoh jagoan Superman yang udah ane koleksiin.. waktu muncul ditivi dengan maen secara keroyokan ama jagoan2 laennye tetep aje doi yang paling menonjol kehebatannye.. tapi, dulu sempet bingung juga ane kenape jagoan amerika pade demen banget ame pake kolor diluar yee..

Kalu Batman emang dari kecil ane udah ngicerin komiknye.. pokoknye te-o-pe deh.. apalagi pas pelm bioskopnye keluar.. dari mulain Batman, Batman Retuns, Batman Forever, Batman & Robin, dan terahir Batman Begins udeh ane tonton abis.. dan dikoleksi DVD nye.. nggak nyesel deh..

Beauty & The Beast, kisah romantis percintaan atara orang cakep ame orang jelek.. terutama pengorbanan keduanya sampe bener-bener ngerasain cinta sejati.. cuman dengan ngeliat dan mandangin matanya doang.. hebat nggak tuh.

Aladina dan Jin dalam botol ini film kartun pertama yang bikin ane kesemsem.. teruatama sama tokoh Jin yang lucu .. kalu difilm diperanin ama Robin William.. jadi inget sama salamnya NANO-NANO

Kegiatan ma Temen2 - Kepuncak

2006-09-07T13:03:00.000+07:00

Ini kegiatan dalam rangka merayakan kesusesan temen kita yang baru aja abis lulus dari sekolahnya.. yaitu Pak Meyndrasta (pake baju biru paling kanan). Dia lulus dari MM UI jurusan Manajemen.

Kita ini lagi berphoto pas di depan villanya (namanya vila kaca) di Sawangan - Bogor.

kiri - ke kanan atas : Hasan, Tarjo, Ane, Beng2, Tafriadi, Awab, Umar, Dwi, Mahmudi, Basir, Reza, Sugeng, dan Mey

Acara dimulain dengan bakar ikan, sambil nonton bola (soalnye pada saat itu emang lagi rame2nya Final Piala Dunia 2006).

Acara dilanjutin dengan maen gaple, ada yang nekat malem2 berenang, dan terakhir begadang bersama sambil nonton. Paginya maen bola, berenang, makan indomie bareng.. dan terakhir pulang deh.. acara ini digagasin oleh Team "TENANG AJAH" yang dikomandoin sama Bembeng Demplon, Suntarjo, Ane kendiri (Jenal), Rudy, dan terakhir sama Pak ketua dua .. yaitu Meyndrasta.

Selamat ya Mey atas kelulusannya..

salam dari team TENANG AJAH..

Travelling - Alias "Berkeliling"

2006-09-07T11:25:00.000+07:00

Ini sewaktu ane lagi berenang di Laut Jawa. Tepatnye sih di Pulau Derawan - Kalimantan Timur. Kebetulan pabrik tempat ane kerja emang deket sono. Jadi sekalian deh pas kita2 lagi ngitung2 barang pabrik kita nganterin orang2 audit nyang pade mo kesono.

Waktu itu, ane pegi ame temen2 di akunting.. nyang ane inget sih ade Babang Robana, Heldinia, Bambang Demplon, Pak Firdaus, dll.

Ini kejadiannye waktu ane maen ke rumah temen di daerah Parung, gambar ini dibuat pas banget di kebon di depan Musholla. gambar yang keliatan di atas sebelah kiri itu adalah gambar "bedug".

Waktu itu, ane bepergian ame temen sekalian mancing. Kalu dulu sih kegiatan ini emang sering. kadang2 kita bisa naek motor ampe 10 motor ke Tanjung Kait (Laut) atau bisa juga mancing ikan mas di Sawangan - Bogor, paling deket ya mancing Lele di tempat pemancingan Depok atau Lebak Bulus.

Nah, kalu nyang eni.. ane diphoto di Situ Patenggang - Jawa Barat, kebetulan pas lagi ade acara tur ame temen-temen di rumah. Waktu itu ane keliatan kurus banget yak..

kalu nyang dikiri eni.. gambar diambil di bawah pancuran aliar di bawah aer terjun di Cinangneng - Bogor.

Belajar Perang Perangan Euy...

2006-09-07T11:23:00.000+07:00

Ditaon 1998, kita sekantor yang diprakarsain sama Pak Ronny bikin acara perang-perangan di daerah Gunung Putri. Waktu itu kita berangkat tiga mobil. Acara dimulain dengan mendengar komando terus dikasi baju perang sama beli peluru yang terbuat dari karet balon yang berisi aer warna-warni. yang bila ditembakin ke musuh nanti pecah. yang nantinya sebagai tanda kalu kita mati dan kalah. Acara ini dibuat dua kelompok yang berusaha mempertahanin benteng masing-masing dan nyang sebagian lagi berusaha menyerang buat ngerebut benteng musuh. perangnya di alam terbuka nyang dibuat percis dengan tempat perang.. ada tempat ngumpet helikopter yang udah jadi bangke dan gundukan kecil buat naruh bendera putih tempat benteng pertahanan. Temen-temen nyang ngikut antara lain : Pak Rony (nyang lagi nguap), Idul Fitri (lagi megang bendera), Dedy Sadikin (lagi tulak pinggang), ane (nyang lagi tangannya 'peace'), Pak Fred Snock (tauk dong nyang paling bule) sama ceweknya (pas banget di depan ane) dan adrianus (disamping kiri ane), dan terakhir Novi (yang paling depan). Sebenernye ade lagi,.. Deny, Yan Fajar, Rudy Wicaksono, Indra Bangsawan, Indro, Rommy.

Kalu ente2 kepingin ngerasain sakitnya waktu peluru karet kena di badan sik boleh juga tuh daftar buat ikutan acara perang-perangan.. lumayanlah buat hiburan kalau abis stres kerja.. udah gitu tempatnya enak juga .. adem.. ada tempat makannye.. tapi, kalu dipikir2 mane ade tempat perang nyang nyediain makanan enak.. harusnye diganti ame makanan bungkus, ikan asin, sambel terasi ame pete kali ye biar lebih klop ame perangnye gitu hihihi..

Aktivitas Kantor - Rafting

2006-09-07T11:01:00.000+07:00

Sekitar tahun 2000an akunting & finance bikin acara rafting yang dikomandoin sama mas Adrianus. Acara ini dilaksanain di kali Citatih - Sukabumi. Ane (ada disebelah kanan depan) kebetulan satu perahu sama Pak Em Rahman (percis dibelakang ane), Mas Hariyono (sebelah kiri depan), Sumarna (dibelakang Mas Hariyono), Kang Avi Koesnovagril (dibelakang Pak Em), dan Istrinya Kang Avi (waktu itu masih pacar tepat dibelakang Sumarna jadi kealingan deh).

Ada peristiwa nyang bikin ane sempet shock, yaitu waktu pas udah mau sampe akhir ane dijorokin Pak Em dan nganyut kebawa arus sampai beberapa ratus meter. Untung aje masing inget sarang dari petugas kalau jatuh dan nyemplung ke air harus dalam posisi celentang dengan kaki menghadap ke depan. alhamdulillah akhirnya pas aer mulain tenangan dikit akhirnya ane bisa diselametin ama Mas Har pake dayung (udah diajarin kan caranye nyelametin orang nganyut). Dan yang lebih nyebelin lagi.. pas udah dinaekin ke atas perahu dengan enaknya si Pak Em ini bilang .. "Nal.. gue sih cuman pengen praktekin apa yang diajarin ama petugas doang.. gimana caranya nyelametin orang kecebur hehehehe.." .. siake' dah.. gue jadi korban..

Tapi, yang lebih enaknya pas kita udah sampai ke pos terakhir. Kita dibawa ke bawah untuk makan ikan bakar, nasi ngebul2 ama sambel terasi .. wah .. laper2 gini dapet hidangan yang bikin selere.. udah .. dilalap abis dah sama temen2 nyang laen.. waktu itu kebetulan kita ada empat perahu.. jadi pesertanya ada Idul Fitri, Sugeng, Rommy, Adrianus, Rudy Wicaksono, Pak Pet, Fred Snock sama ceweknya, Diah Patria Wardhani, Mian, dll.

Ayu Kita Menyanyi ... Lagu Anak2

2006-09-06T16:34:00.000+07:00

ULAR NAGA
(lagu masyarakat Betawi)

Ular naga panjangnya besar kepalang, Berlari-lari selalu kian kemari, Umpan yang lezat itulah yang dicari, Ini dianya yang terbelakang

SIM SIM TERIMA KASIM
(lagu masyarakat Betawi)

Sim sim terima-rima kasim..sim, Simpak daon rambutan.. tan
Tanduk uler mati.. ti, Tikus maen di loteng.. teng
Tengok ayam betelor.. lor, Lori jalannye maju.. ju
Jual minyak wangi.. ngi, Ngitung duit seperak.. rak
Rakus makanan sampi.. pi, Pitak pala si Ole.. le
Lenong maen di kampung.. pung, Pungut anak perawan.. wan
Wandi jago gendang.. dang, Dangdut.. dangdut.. dangdut

WAK WAK GUNG
(lagu masyarakat Betawi)

Wak wak gung nasinye nasi jagung, Lalap nye lalap utan sarang gaok pu-un jagung .. gang ging gung..

Pit alaipit kuda lari kejepit kong sipit, Tam tam buku seleret daon delima, Patah lembing patah paku tarik belimbing tangkep satu.. kosong..kosong..kosong.. (Kembali ke atas sampai tangkep satu.. isi..isi..isi)

CI CI MELATI
(lagu masyarakat Betawi)

Ci ci melati tembako lima kati mak none mak none si Mimin mau minta ape ?

Minta Duren

Mak none mak none si Mimin minta duren pulang pulang Bapaknya keren

EMBIT KUCING
(lagu Masyarakat Betawi)

Bit embit kucing, Kucingnye ngeang ngeong
Burung dara burung perit, Terebang gedong tinggi

Berrrrrr…

Anting saya ilang 4x

PONG TIPONG BALON
(lagu masyarakat Betawi)

Pong tipong balon
Biji merak biji sapi
Pecah sebiji

CUBLAK SUWENG
(Lagu masyarakat Betawi)

Blak-cublak suweng, Suwenge madu lempe
Buk Tata Buk Titi, Keluar kayu jati

Po' Eram po' Eram, Kang Sideng mau kawin
Potong kerebo tinggi, Potong kerebo pendek
Ganjelannye jenggal jenggol

Tom… tom.. to'

Ta' kerutu' pegang batu, Sarang satu di depan pintu

BALONKU

Balonku ada lima, rupa-rupa warnanya
Hijau kuning kelabu, merah muda dan biru
Meletus balon hijau, hatiku sangat kacau
Balonku tinggal empat, kupegang erat-erat

LIHAT KEBUNKU

Lihat kebunku penuh dengan bunga
Ada yang putih dan ada yang merah
Setiap hari kusiram semua
Mawar melati semuanya indah

Bapak megang tongkat, ibu megang sapu
Bapak naek pangkat ibu jadi guru

KULIHAT AWAN

Kulihat awan seputih kapas, Arak berarak di langit luas
Andai ku dapat kesana terbang, Akan kuraih kubawa pulang

KAPAL API

Lihatlah sebuah titik jauh di tengah laut
Makin lama makin jelas bentuk rupanya
Itulah kapal api yang sedang berlayar
Asapnya yang putih mengepul di udara

DAKOCAN

Kulihat ada boneka baru, Dari karet amat lucu
Dakocan namanya bukan Sarinah
Sayang sayang mahal harganya 2x

DESAKU

Desaku yang kucinta, pujaan hatiku
Tempat ayah dan bunda, dan handai taulanku
Tak mudah kulupakan, Tak mudah bercerai
Selalu ku rindukan, desaku yang permai

SOLERAM

Soleram soleram, Soleram anak yang manis
Anak manis janganlah dicium sayang
Kalau dicium merahlah pipinya

Satu dua tiga dan ampat, Lima anam tujuh delapan
Kalau tuan dapat kawan baru sayang
Kawan lama ditinggalkan jangan

KEMARAU
(Penyanyi : Sari Yok Koeswoyo)

Awan putih berlalu, Diatas langit biru
Kemarau waktu kini, Berdebu dan panas sekali

Keringat bercucuran, Dahaga tak tertahan
Aku ingin segera mandi, Dan bermain di kali

Mari beramai-ramai, Bersama kita mandi
Airnya sejuk bersih, Mengalir deras berbuih

SATU SATU

Satu satu aku sayang ibu, Dua dua juga sayang ayah
Tiga tiga sayang adik kakak, Satu dua tiga, sayang semuanya

BURUNG KAKAK TUA

Burung kakak tua, hinggap di jendela
Nenek sudah tua, giginya tinggal dua
Tek dung.. tek dung.. tekdung lalala 3x
Burung kakak tua

NAIK DELMAN

Pada hari minggu ku turut ayah ke kota
Naik delman istimewa ku duduk di muka
Ku duduk samping pak kusir yang sedang bekerja
Mengendali kuda supaya baik jalannya hei
Tuk tik tak tik tuk tik tak tik tuk tik tak tik tuk
Tuk tik tak tik tuk tik tak tik tuk tik tak tik tuk suara sepatu kuda

BURUNG GELATIK

Burung gelatik hinggap di jendela, aduh kasihan aduh kasihan
Tak bisa terbang sayapnya luka, aduh kasihan aduh kasihan
Mari kutolong kasih obat, lekas jadi baik kembali sehat

AKU ANAK DESA

Aku anak desa, mengembara di rantau orang
Kutinggalkan ayah bunda, bersama sanak saudara
Siang malam kuberjalan, dari pagi hingga petang
Bila malam tlah mendatang, ku tidur di padang lalang..

Pengalamanku sangat penuh suka dan duka,
Namun kuhadapi dengan senyuman di hati

Siang malan ku berjalan, dari padi hingga petang
Bila malam tlah mendatang kutidur di padang lalang..

UNCANG ANGGE'
(lagu masyarakat betawi)

Cang uncang angge', angge dalam perahu
Eneng dah gede, babenye kagak tauk..

DENG ENDENGAN
(lagu masyarakat betawi)

Deng endengan silih ganti berduri-duri mandi kembang
Kembang melati rok bareyok jongkok… dst

MEMANDANG ALAM

Memandang alam dari atas bukit, Sejauh pandang kulepaskan
Sungai nampak berliku sawah hijau terbentang
Bagai permadani di kaki langit
Gunung menjulang, berpayung awan, Oh.. indah pemandangan

PUTIH PUTIH MELATI

Putih-putih melati ali baba.., Merah-merah delima pinokio..
Siapa yang baik hati cinderella.. , Tentu disayang mama
Mamaku Lady Diana, papaku pangeran Charles
Nenekku Elizabeth, kakekku enggak tauk
Anjingku yang cerdik Boomer, supirku yang ganteng B.J.
B.J. , B.J. and the bear, diye.. diye.. monyetnye..

KASIH IBU

Kasih ibu kepada beta,
tak terhingga sepanjang masa,
Hanya memberi tak harap kembali,
Bagai sang surya menerangi dunia

PELANGI

Pelangi pelangi alangkah indahmu,
Merah kuning hijau di langit yang biru,
Pelukismu agung siapa gerangan,
Pelangi pelangi ciptaan Tuhan

BINTANG KECIL

Bintang kecil di langit yang tinggi,
Amat banyak menghias angkasa,
Aku ingin terbang dan menari,
Jauh tinggi ke tempat kau berada

KUKURUYUK

Kukukuruyuk begitulah bunyinya,
Kakinya bertanduk hewan apa namanya,
Potong potong roti dioleskan mentega,
Jepang sudah mati Indonesia merdeka,

DUA MATA SAYA

Dua mata saya hidung saya satu,
Dua kaki saya pakai sepatu baru,
Dua tangan saya yang kiri dan kanan,
Satu mulut saya tidak berhenti makan

NAIK NAIK KE PUNCAK GUNUNG

Naik nik Kepuncak Gunung,
Tinggi tinggi sekali,
Kiri kanan kulihat saja,
Banyak pohon cemara

AMBILKAN BULAN BU

Ambilkan bulan bu, ambilkan bulan by
Yang slalu bersinar di langit
Di langit bulang benderang
Cahyanya sampai ke bintang
Ambilkan bulan bu untuk menerangi
Tidurku yang lelap di malam gelap

KUNANG KUNANG

Hai kunang-kunang kemana dikau,
Kan terbang melayang,
Kau bawa terang sinarmu pudar,
Di langit yang tinggi,
Hai kunang-kunang bawalah daku,
Terbang melayang,
Kau bawa terang sinarmu pudar,
Di lagit yang tinggi

KUPU KUPU

Kupu-kupu yang lucu kemana engkau terbang,
Hilir mudik mencari bunga-bunga yang kembang,
Berayun-ayun pada tangkai yang lemah,
Tidak kah sayap mu merasa lelah

BURUNG KUTILANG

Di pucuk pohon cempaka burung kutilang berbunyi
Bersiul-siul sepanjang pagi dengan tak jemu-jemu
Mengangguk-angguk sambil berseru
Tri li li li li li li li li …

Sambil berlompat lompatan sayapnya slalu terbuka
Diangguk-anggukan kepalanya memandang langit jernih
Tandanya suka ia berseri
Tri li li li li li li li li …

ANAK AYAM

Tek kotek kotek kotek, anak ayam turun berkotek 2x
Anak ayam turun sepuluh mati satu tinggal sembilan
Anak ayam tinggal sembilan mati satu tinggal delapan
Anak ayam tinggal delapan mati satu tinggallah tujuh
Anak ayam tinggallah tujuh mati satu tinggallah enam
Anak ayam tinggallah enam mati satu tinggallah lima
Anak ayam tinggallah lima mati satu tinggallah empat
Anak ayam tinggallah empat mati satu tinggallah tiga
Anak ayam tinggallah tiga mati satu tinggallah dua
Anak ayam tinggallah dua mati satu tinggallah Satu
Anak ayam tinggallah satu mati satu tinggal induknya

BERMAIN LAYANG LAYANG

Ku ambil buluh sebatang, kupotong sama panjang
Kuraut dan kupintal dengan benang, kujadikan layang layang
Bermain bermain bermain layang layang
Bermainnya kita di tanah lapang, Hati gembira dan senang

KRING KRING ADA SEPEDA

Kring kring kring ada speda, spedaku roda tiga
Kudapat dari ayah karena rajin bekerja
Tu tu tu ada sepatu, sepatuku kulit lembu
Ku dapat dari ibu karena rajin membantu

KAKAK MIA

Kakak Mia, kakak Mia minta anak barang seorang
Kalau dapat, kalau dapat suruh ia jualan sirih
Anak yang mana akan kau pilih
Anak yang mana akan kau pilih
Ini dia yang aku pilih akan kusuruh jualan sirih
Sirih-sirih siapa beli
Sirih-sirih siapa beli

BANGUN TIDUR

Bangun tidur kuterus mandi,
Tidak lupa menggosok gigi,
Habis mandi kutolong ibu,
Membersihkan tempat tidurku

PERGI SEKOLAH

Oh ibu dan ayah selamat pagi,
Kupergi sekolah sampaikah nanti,
Selamat belajar nak penuh semangat,
Rajinlah selalu tentu kau dapat
Hormati gurumu sayangi teman,
Itulah tandanya kau murid budiman

BEBEK MANDI DI KALI

Bebek mandi di kali, pake sabun wangi
Ibu beli roti adik nakal enggak dibagi

RASA SAYANGE

Rasa sayange rasa sayang sayange
Eeee lihat dari jauh rasa sayang sayange

Mana kancil akan dikejar, Kedalam pasar cobalah cari
Masih kecil rajin belajar, Sudah besar senanglah diri

Si Amat mengaji tamat, Mengaji Qur'an di waktu fajar
Biar lambat asal selamat, Tak kan lari gunung dikejar

Kalau ada sumur di ladang, Boleh kita menumpang mandi
Kalau ada umurku panjang, Boleh kita berjumpa lagi

(bisa ditambahin pantun sendiri)

MAK INAM
(lagu : Adi Bing Slamet)

Mak inam orangnya tua, Mak inam suka latah,
Kalau kaget tidak sengaja, Maka lantas ia berkata

Eeee copot e copot copot, Apa mak yang copot copot
Gigi mak eh gigi mak copot, Pantesan mulutnya kempot

Mak inam lucu sekali, Latahnya setiap hari,
Tiada sore maupun pagi, Kalau latah ia begini

Eeee copot e copot copot, Apa mak yang copot copot
Gigi mak eh gigi mak copot, Pantesan mukanya petot

HELY

Aku punya anjing kecil, kuberi nama hely
Dia senang bermain-main sambil berlari-lari
Hely, kemari, ayo lari lari 2x

KE SEKOLAH

Lonceng berbunyi tujuh kali,
Kawan-kawanku berlari-lari,
Yoan ingin ikut mereka,
Ke sekolah bersama-sama

Yoan sayang dengarkanlah,
Mama tak melarang,
Tahun depan baru boleh,
Kau pergi ke sekolah

CICAK DI DINDING

Cicak cicak di dinding, diam diam merayap,
Datang se ekor nyamuk hap, lalu ditangkap

KESAYANGAN

Bila kuingat lelah ayah bunda,
Bunda piara piara akan daku,
Sehingga aku besarlah

Waktu ku kecil hidupku amatlah senang,
Senang dipangku dipangku dipeluknya,
Serta dicium dicium dinamakan,
Namanya kesayangan

BURUNG HANTU

Matahari terbenam hari mulai malam
Terdengar burung hantu suaranya merdu
Kukuk.. kukuk.. kuku kuku kukuk 2x

SUKA HATI

Kalau kau suka hati tepuk tangan
Kalau kau suka hati tepuk tangan
Kalau kau suka hati ya memangnya begitu
Kalau kau suka hati tepuk tangan …

Kalau kau suka hati injak bumi
Kalau kau suka hati injak bumi
Kalau kau suka hati ya memangnya begitu
Kalau kau suka hati injak bumi …

Kalau kau suka hati kata amin … amin
Kalau kau suka hati kata amin … amin
Kalau kau suka hati ya memangnya begitu
Kalau kau suka hati kata amin … amin

DISINI SENANG DISANA SENANG

Disini senang disana senang, dimana mana hatiku senang 2x
La la la la la la la .. la la la la la la la .. la la la la la la la
La la la la .. 2x

KULIHAT IBU PERTIWI

Kulihat ibu pertiwi sedang bersusah hati
Air matanya berlinang mas intan yang terkenang
Hutang gunung sawah lautan simpanan kekayaan
Kini ibu sedang lara merintih dan berdo'a

NAIK KERETA API

Naik kereta api tut tut tut siapa hendak turut
Ke Bandung Surabaya, bolehlah naik dengan percuma
Ayo kawanku lekas naik keretaku tak berhenti lama

TIK TIK TIK BUNYI HUJAN

Tik tik tik bunyi hujan di atas genteng
Airnya turun tidak terkira
Cobalah tengok dahan dan ranting
Pohon dan kebun basah semua

POTONG BEBEK ANGSA

Potong bebek angsa masak di kuali
Nenek minta dansa, dansa empat kali
Sorong ke kiri sorong ke kanan
La la la la la la la la la la la la la 2x

MENANAM JAGUNG

Ayo kawan kita bersama
Menanam jagung di kebun kita
Ambil cangkulmu ambil pangkurmu
Kita bekerja tak jemu-jemu
Cangkul cangkul cangkul yang dalam
Menanam jagung di kebun kita

Beri pupuk supaya subur
Tanamkan benih dengan teratu
Jagungnya besar lebat buahnya
Tentu berguna bagi semua
Cangkul cangkul cangkul yang dalam
Hatiku senang hatiku riang

TOPI SAYA BUNDAR

Topi saya bundar, bundar topi saya, Kalau tidak bundar bukan topi saya

BONEKA BERUANG

Lingkaran kecil lingkaran kecil lingkaran besar
Lingkaran kecil lingkaran kecil lingkaran besar
Dikasih pisang dikasih pisang dikasih pisang
Kasih lengkungan kasih lengkungan kasih lengkungan

KODOK NGOREK

Kodok ngorek kodok ngorek ngorek di pinggir kali
Teot tek bung teot tek bung teot teot tek bung

ALAM TERHAMPAR

Alam terhampar di bumiku ini
Alangkah indah berseri
Lembah hijau sawah yang mengembang
Semura berpadu serasi

Tuhan, Tuhan pemurah
Sadar daku padamu
Betapa agung limpah anugrahmu
Bagi bumiku tercinta

DONDONG OPO SALAK

Dondong opo salak, duku cilik cilik
Nggendong opo mundak, mlaku timek timek 2x

Adik nderek ibu, hingga meneng pasar
Ora pareng rewel ora pareng nakal
Mengko ibu mesti mendet oleh oleh
Kacang karo roti adik diparingi

GUNDUL PACUL

Gundul gundul pacul cul gembelengan
Nyunggi nyunggi wakul kul gembelengan
Wakul ngglimpang segone dadi sak latar 2x

NAMA-NAMA HARI

Senin Selasa Rabu Kamis Jum'at Sabtu Minggu itu nama-nama hari

A BE CE

A be ce de e ef ge, ha i je ka el em en o pe,
Qi er es te u ve we 2x
Ex ye zet oke.. saya sudah bisa A BE CE

INDUNG INDUNG

Dung indung kepala lindung hujan di udik disini mendung
Anak siapa pakai kerudung mata melirik kaki kesandung

La hawla wa laa quwwata mata melihat seperti buta
Tiada daya tiada upaya melaikan Tuhan Yang Maha Esa

Duduk goyang di kursi goyang beduk subuh hampir siang
Bangunkan ibu suruh sembahyang jadilah anak yang disayang

ROBBANA ATINA

Robbana atina fi dunia hasanah, wafil akhiroti hasanataw
Waqina azabannar 2x

Robbana hablana min azwazina, wa zurriyatina qurota a'yun
Waj'alna lil mutaqina imaama 2x

SHOLAWAT NARIYAH

Allohumma sholli sholatan kamilatan wa salim salaman
Tama 'ala sayyidina Muhammadin niladzi
Tanhalu bihil uqodu wa tan fariju fihil qurobu
Wa toqdho bihil hawaij wa tunalu bihil rogho-ib
Wa husnul khowatimi wayustaskol ghomaamu
Biyadihil karim wa 'ala alihi
Wa 'ala alihi wa shohbihi fi kulli lamhatin
Wa nafasin bi adadi kulli maklumil lak

TUKANG KAYU

Katakan padaku hai tukang kayu
Bagaimana caranya menebang kayu
Lihat-lihat anakku beginilah caranya menebang kayu

SATU, DUA, TIGA, EMPAT

Satu dua tiga empat, lima enam tuju lapan
Siapa pergi kesekolah cari ilmu sampai dapat
Sungguh senang amat senang
Bangun pagi-pagi sungguh senang

ADA ANAK BARU

Ada anak baru masuk sekolah
Pakai kaca mata rambutnya ekor kuda
Siapa namanya ? Siti Rohani
Dimana rumahnya ? di Kampung Baru
Nomer berapa ? nomer sepuluh
Anak siapa ? anak tukang kue bolu

DUDUK DALAM BANGKU

Kalau duduk dalam bangku
Tanganmu jangan kau pangku
Tutup mulut jangan kau bicara
Omong kosong tak ada gunanya
Anak malas ada setrapnya
Anak malas ada setrapnya

ABANG TUKANG BAKSO
(Mellissa)

Abang tukang bakso mari-mari sini saya mau beli
Abang tukang bakso cepetan kemari sudah tak tahan lagi
Satu mangkok saja dua ratus perak yang banyak baksonya
Tidak pakai saos tidak pakai sambal juga tidak pakai kol

Bakso bulat seperti bola pingpong
Kalau lewat membikin perut kosong
Jadi anak kau jangan suka bohong
Kalau bohong digigit kambing ompong

SEMUT SEMUT KECIL
(Mellissa)

Semut semut kecil saya mau tanya
Apakah kamu di dalam tanah tidak takut cacing
Semut semut kecil saya mau tanya
Apakah kamu di dalam tanah punya mama papa

Oe oe itu katamu, oe oe itu jawabmu

O AMELIA

O amelia gadis cilik lincah nian
Tak pernah lelah riang selalu sepanjang hari
O amelia gadis cilik lincah nian
Di mana mana amelia temannya banyak

Hati-Hati Dengan Blind Date

2006-09-06T12:49:00.000+07:00

Kisah beginian kejadiannye saat ane masing ngejomblo. Ceritanye berawal dari adanye telepon nyasar nyang pura-pura kenal ane. Sebagai laki-laki masalah agresip itu penting dong. Akhirnye dari mulain kite sepik2 (maksudnye "speak") akhirnye kita saling nuker nomer telepon. Tadinye ane heran juga kok ade cewek nyang ampe segitu antusiasnye mo ngajakin kenalan. Kalu didenger suarenye sih beeeeh merdu abis kayak penyiar nyang di swalayan2. auk dah orangnya.

Omong punya omong ceritanye karena penasaran kepingin ketemu karena diye ngakunye emang still yakin cakep punya akhirnya ane kagak banyak omong dah. Ngajakin ketemuan.. setelah ane tauk ternyata diye masing keponakan bini dari temen ane kerja. katenye diye liat gambar photo ane sewaktu diye maen ke rumah bibinye. Emang sih setelah kita saling kontak hampir satu bulanan dari omongannye rada2 jorok tuh cewek seperti orang nyang udah banyak pengalaman ame lelaki. Tapi, buat sementara si diye minta namenye dirahasiain kalu diye masing keponakan temen ane kendiri. Pernah masalah ini ane diskusiin ame temen2 di kantor. Sarannye mendingan ketemu sekali biar kagak penasaran ketimbang telpon2an tapi kagak tauk juntrungan muka atawe bodynye.

Atas saran tersebutle akhirnye ane janjian ketemu di stasiun kereta api. janjian seperti di pelm2 jaman dulu dah.. ane pake baju batik diye pake baju kuning gading. eh... mindik mindik ane liatin pas kereta berenti di stasiun Cawang, masya alloooohhh.. ane ampe nyebut.. ternyate suara nggak sebanding ame tuh muka.. waduh.. mane udah janjian mo ngajak kondangan lagi.. untung aje ade cara laen.. akhirnye ane mutusin untuk nggak jadi pegi dan langsung ke rumah diye aje.. selebihnye .. karena ternyata diye udah ngibulin ane mengenain penampilannye, cara ngomongnye, dan segalanye .. terpaksa deh kite putusin nggak colling2an lagi.. ternyata ane ketipu...

Rupanye, ketauan belakangan kalu ternyata emang tuh perempuan hobynye ngegodain lelaki-lelaki jomblo.. dan ternyata korbannye nggak cuman ane doang.. ade beberape temen di kantor nyang jadi korban telepon iseng dengan suara desahan yang aduhai tapi ternyata ....

Mangkenye pas ada iklan di tivi .. yang ceritanye orang janjian mo ketemu sama perempuan .. pas perempuan bilang .. "Aku pakai baju merah yaaa".. langsung deh ane cengengesan kendiri inget ame kejadian yang perne ane alamin.. kagak lagi-lagi dah.. kapok ane..

NB. Buat Cak Har, Romy, ame Bembeng.. ternyata kita pernah senasib yah.. hehehe..

Merasakan Cinta Pertama

2006-09-06T11:50:00.001+07:00

Kisah ini terjadi pada waktu Ane masing duduk di kelas III SMP. saat itu kami masih belum kenal benar. Karena kebiasaan di SMP kami bahwa tiap kenaikan kelas semua murid dipisah dan dikocok kembali untuk masuk ke kelas yang terdiri dari anak-anak yang baru. Kalau nggak salah saat itu ada 6 kelas dari A sampai F.

Cewek itu tinggalnya di Jalan Musyawarah. Sebenarnya sih anaknya nggak begitu cakep, hanya omongannya itu lho.. sabaar banget deh terus lagi kalau Ane ngobrol sama do'i sepertinya nyambung terus dan enak aja lagi. Selain itu kesamaan lainnya adalah ia anak yang cukup pintar (rangking tiga di kelas sedangkan Ane saat itu rangking ke dua di kelas teileee nyombong dikit), dan kami masing-masing menyenangi puisi dan cerpen. Sering lho kami saling tukeran puisi yang kami buat masing-masing atau cerpen atau cerita yang juga kami buat. Udah gitu tulisan tangannya sangat baguusss banget deh..

Tauk nggak, Abang-ane nyang kebetulah sekolahnye sekelas ame ane mulain SD ampe SMP pernah ngomentarin ke Ane waktu Ane nyeritain isi hati ke Abang-ane ini. Tapi katanye "kok bisa sih elu seneng ame orang yang tampangnya kayak UUK (itu lho pelawak JAYAKARTA GRUP nyang udah mati.. kamu kenal nggak ?? pasti nggak deh..) dassar ABANG-ane emang suka usil aja yee.. nggak boleh orang senang weeeeekkk.. tapi saat itu sik Ane cuek bebek aja orang emang lagi seneng sama orang kok diganggu.

Tapi, rasa seneng AKU ini emang sih nggak sempet terungkap ke diya ini soalnya saat itu kami masih belia dan malu lagi boooooo.. eh.. pernah deh Ane nyoba ungkapin saat perpisahan di SMP dulu. Kalau nggak salah saat itu kita semua pergi ke CIBODAS. Kan ceritanya kita udah mau pisahan, dan milih ke masing-masing SMA yang dituju. Kebetulan pilihan kita rada-rada beda soalnya Bapak Ane hanya mau Ane sekolah ditempat yang terdekat dari rumah. Katanya sik.. selain ongkos murah dan bagus juga.. pilihan Ane saat itu ke SMA yang deket rumah sementara pilihan dia ke SMA yang di Palmerah dan Abang ane (satu lighting juga) milih ke SMA yang di daerah Kedoya, alasannya biar bisa maen setelah pulang sekolah. Hehehe dasar.. to'ok juga nih Abang..

Nah, setalah kami berpisah akhirnya nggak sempet lagi deh Ane menghubungi cewek ini. Jadi teng! Kita terputus ditengah jalan. Soalnya di SMA kelas satu banyak cidekan baru siiiiiiiiiiyyyyy..

NB:

Terakhir kali ketemu sama nih cewek sewaktu Ane mau kuliah. Tepatnya di daerah bunderan SLIPI sempat ngeliat dia sekilas. Pada saat itu dia mau pergi kuliah bagain HUKUM di DEPOK sementara Ane harus kuliah di bagian ngitungin duit di Salemba.. tauk nggak, pas waktu itu Ane perhatiin kok ternyata emang wajahnya mirip UUK deh.. tapi kenapa dulu Ane suka yaaaah.. mungkin cinta monyet kali jadi saat itu nggak pernah ngebayangin tampangnya tapi karena kebersamaan .. kalau kata orang jawa apaa yaaa namanyaaa.. eh iya..

Wetting tresno jalaran suko kulino (auk deh bener ape kagak bahasanye)

Artinya :

Kebiasaaan selalu bersama-sama akan membuat saling jatuh cinta.. weeeeeiii romantis amaatttt..yuuukkkk..

Masa Kecil - Pertama Masuk Sekolah

2006-09-06T11:40:00.000+07:00

Satu lagi pengalaman kecil AKU dulu adalah enaknya masa pengenalan terhadap sekolah. Saat itu AKU masih berumur belum lagi lima tahun ceritanya AKU udah ngebet banget kepingin sekolah karena BUNDA LINE habis ngedaftarin BANG IDING. AKU saat itu ngambek kepingin sekolah juga. Untung aja waktu itu si BUNDA bisa negosiasi sama kepala sekolahnya, karena sebenarnya AKU masing belom bisa masuk sekolah. Pertama karena AKU masih dibawah usia masuk sekolah. Kedua tangan AKU waktu itu belum nyampai untuk megang kuping (ini salah satu kewajiban setiap anak yang mau masuk sekolah dasar jaman dulu hhihihihi lucu kan ????).

Eh.. ngomong-ngomong AKU dulu sempet ngambek dan ngancam kepala sekolahnya lho.. "Pokoknya kalau aku nggak boleh masuk sekolah .. nanti aku mau kabur dari rumah deh pokoknya… ", ancam AKU.. yang akhirnya AKU boleh ngikutin pelajaran di Sekolah Dasar dengan catatan nanti apabila ditengah jalan ternyata AKU nggak bisa ngikutin pelajaran yah terpaksa AKU mesti siap tahun depannya masuk di kelas satu lagi. AKU sik iya aja… siapa takut … huh.. buktinya pas AKU masuk waaaa pelajarannya gampiiiilll dong.. orang cuman bikin kukusan, bunderan, angka satu, dua, huruf A besar A kecil.. (kayak pelajaran anak di TK jaman sekarang deh). Alhamadulillah AKU bisa ngikutin juga, karena selain gampil banget apa lagi emang AKU hobinya bikin yang kayak beginian. Kalau untuk urusan ngegambar ini dalam seminggu AKU bisa ngabisin 3 buah buku gambar lho.. dan BUNDA LINE paliiiiiing sering banget ngebeliin buku buat si AKU anaknya yang bungsu ini lho.. sayang berkasnya nggak pernah dikumpulin sik.. tapi AKU masing inget kok dulu sewaktu kecil sering ngegambar tokoh filem si GOLDA (ada GOLDA yang lagi berantem sama dinosaurus dan si RODEX ama kapal planetnya), ada tokoh si BUTA dari GUA HANTU, si PITUNG, dll).

Masa Kecil - Cerita Lucu 1

2006-09-06T11:35:00.000+07:00

Ada cerita lucu sewaktu AKU masing kecil sama BANG IDING.. ceritanya kan kita lagi kena penyekit koreng alias budukan sewaktu AKU masih berumur 3 tahun dan BANG IDING masih berumur 5 tahunan. Karena masih kecil koreng yang ada enggak pernah sembuh soalnya hobi kita berdua itu ngegaruk sampai ledes hehehe.. ceritanya sewaktu mau tidur kita berdua selalu dibungkus tangannya pake sarung tangan bikinan BUNDA LINE. Tapi dasar anak bandel, bangun pagi pasti udah berdarah lagi deh tuh koreng.. sampai-sampai AYAH MAHBUB kesel abis.. trus ngomelin kami berdua.. AYAH nanya siapa neh yang ngegarukin koreng nya ? AKU jawab kucing.. trus AYAH nanya lagi kucing yang mana ? AKU jawab kucing yang mukanya kayak sendok.. (hehehe ngaku akus deh). Trus AYAH ngomelin biarin ntar kalo ketangkep kucingnya tangannye dipotong yeh … karena merasa bersalah kalau korengnya itu AKU yang garukin.. AKU langsung bilang .. Jangan PAK.. entar kucingnya nggak bisa sekolah donggg… gerrrrrr kontah AYAH dan BUNDA langsung ketawa geli.. (cerita ini AKU dapet dari KAKAK-KAKAK).

Masa Kecil - Hoby

2006-09-06T11:27:00.000+07:00

Masa kecil AKU dulu paling seneng ngegambar. Mungkin turunan kali yah, soalnya CING BABANG sama CANG ZEIN itu paling pinter ngegambar lho BuD.. dan dulu AKU sering minta digambarin sama CING BABANG lho.. tinggal ngasih buku gambar kosong… nanti dikembaliin sama CING BABANG udah penuh deh sama gambar tokoh-tokoh yang AKU demen, seperti ZORO, GODAM, SI PITUNG, SI BUTA DARI GOA HANTU, JAMPANG, dll. Sayang aja hoby AKU yang ini sepertinya males dikerjain lagi karena ada kesibukan lainnya yang lebih menyita waktu (ceileeeee sok sibuk bener yah..) . mungkin satu saat kali .. AKU baru bisa menekunin hoby yang satu ini.

Selain hoby ngegambar, AKU kecil dulu paliiing demen kalau dibeliin orang-orangan, binatang-binatangan, dan mainan yang lain dan sering main kebun binatang yang AKU bikin di tanah pekarangan rumah (sewaktu dulu AKU masing tinggal di KARET SETIABUDI JAKARTA SELATAN), sama temen-temen kecil AKU .. yaitu AGUS jawa, ANTO, dan UDI.. biasanya sik kita nyari lumut yang dipinggiran tembok kamar mandi buat rumputnya dan nyari pohon-pohon kecil buat tanamannya terus bikin kolem-koleman dari plastik yang dimasukin air di atas tanah yang digali.. pokoknya kayak kebon binatang beneran deh.. dan kalau senggang juga AKU suka main mobil-mobilan kecil dengan gunung-gunungan yang kami bikin dari tanah yang dibikin gunung terus dikasih air.. udah gitu dibikin goa-goa an deh.. buat jalan mobilnya… atau main masak-masakan sama si LILIS (eh dulu waktu kecil si LILIS ini katanya pacar AKU lho.. hehehe.. soalnya dulu ceritanya AKU nggak mau makan kalau nggak sama LILIS dan dia juga begitu hehehe.. jadi waktu kecil AKU udah ngetob ya .. hahahahhaha.. kemana sekarang tuh anak yah.. terakhir dulu sik kabarnya sewaktu AKU sama keluarga pindah ke KEBON JERUK – JAKARTA BARAT , si LILIS juga pindah ke DEPOK dan setelah itu nggak tauk lagi deh kabarnya jrenggggg…

Tapi, pas udah gede gini baru deh kerasa kalu AKU ternyata seneng nyanyi, olah raga Bulu Tangkis, olah raga tennis, berenang, "camping", dan jalan-jalan. Kalu hoby menggambarnya sepertinya sih masing ada, cuman males aja buat nerusinnya.. sama hoby nulisnya kayaknya sih masing ada tuh.. maklumlah orang yang seneng menghayal hehehehe..

Masa Kecil - Pengalaman Pertama Menonton Bioskop

2006-09-06T11:21:00.000+07:00

Dulu… waktu pertama kali AKU nonton film di bioskop untuk pertama kali adalah saat AKU masih berumur 6 tahun lebih dikit. AKU masing inget dulu judul film yang AKU tonton itu adalah RATAPAN DAN RINTIHAN yang diperanin Faradila Sandy, Tanty Yosepha, entah sama siapa lagi. Ceritanya tentang seorang anak yang ditinggal mati ayahnya karena kecelakaan, udah itu dia menjadi buta karena matanya kemasukan pasir saat ia sedang menonton anak-anak yang sedang main bola, dan ibunya menjadi gila setelah ditinggal mati oleh ayahnya. Wah saat itu kayaknya ceritanya sediiiiih banget deh sampai AKU nangis bombay lho.. heheheh.. dan diledek abis sama KAK IIN (karena saat itu AKU maksa minta diajak nonton film anak-anak sama si KAKAK). Untung aja saat itu AKU punya ide.. sewaktu diledekin iidiiih anak lagi nonton filem gitu aja nanggiiiissss.. (emang asli lho AKU sampai ngeluarin air mata karena sedih.. dan terlalu menjiwai cerita filmnya). Tapi dengan enteng aja AKU bilang.. abis lagi nonton kaki AKU ke injek !!! jadi nangis deh.. padahal KAKAK tauk AKU nontonnya di atas bangku hihihihihi dasar anak kecil yah .. nyari alasan aja yang nggak masuk akal hihihi jadi mau malu kalau inget cerita ini.. apalagi KAK IIN sering nyeritain kejadian ini sama keponakan-keponakan AKU yang lain.. tapi bodo' ah namanya juga anak-anak ya nggak ????